Catoliceximo
o l’e l’atributo da Gexa Apostolica Romana e o gh'a o scignificato de “Universalitæ”. De tutte e dotrinn-e crestiann-e a l’e a ciu difuza into mondo e a se distingoe po-u primato de dotrinn-a e de giurisdicion atriboio a-o Pappa, cappo vixibile da Gexa, erede do Peo e vicaio de Cristo. A veitæ do Catoliceximo a l'e into
Testamento Antigo
e Neuvo (a Rivelacion) interpreta da-a Gexa comme potere dotrinale o de magistero o sæ de insegnamento. A vocacion universale da Gexa a ne vegne da-i Apostoli e da-a so miscion de predica l’Evangeio a tutte e creatue da tæra.
Santificæ da-o Sacramento do Bateximo, i fedeli forman in corpo unico co-o Cristo e con questo peuan agoanta a totale e pinn-a union con Dio. Animæ da-a Gracia saian perfetti comme l’e perfetto o Poæ.
L'aotoritæ a-o
Pappa
(quæ suceso do Peo) a gh’e dæta diretamente da-o Gexu e pe questo l’e acetou universalmente o so primato e a so infalibilitæ. E tutti quelli che negan questo son conscideræ eretichi e feua da-a Gexa Catolica (scominigæ). L'aotoritæ do Pappa a no l'e subordina a nisciunn-a aprovacion da parte de chi forma o Concilio Ecumenico e da scindacati civili.
A giurisdicion do Pappa a l'e diretta, universale, pinn-a e perfetta, e a l’e sorva ogni atro potere institoio da l’ommo. O Pappa o l’ezercita a so aotoritæ ex-cathedra, o sæ comme unico e mascimo oficio de Pasto e de Meistro. 'Na votta eletto, o Pappa o gh’a pinn-a aotoritæ e contra e so decixoin no gh’a potere ni o Colegio di Vescovi, ni quello Ecumenico; l'aotoritæ de questi doi organi a ven con l’aprovacion do Pappa mæximo.
Agiutan o Pappa into governo (governo pe atro definio “teocratico”) i Cardinali che forman in Colegio. Agiutan asci o Pappa inte l’ezercicio da so miscion e Congregacioin Sacre che gh’an o potere de emette decretti e prononcia sentense po-u regolare foncionamento da Gexa. Subordinæ a l’aotoritæ do Pappa son i Vescovi, sucesoi diretti di Apostoli. Vegnan nominæ diretamente da-o Pappa e da Le son investii d’aotoritæ pe diritto divin. L’aotoritæ di Vescovi a l’e limita a-a so diocexi: queste no son atro che quello che into Stato Civile son e Regioin. E diocexi son spartie in Parochie presiedue da ’n Pareco (o Sacerdote) ch’o l’a a foncion de Pasto pe-a popolacion ch’a vive inta parochia.
A baxilica de San Pe a Romma
Atri elementi inportanti pe-a difuxon do Catoliceximo son i Ordini Monastichi e-e Congregacioin Religioze.
I Paixi in sci quæ s’estende l’aotoritæ spiritoale do Pappa son spartii inte træ categorie che son: a Congregacion pe-i Vescovi, a Congregacion pe-e Gexe orientali e quella pe l’Evangelizacion di Popoli.
Congregacion pe-i Vescovi: dipendan da questa i Patriarchi de
Lisbonn-a
e de
Venecia
e tutte e Rescidense latinn-e feua che quelle che se treuvan inti Paixi de Miscioin o scimili.
Congregacion pe-e
Gexe Orientali
: dipendan da questa i patriarchi de
Lisciandria
di Copti, d’
Antiochia
di
Maroniti
, d'Antiochia di Melchiti, d'Antiochia di Scirien, de
Babilonia
di Cadæi e da
Cilicia
di Armeni. A questi van azonti i vicariati apostolichi do rito Bulgaro e Copto, e Gexe do rito Armeno (
Trebizonda
), do rito Cadæo (Baghdad, Mardin e Mosol), do rito scirian (
Sciria
e Cilicia).
Congregacion pe l’Evangelizacion di popoli : dipendan da questa o Patriarcato de Geruzalemme e tutte e rescidense di paixi ch’ean sotta a-a so giurisdicion o sæ di Paixi de Miscion; tutti i vicariati e-e prefetue apostoliche.
A tutto ancheu apartegnan a-a Gexa Catolica 1.285.000.000 de personn-e, o sæ ciu da meitæ di Crestien de atre dotrinn-e.