La Conferencia de Yalta es una reunion que se debanet entre lo 4 e lo 15 de febrier de 1945 durant la fasa finala de la Segonda Guerra Mondiala en Europa . Recampet Estalin per l' Union Sovietica , Roosevelt per leis Estats Units d'America e Churchill per lo Reiaume Unit . Son objectiu era de coordenar una estrategia comuna per vencer definitivament l' Alemanha Nazi , de reglar l'organizacion dau continent apres la desfacha alemanda e d'assegurar l'estabilitat de l'ordre mondiau noveu eissit de la guerra.

Dins lei fachs, lo resultat de la conferencia es considerat coma un ≪ partiment dau mond ≫ entre leis Estatsunidencs e lei Sovietics car sei decisions agueron un rotle important durant la Guerra Freja  :

• integracion de Franca dins lo grop dei tres ≪ Grands ≫.
• partiment d' Alemanha en quatre zonas ocupadas per l' URSS , leis Estats Units , lo Reiaume Unit e Franca ^[1] .
• intrada en guerra de l' URSS contra Japon tres mes apres la capitulacion alemanda e l'annexion per Moscou dei territoris perduts per Russia en 1905 a la fin de la Guerra Russojaponesa .
• creacion dei Nacions Unidas .
• adopcion dau tracat dei frontieras europeas de 1945 .

Liames internes [ modificar | Modificar lo codi ]

• Conferencia de Potsdam .
• Ocupacion d'Alemanha apres la Segonda Guerra Mondiala .
• Segonda Guerra Mondiala .

Bibliografia [ modificar | Modificar lo codi ]

Notas e referencias [ modificar | Modificar lo codi ]

1. ↑ La zona d'ocupacion francesa era constituida de territoris prelevats sus lei zonas estatsunidencas e britanicas .