Uut Wikipedia, de vrye encyklopedy
Montana
is nen
amerikaansken
stat. Wat uppervlakte angeyt is et den veerdegrotsten stat van de VS. Up soaven staten na hevt et et minste antal inwoaners (1.068.778 in
2019
). Den stat hevt verskillende (neetofficiale) bynamen, sou as "Land van den grouten lucht" en "Den Skattenstat". In et noorden grenset et an de
Kanadeeske
provincys
Britsk Kolumbie
,
Alberta
en
Saskatchewan
. Up et ousten deylt et ne grense med
Noord-
en
Suuddakota
. Up et suden ligt
Wyoming
en up et westen
Idaho
. De hoyvdstad is
Helena
en de grotste stad is
Billings
.
Et westen van Montana hevt verskillende houge bargkeatens, mar kleinere keatens ligget doar den heylen stat. By mekander 77 darvan hoyrt by de grottere
Rocky Mountains
. In et ousten van Montana strekket westelike prairie sik uut, afwesseld med sou noomde
badlands
, droyge bargstreaken war souwat niks wassen wil.
Inkomsten haalt den stat voarnamelik uut
buren
, med name fokvey en
gran
. Wydere inkomsten kryget se uut
mynbouw
,
oaly
,
gaswinning
en
holtbouw
. Ouk belangryk sint gesundheidssorg, deensten en regeyringssektoren. De sektor wat et hardste groit is
turisme
. Jarliks besoket souwat 13 miljoon turisten under meyr et Nationale Gletsjerpark,
Nationaal Park Yellowstone
,
Beartooth Highway
,
Flathead Lake
Big Sky Resort
.
