Uut Wikipedia, de vrye encyklopedy
Volleybal
is nen
balsport
woerbie as een spolveeld van 9 bie 18 meter opdeeld is in twee lieke helften met een net der tusken. Op iedere helfte steet een manskap van 6 spollers. Disse mut proberen nen bal oawer et net, tusken twee rechtopstoande stokke duur, bie den tegenstaander binnen de lienen van et veeld vuur de groond te kriegen. As det lukket of as den tegenstaander nen fout maakt, krig et manskap wat opslot nen peunt. Wee as der as eerste 25 peunten hef, wint nen
set
. Bie dree sets wint et manskap den wedstried. Bie nen gelieken staand (2-2) in sets, doert nen wedstried een extra set langer. Hierin zeent mer 15 peunten te verdenen. Tiedens dissen beslissenden set wesselt de teams van spolkaante noa de eerste 8 peunten.
Duur de joaren zeent der een antal soorten volleybal ontstoan: zitvolleybal, minivolleybal en straandvolleybal.
Et spolveeld mut ne oppervlakte van 9 bie 18 meter hebben.
- Spollers magnt del bal mer heel kort anraken (den skeidsrechter bepoalt dit).
- Spollers magnt den bal neet twee moal achter mekaander anraken, behalve bie een
blok
(blokkering).
- Ieder team mag heugstens dree moal achter mekoar den bal anraken vuur at he oawer et net geet. Vuur een blok geeldt dit neet.
- Den bal mag neet tegen de antennes of aandere zaken boeten et veeld kommen.
- Et net en de reande magnt neet eraakt worden.
- Nen spoller mag neet oonder et net duur bie den tegenstaander op de helfte kommen. Zelfs neet met de veute. De middelliene geeldt doarbie vuur beaide partiejen.
- Teams kriegnt een peunt as ze met den bal et veeld van den tegenstaander raakt (binnen of op de lienen) of as den tegenstaander nen fout maakt.
- Wint een team ne peunte, dan kriegnt ze ook et recht van
opsloan
(de eerste slag van ne buurte doon).
- Vuur den anvaank van ne buurte mag nen spoller ewesseld worden. Ieder manskap mag zes man te set wesselen. Nen ewesselden spoller mag vuur denzelfden spoller terugge wesseld worden, mer doarnoa neet nog es. Det geeldt as twee wessels van de zesse.
- Ieder manskap mag twee
time-outs
(pauzes) per set nemmen.
- Achterspollers magnt den bal neet oawer et net spollen as ze binnen et dreemetergebeed zeent en den bal op det ogenblik boawen et net is.
- Een manskap mag ginnen anval opzetten as den
libero
(verdeadigingsspesjalist) nen boawenhaandsen
pass
gef in et dreemetergebeed.
An et
Engelse
hof van de doomoalige keuniginne
Elizabeth
wor in et
16de joarhoonderd
al iets espold wat op volleybal leek. Det blik oet
tekeninge
oet dee tied. Offisjeel geeldt den
Amerikaan
William G. Morgan
as oetdeanker van et spel. As sportleader bie de
Young Men Christian Association
(YMCA) in
Massachusetts
gavven hee oonder mear les an een koppel euldere zakenleu. In dee tied besteund
basketbal
al, mer det veund hee te hard vuur disse leu. Doarumme dachten hee in
1895
een aander spel oet.
Hee nom regels oet et
tennis
,
basketbal
en
honkbal
en maakten doarmet de volleybalregels. Den bal mos zoonder an de groond te kommen oawer et net espold worden. Et roondspollen neumden hee
volley
. Een
netservice
meug een moal oawer edoan worden en tot een meter vuur et net meug den spoller dribbelen met den bal (ne vuur oezelf umhoge spollen). Um de vingers van de vrouwleu te beskoarmen, meugen zee den bal eerst opvangen en dan wier opsmieten. Nen wedstried har meardere innings (spolroondes). Nen inning was vuurbie as alle spollers van beaide manskappen ne opslagbuurte had harren. Et spel was een tegen ene te spollen, mer ook tiene tegen tiene.
De YMCA veund et wal wat en bedachten der nog nieje dinge bie:
- 1900
: dribbelen gung der achterhen
- 1912
: et wesselen van spolplaatsen per team kom der bie
- 1917
: nen set geet tot 15 peunten
- 1918
: een team hef op zin meest zes spollers
- 2000
: nen set geet tot 25 peunten