Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
De
zoondag
is 'nen
daag
in de
week
. Oersprunkelek waor 't d'n iersten daag; in de westerse werkweek is 't evels de zevende en lesten daag gewore.
D'n daag is verneump nao de
zon
; 't woord
zoondag
is daan ouch 'n sumpel lienvertaoling vaan 't
Latiens
Solis dies
daan wel 't
Aajdgrieks
?μ?ρ? ?λ?ου
hemera Heliou
. De zon waor in 't
Ptolemeisch stelsel
ein vaan de zeve
planete
; de aander weekdaog zien nao de aander planete geneump. Daobij gol de zon in vaol culture ouch es 'ne god (
Helios
bij de Grieke; in minder maote ouch
Sol Invictus
bij de Romeine). 't
Astronomisch symbool
veur de zon
?
woort veural vreuger ouch es teike veur de zoondag gebruuk. In de
Romaanse taole
heet me de naom
zoondag
neet gehawwe; hei sprik me vaan d'n 'Daag vaan d'n Hier' (
domenica
,
dimanche
etc.).
De zoondag waor en is in 't volksgeluif algemein 'ne
geloksdaag
, um de positief associaties die de zon metbringk. Dit kin hiel good vaan invlood zien gewees op de vreug
christene
, die d'n daag vaan ros en gebed versjove vaan de sabbat (op zaoterdag; in de Romeinse cultuur zeker geine geloksdaag) nao de zoondag. Bekans alle christeleke genoetsjappe doen de
mes
of deens op dezen daag, allein get klein christeleke genoetsjappe wie de
zevendendaagsadventiste
koume op zaoterdag bijein.
In alle vaanajds christeleke len is de zoondag de wetteleke rosdaag. Ouch in 't islamitisch meh seculier ingesteld
Turkije
is dat zoe; 't land zeuk daomet aonsleting bij Europa. Op zoondag weure deks sportmatche gespaold en in vaol len verkezinge gehawwe. Bij sommege christene gief dat evels probleme, umtot ze meine tot de zoondagsros heimet weurt versteurd. Dit is oonder mie bij de
orthodox-prottestante
in
Nederland
zoe. Daorum weure in dit land verkezinge op goonsdag gehawwe, en speule
amateurvoetbalclubs
op prottestantse groondslaag deks op zaoterdag.