Un article de Wikipedia, l'enciclopedia liura.
|
Pels articles omonims, vejatz
Panama
.
|
Lo
Canal de Panama
es un
canal
maritim, que traversa l’
istme de Panama
en
America Centrala
, en religar l’
ocean Pacific
e l’
ocean Atlantic
. Sa bastison foguet un dels projectes d’
engenharia
mai dificils jamai realizats. Son impacte sul comerci maritim foguet grandas, pr'amor que fa pas pus mestier per las
naus
de far rota pel
cap Horn
e pel
passatge de Drake
, a la punta australa d’
America del Sud
. Una nau anant de
Nova York
a
San Francisco
pel canal percor 9500 km, mens de la mitat dels
22 500 km
del viatge per lo cap Horn
[1]
.
Lo concepte d’un canal a
Panama
remonta a la debuta de segle XVI, mas la primiera temptativa de bastison comencet pas qu'en
1880
, jos l’impulsion
francesa
. Apres lo fracas d'aquesta temptativa, lo trabalh
foguet acabat pels
Etats Units d’America
jos la direccion de
G.W.Goethals
, e lo canal dobriguet en
1914
. La bastison dels 77 km del canal se faguet amb forca problemas, malautias coma lo
paludisme
e la
febre jauna
, o lisaments de terren. Es estimat a 27 500 lo nombre d’obriers que se son morts pendent la bastison.
Dempuei sa dobertura, lo canal aguet forca succes e contunha d’esser un punt de passatge estrategic per la navegacion. Cada an, lo canal es percorrut per mai de 14 000 naus carrejant mai de 203 milions de tonas de cargason. Fins a
2002
, un total de 800 000 naus eran passadas pel canal
[2]
. D'obras d'alargament del canal fogueron aviadas en setembre de 2007 e deurian esser acabadas en 2014, per daissar passar de naus de pus gros
tonatge
.
Lo Canal de Panama religa lo
Golf de Panama
, dins l’
ocean Pacific
, a la
mar Cariba
e a l’
Atlantic
. La forma de l’
istme de Panama
, que serpateja, fa que le canal raja del sud-est (dempuei lo Pacific) cap al nord-oest (cap a l’Atlantic). Per evitar tota confusion, las autoritats del canal classan los transits en doas categorias :
direccion
nord
(del Pacific cap a l'Atlantic) e
direccion
sud
(de l'Atlantic cap al Pacific).
Lo canal pot aculhir de bateus de talhas diversas, anant dels
yachts
privats fins a las grossas
naus de comerci
. Los bateus qu'an la pus granda talha admissibla pel canal son designats jos l’apellacion de
Panamax
; un nombre creissent de naus despassa aquesta talha: son sonats
post-Panamax
. En mejana una traversada del canal per un cargo dura aperaqui nou oras. En 2005, 14 011 naus prengueron lo canal per un tonatge total de 278,8 milions de tonas, sia una mejana de 40 naus per jorn
[3]
.
- ↑
The Americans in Panama
, per William R. Scott, Statler Publishing Company, New York, 1913.
- ↑
The Panama Canal
, d’apres Global Perspectives.
- ↑
PDF
Trafic del Canal de Panama ? annadas fiscalas 2002-2004
, Autoritat del Canal de Panama.