ZE	Questa pagina a l'e scrita in lengoa zeneize A Grafia adeuvia a l'e quella de l' Academia Ligustica do Brenno

O Kosovo ( Kosova o Kosove in albaneize , prononciou [k??s?va] o [k??s?v?] , Косово in serbo ^[1] , prononciou [koso?o] ), conosciuo oficialmente comme Repubrica do Kosovo ( Republika e Kosoves in albaneize , Република Косово in serbo ^[2] ), o l'e 'n paize a riconoscimento limitou de l' Eoropa sud-orientale. O Kosovo o l'a diciarou in moddo unilaterale a so indipendensa a-i 17 de freva do 2008 ^[3] e, d'ancheu, o l'e riconosciuo comme 'n stato sovran da 97 paixi de Nacioin Unie .

Giografia [ modifica | modifica wikitesto ]

O Kosovo o confinn-a co-a Serbia a nord e a levante, co-a Macedonia do Nord a sud-est, con l' Albania a sud-ovest e co-o Monteneigro a ponente. O se treuva a-o centro da penizoa balcanica e o l'a 'n'area de 10.887 km ² , pe 'na popolacion de 1,8 milioin de personn-e. O teritoio do Kosovo o l'e pi-a ciu parte ocupou da-e doe cianue da Metohija e da Ciann-a di Merli ; e artue de Arpi Albaneixi e di Monti ?ar se treuvan, rispetivamente, inta parte sud-ocidentale e inte quella de sud-est do paize. A so capitale, e citæ ciu grande da nacion asci, a l'e Pristina .

Stoia [ modifica | modifica wikitesto ]

Inte l' etæ clascica , o teritoio do moderno Kosovo o l'ea abitou sorviatutto da-a tribu di Dardani , i quæ an creou 'n paize indipendente conosciuo co-o nomme de Regno de Dardania into secolo IV primma de Cristo . L'area a l'e stæta conquista da l' inpero roman into secolo I primma de Cristo , restando donca pe-o milenio a vegni inte l' inpero bizantin . O dominio di greghi o l'e duou scinn-a-i secoli VI - VII , inti quæ o controllo do Kosovo o l'e stæto contestou da-i popoli Slavi e, poi, da-o Primmo Inpero Bulgaro asci. Into secolo XIII , o Kosovo o l'e diventou o cheu do stato medievale da Serbia , oltre che a sede da gexa ortodossa serba a parti da-o secolo XIV , o sæ quande o l'e stæto elevou a patriarcato ^[4] . L'espanscion otomann-a inti Balcani tra a fin do secolo XIV e o principio do secolo XV a l'a portou a-o declin e a-a cheita de l' inpero serbo , co-a bataggia da Ciann-a di Merli do 1389 ch'a l'e conscidera un di momenti cruciali da stoia da Serbia medievale. L' inpero otoman o l'a conpletou a conquista de l'area depoi a cosci dita segonda bataggia do Kosovo , controlando cosci o paize scinn-a-o principio do secolo XX .

Verso a fin do secolo XIX , o Kosovo o l'ea o centro do movimento nacionale albaneize , co-o scceuppo de doe inportanti rivolte into 1910 e into 1912 . Co-a batosta patia inte goære balcaniche , i turchi an ceduo a zona a-a Serbia e a-o Monteneigro. Ste nacioin chi son donca intræ, depoi a Primma Goæra Mondiale , inta Iogoslavia e, doppo 'n periodo sott'a-o regimme unitaio do Regno de Iogoslavia , co-a costitucion promulga doppo a Segonda Goæra Mondiale a l'e stæta costitoia a provinsa socialista aotonoma do Kosovo e da Metohija a l'interno da repubrica costitoente iogoslava de Serbia . E tenscioin in Kosovo tra e comunitæ albaneize e serba se son agravæ into corso do secolo XX, scceupando de votte in scontri violenti ch'an portou in scia fin a-a goæra do Kosovo , finia co-o retio de l'arma iogoslava e a creacion de l' UNMIK da parte de Nacioin Unie. O Kosovo o l'a donca diciarou in moddo unilaterale a so indipendensa a-i 17 de freva do 2008 ^[3] , otegnindo o riconoscimento diplomatico de 97 stati menbri de Nacioin Unie. A ogni moddo a Serbia a no riconosce o Kosovo comme 'n stato sovran, continoando a rivendicalo comme so provinsa costitoente aotonoma do Kosovo e da Metohija , sciben ch'a riconosce l'aotoritæ governativa de institucioin do Kosovo a parti da l' acordio de Bruxelles do 2013 ^[5] .

Economia e politica [ modifica | modifica wikitesto ]

O Kosovo o l'e 'n paize in via de sviluppo , co-in'economia a redito medio-ato. A nacion a l'a avuo 'na forte cresciansa economica a parti da-a so indipendensa, aomentando o so PIL pe tutti i anni feua de quelli da crixi financiaia do 2007-2008 . A so monæa oficia a l'e, de facto ^[6] , l' eoro , sciben ch'o Kosovo o no fa parte de l' Union economica e monetaia de l'Union Eoropea ^[7] .

