Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
Warschau
(
Pools
:
Warszawa
) ies de
hoofsjtad
van
Pole
. Met 1 726 600 (2014) inweunersj ies 't ouch de groatste sjtad van 't land. Warschau liegk aan de
Weichsel
in de provincie
Mazovie
.
Warschau woort veur 't iersj vermeld in
1241
. Doe waor 't nog mer e klein vossjersjdorpke. Warschau waor iersj de hoofsjtad van 't vorstedom Mazovie. In
1596
verplaatsjde de Poolse keuning zien residentie van
Krakau
nao 't centraler gelege Warschau.
In de jaore 1655-1660 woort de sjtad bezat door de
Zjwede
, die allerlei kosbaarhede metnaome nao hun vaderland.
In d'n
Twiede Waereldoorlog
woort de sjtad groatendeils verwoes. Nao d'n oorlog haet me 't centrum in de ouw sjtiel herboewd. Tegewoordig sjteit de sjtad op de
Waerelderfgoodlies
van
UNESCO
. De restauratie neump me ouch waal: 't wonder van Warschau.
't Centrum van de ouw sjtad ies de Rynek, de mert, umgeve door kleurige hoezer, die tosje 1949 en 1963 minutieus herboewd woorte onder leijing van 'ne Russische arsjitek. Ouch ander sjtraote en 'n deil van de ouw umwalling (met 't bastion
Barbakan
) woorte hersjteld.
Aan de rand van de ouw sjtad liek 't Keuninklik Paleis en de aan keuning
Sigismund III Wasa
opgedrage gedenkzuul. Sigismund waor de keuning dae Warschau es hoofsjtad koos.
Ten weste van de ouw binnesjtad ies nao de Twiede Waereldoorlog e nuuj centrum geboewd. Dit deil van de sjtad haet hoag, modernistische geboewe en breij sjtraote, deks met vrieliegkende
trambane
. Hie liek ouch 't Paleis veur Cultuur en Weitesjappe, e kolossaal boewwerk in stalinistische sjtiel. 't Woort geboewd tosje 1952 en 1955 en waor e gesjenk van
Stalin
aan de sjtad.