De
Juli
, ok as
Haumaand
bekannt, is in’n
Gregoriaanschen Klenner
de sovente
Maand
in dat
Johr
. De Juli hett 31
Daag
un is een von de
Sommermaanden
. De Naam Juli geiht trugg op den roomschen Staatsmann
Julius Caesar
, de in dat Johr
46 v. Chr.
de Klennerreform dorfohrt hett. In dat
Roomsch Riek
weer bit dorhen de
roomsch Klenner
in Gebruuk, de denn dor den
Juliaanschen Klenner
afloost worrn is.
En olen hochduutschen Naam for den Maand is
Heuert
, as dat de Tiet in dat Johr is, wo de
Buerns
dat eerste
Hau
infohrn doot. Annere ole Naams sund ok
Honigmaand
oder
Barenmaand
.
In den roomschen Klenner weer de Juli noch de foffte Maand in’t Johr. Bit 44 v. Chr. harr de Maand noch
Quintilis
heten. Dat kummt von dat
latiensche
quintus
, wat fief heet.
De Maanden
Juni
und Juli hoort sik temlich gliek an, dorum warrt to’n Juni mitunner ok
Juno
seggt ? as de Goddin, wona de Maand noomt is. Den Juli noomt man denn
Julai
, dat man dat nich mehr verwesseln kann.
De Juli fangt mit den glieken
Wekendag
an as de
April
un in Schaltjohren ok mit den glieken as de
Januar
.