Dat
Fraagteken
(
?
) is en
Satzteken
.
Op Platt un ok in velen annern
Spraken
, de dat latiensche Alphabet bruukt, warrt dat Fraagteken an’t Enn vun en Fraagsatz schreven. Op
Spaansch
kummt ok noch en Fraagteken an den Anfang vun en Fraagsatz, blots steiht dat op den Kopp:
¿
. Ok de
Araabsche Schrift
hett en Fraagteken, dor is dat aber an de Schrievricht (vun rechts na links) anpasst un suht so ut:
?
. De
greeksche Spraak
bruukt dorfor en anner Teken, den
Streekpunkt
(
;
).
In de mehrsten Spraken mit Latienschrift steiht twischen dat letzte Woort vun en Satz un dat Fraagteken keen Leerteken. For en Textprogramm is dat wichtig, sunst kann dat passeren, dat de Reeg justemang vor dat Fraagteken umbraken warrt. Op
Franzoosch
mutt en Leerteken sett warrn. Dor mutt een denn den Reekner verkloren, dat dor nich umbraken warrt.
Dat Fraagteken is toeerst in de Schriftreform vun
Karl den Groten
opkamen. Sien Funkschoon un Gestalt hett sik aber later noch verannert.
Woans dit Teken herkaamt is nich ganz kloor. Een Theorie meent, dat dat vun dat
latiensch
Woort
Quaestio
(=
Fraag
) afstammt. Dit Woort hebbt se an’t Enn vun en Fraagsatz sett un as
Qo
afkort. Dorbi hebbt se dat grote
Q
over dat lutte
o
schreven un later is dat Fraagteken (
?
) bi rutsuert. En annere Theorie meent, dat ok an’t Enn vun en Fraagsatz en Punkt weer un dat de Schrievers denn en Bulg (
~
) dorover sett hebbt, um de Spraakmelodie vun en Fraag antoduden.