Ny
fiteny skoty
dia karazan' ny fiteny anglika ao amin' ny
fianakaviam-piteny jermanika
andrefana, tenenina any
Ekosy
sy ny ampahany amin' i Ulster any avaratr' i
Irlandy
. Io no fiteny tenenin' ny ankamaroan' ny olona any amin' ny faritra ambany any Ekosy Ambany (
Scottish Lowlands
), ireo Nosy any Avaratra, ary any amin' ny faritra avaratr' i Ulster. Ny fiteny skotsy ankehitriny dia fiteny mpirahavavy amin' ny
fiteny anglisy
ankehitriny, satria nisaraka avy amin' ny loharano iray ihany izy roa: ny fiteny anglisy antenatenany (taona 1100?1300).
Ny fiteny skotsy dia neken' ny governemanta ekosey ho fiteny tompontany any Ekosy, fitenim-paritra na fitenin' ny vitsy anisa any
Eoropa
, ary fiteny marefo ho an' ny
UNESCO
. Tamin' ny fanisam-bahoaka natao tao Ekosy tamin' ny taona 2011 dia olona maherin' ny 1,5 tapitrisa any Ekosy no nilaza fa afaka miteny skotsy.
Noho ny tsy fisian' ny fepetra eken' ny rehetra hanavahana ny
fiteny
amin' ny
fitenim-paritra
dia matetika ny manam-pahaizana sy ny antoko liana hafa dia tsy mitovy hevitra momba ny sata ara-piteny sy ara-tantara ary ara-tsosialy misy ny fiteny skotsy, indrindra ny fifandraisany amin' ny fiteny anglisy.