Rome

Rome ( Italjaans : Roma ) is de heufdstad en spesjale gemeenskop ( Roma Capitale in et Italjaans) van Italien . Met 2,9 miljoen inwonners op 1285 meter in et veerkaant is et ook et drokste en grotste gemeenskop van et laand. Doarnoast steet Rome nog veerdes op de lieste met steaden met meeste inwonners van Europa. Met boetenwieken derbie hef Rome 4,3 miljoen inwonners. De stad lig in et middel-westelike van den laandstreppel wat in de Middellaandse Zee stekt, an de rivier de Tiber . Et Vatikaan is een ofzeunderlik laand binnen de stadsmuren van Rome. Doarmet is Rome de heuwdstad van twee laanden.

Rome hef een verleden van mear as twee en een half doezend joar. Skoonwal in Romeinse geskriften steet at Rome um 753 v. Kr. egroondt is, word der al volle langer op dee stea woond. Et is ene van de euldste steaden van Europa woer as verdan leu wond hebt. De euldste inwonners stamden van ne mengeling van Latienen Etruskiers en Sabienen . De stad wor achter mekoar de heuwdstad van et Romeinse Konninkriek , de Romeinse Reppubliek en et Romeinse Riek . Et word zeen as de onstoansplaatse van de Westerse Beskawing . Et word ook wal es "Roma Aeterna" ( Den Eeuwigen Stad ) neumd en "Caput Mundi" (Heuwdstad van de Wearld). Det zeent twee belangrieke begrippen in de verledensbeskriewing van et oolde Rome.

Noa de Val van et Romeinse Riek , woermet as de Middeleeuwen anvungen, kom Rome heanig an oonder behear van den Paus . Den har zitting in de stad nommen in et 1e joarhoonderd n. Kr. In et 8ste joarhoonderd wor et de heuwdstad van de Paapse Stoaten , dee anblewen tot 1870 .

Vanof de Renaissance probeerden vuur 400 joar laank zowat alle pausen seend Kloas V (1422-55) van Rome et artistieke en kulturele middelpeunt van de wearld te maken, duur nauwgezette bouw- en stadsplanning. Doarmet wor Rome ene van de eerste heuwdplaatsen vuur de Italjaanse Renaissance en doarnoa de ontstoansplaatse van de Barokstiel . Rome treuk belangrieke keunstenoars en bouwmeasters an, dee allemoal measterwoarken achterleuten duur de hele stad. In 1871 wor Rome de heuwdstad van et Konninkriek Italie en in 1946 van de Italjaanse Reppubliek .

Rome hef ne Wearldstad -stoatus. In 2011 was et 18e op de lieste van meestbekekkene steaden van de wearld, 3de-meest bezochte in de EU en de populearse toeristentrekker van Italie. Et oolde stadsharte steet op de UNESCO - Wearldoarfgoodlieste . Monumeanten en museums zo as et Vatikaanmuseum en et Colosseum beheurt met miljoenen bezeukers in et joar tot de meestbezochte toeristensteas van de wearld.