O Kosovo o l'e un di menbri do Fondo Monetaio Internacionale e da Banca Mondiale , pe de ciu o l'e in corso o processo pe l'adexon a l' Interpol e o l'e un di paixi oservatoi de l' Organizacion da Coperacion Islamica .

Notte [ modifica | modifica wikitesto ]

1. ↑ Trasliterou in Kosovo
2. ↑ Trasliterou in Republika Kosovo
3. ↑ ^{3,0 3,1} ( EN ) Accordance with International Law of the Unilateral Declaration of Independence in Respect of Kosovo ( PDF ), International Court of Justice, 22 luggio 2010. URL consultou o 5 mazzo 2022 (archiviou da l' url originale o 24 setenbre 2020) .
4. ↑ ( EN ) M. E. Sharpe, Ethnic Groups and Population Changes in Twentieth-Century Central-Eastern Europe , 2003, p. 364, ISBN   0-765-61833-8 .
5. ↑ ( EN ) Nikolas K. Gvosdev, Kosovo and Serbia Make a Deal , Foreign Affairs, 24 arvi 2013. URL consultou o 5 mazzo 2022 .
6. ↑ Apreuvo a-o fæto che no gh'e stæto nisciun acordio formale con l'UE. L'adocion de l'eoro a vegne da l'uzo ( de facto anche le) do marco tedesco comme monæa oficia scinn-a-o 2002, sostitoia donca da-o so suceso.
7. ↑ ( EN ) The euro outside the euro area , in sce ec.europa.eu . URL consultou o 6 mazzo 2022 .

Bibliografia [ modifica | modifica wikitesto ]

• ( EN ) Miranda Vickers, Between Serb and Albanian: A History of Kosovo , Hurst & Company, 1998, ISBN   1-850-65358-5 .
• ( EN ) Noel Malcolm, Kosovo: A Short History , Macmillan, 1998, ISBN   0-333-66612-7 .
• ( EN ) Andrew Herscher, Violence Taking Place: The Architecture of the Kosovo Conflict , Stanford University Press, 2010, ISBN   0-804-77622-9 .
• ( EN ) Robert Elsie, Historical Dictionary of Kosovo , 2ª ed., Scarecrow Press, 2010, ISBN   0-810-87483-0 .
• ( EN ) Andrea Lorenzo Capussela, State-Building in Kosovo: Democracy, Corruption and the EU in the Balkans , Bloomsbury Publishing, 2015, ISBN   1-786-73983-6 .
• ( EN ) Sabrina P. Ramet, Albert Simkus e Ola Listhaug, Civic and Uncivic Values in Kosovo: History, Politics, and Value Transformation , Central European University Press, 2015, ISBN   96-33-86074-1 .

Atri progetti [ modifica | modifica wikitesto ]

• Wikimedia Commons a contegne di files in sce Kosovo

Colegamenti esterni [ modifica | modifica wikitesto ]

• ( SQ ,  SR ,  EN ) Scito oficia do governo , in sce kryeministri.rks-gov.net . URL consultou o 5 mazzo 2022 .
• ( SQ ,  SR ,  EN ) Scito oficia do parlamento , in sce kuvendikosoves.org . URL consultou o 5 mazzo 2022 .
• ( SQ ,  SR ,  EN ) Scito oficia do prescidente , in sce president-ksgov.net . URL consultou o 5 mazzo 2022 .

V  ·  D  ·  M Stati de l' Eoropa
Albania  ·   Andora  ·   Aostria?  ·   Azerbaijan [1]  ·   Belgio  ·   Bieloruscia  ·   Bosnia-Ercegovina  ·   Bulgaria  ·   Citæ do Vatican  ·   Croacia  ·   Danimarca  ·   Estonia  ·   Finlandia  ·   Fransa  ·   Giorgia [1]  ·   Germania  ·   Grecia  ·   Irlanda  ·   Islanda  ·   Italia  ·   Kazakistan [1]  ·   Letonia  ·   Liechtenstein  ·   Litoania  ·   Lusenburgo  ·   Macedonia do Nord  ·   Mata  ·   Moldavia  ·   Monego  ·   Monteneigro  ·   Norveggia  ·   Paixi Basci  ·   Polonia  ·   Portogallo  ·   Regno Unio  ·   Repubrica Ceca  ·   Romania  ·   Ruscia [2]  ·   San Marin  ·   Serbia  ·   Slovachia  ·   Slovenia  ·   Spagna  ·   Svecia  ·   Svisera  ·   Turchia [2]  ·   Ucrainn-a  ·   Ungheria
Riconoscimento limitou	Abkhazia [1]  ·   Kosovo  ·   Osecia do Sud [1]
De facto indipendenti	Transnistria
Dipendense	Danimarca (   Fær Øer )  ·   Regno Unio (   Gibiltæra  ·   Guernsey  ·   Jersey  ·   Izoa de Man )
↑ 1,0 1,1 1,2 1,3 1,4 Stato parcialmente eoropeo a segonda da convencion giografica adota ↑ 2,0 2,1 Parcialmente in Azia