El mar russ (in arab ????? ?????? Ba?r al-A?mar , al-Ba?ru l-’A?mar ; in ebraich ?? ??? Yam Suf ), a l'e un gulf o brasc da mar de l' ucean indian tra l' Africa e l' Asia . La cunessiun cun l'ucean la se trova a sud, a travers el stregg de Bab al-Mandab e 'l gulf d'Aden . Al nord a gh'e la penisula del Sinai , situada tra 'l gulf d'Aqaba e 'l gulf da Suez al funt del qual el se derviss el canal de Suez , che 'l porta al mar mediterani . Quest mar chi a l'e lungh circa 1900 km e, al punt pussee largh, 300km. El fund marin el gh'ha una prufundita massima de 2500 m in la fossa centrala e una prufundita media de 500 m, pero el gh'ha anca di piatafurm pocch fund, famus per la vita marina e i cural . La superfis marina l'e de circa 450.000 km². A l'e l'habitat de pussee de 1000 specii d' invertebraa e 200 de cural.

El nom [ Modifega | modifica 'l sorgent ]

El mar a l'era numinaa gulf Arabich in la pupart di fund europei fin al secul XX , nom derivaa dai antigh funt grech. Erodut , Strabun e Tulumee numinaven quest brasc de mar Arabicus Sinus , menter reservaven el termin mar d'Erythrias per i aqui che bagnaven a sud la penisula d' Arabia , cunusuu atualment cume ucean indian . El nom del mar a l'indica minga el culur di aqui, gia che a hin ben blo da luntan e trasparent a la man. Forsi el fa alusiun a la fluraziun staziunala di cianubateri numinaa Trichodesmium erythraeum , che se troven su la superfis da l'aqua. Vargun al sugeriss che 'l se referiss ai muntagn russ del circundari, rich de mineral, ciamaa "??? ????" ( muntagn di Edumit o muntagn rubin in ebraich ).

Prupieta fisich [ Modifega | modifica 'l sorgent ]

La temperatura de l'aqua in superfis la resta custant a 21-25 °C e la visibilita l'e buna fina a circa 200 m, pero el mar a l'e cunussuu per i vent fort e i curent periculus. El mar el se crea quand che l' Africa la se separa da l' Arabia , un muviment scumenzaa circa 30 miliun d'ann fa: adess a l'e dree a deventa pussee grand e, in acord al mudel del Tuzo Wilson , al deventara un ucean.

Paes e cita de la costa [ Modifega | modifica 'l sorgent ]

I paes de la costa del mar russ a hin:

• Costa nord:
  • Egit
  • Israel
  • Giurdania
• Costa ovest:
  • Sudan
  • Egit
• Costa est:
  • Arabia Saudita
  • Yemen
• Costa sud:
  • Gibuti
  • Eritrea

• Cita:

Assab e Massaua , in Eritrea; Port Sudan , in del Sudan; Hala'ib , disputada tra Sudan e Egit; Port Safaja , Hurghada , Suez , Sharm el-Sheikh e Dahab , in Egit; Eilat , in Israel; Aqaba , in Giurdania; Gidda , in l'Arabia Saudita, e Hudaida , in del Yemen.