Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

'ne Staotsgreep , coup , coup d'etat of poetsj is 'n plotslige, illegaal aafzetting van 'n regering , meistes door 'n klein groep van 'n instelling vanne bestaondje staot , gewuuenlik door 't leger , veure aafgezatte regering te vervange door 'n anger instelling; zie 't borgerlik of milletaer. 'ne Staotsgreep is geslaag es de euverweljigers haor dominantie vestige wen de zittendje regering neet d'rin slaag haor machsversterking te veurkommen of mit succes te waerstaon. Es de staotsgreep ofwaal neet gans mislok, ofwaal neet gans succes book, zal de poeaging toet 'ne staotsgreep wersjienlik leie toet 'ne borgerkrieg .

Meistes maak 'ne staotsgreep gebroek vanne mach vanne bestaondje regering veure politische mach te griepe. 'ne Staotsgreep besteitj volges Edward Luttwak oete infiltratie van e klein, meh kritisch deil van 't staotsapparaat, det den wuuertj gebroek veure regering te verdringe van haor kontraol euvere res van 't staotsapparaat. Dus is gewaopendj geweldj, zie 't milletaer of paramilletaer, gei tupisch kenmirk van 'ne staotsgreep.