Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
Anthony "Tony" Charles Lynton Blair
(
Edinburgh
,
6 mei
1953
) waor van
1997
tot
2007
premier
van 't
Vereineg Keuninkriek
. Hae ies lid van de
Labour Party
. Blair waor de langs zietende Labour-premier.
Blair sjtudeerde
rechte
aan St. John's College in
Oxford
. In 1983 woort hae verkoze in 't parlement. In
1994
volgde hae
John Smith
op es leier van de Labour Party. Onder de leijing van Blair versjoof de partie nao 't miedde van 't politiek sjpectrum. "New Labour" won de verkezinge van 1997 euvertugend, woadoor Blair premier woort. Bie de verkezinge van 2001 handhaafde hae zien mierderheid in 't parlement en op 5 mei 2005 behaolde hae zien derde achtereinvolgende verkezingseuverwinning, al leep de mierderheid van Labour in 't
Liegerhoes
sjterk truuk.
In de boetelandse politiek vurmp de regering van Blair saer
11 september
2001
'n alliantie met de
Vereinigde Sjtaote
, zoawaal in de oorlog in
Afghanistan
es dae in
Irak
.
In juni
2007
droog hae achterein de mach in de partie en 't premiersjap euver aan
Gordon Brown
. Metein daonao gong hae werke es diplomaat.
Blair ies getrouwd en haet 4 kinger.