Dit artikel is gesjreve (of begos) in 't Sint-Joasters . Laes hie wie v'r mit de versjillende saorte Limburgs omgaon.

De sjaol van Richter is 'n meneer womit me de kraf van 'nen aerdsjoddel aanguef. De sjaol is opgesteldj doren Amerikaanse seismoloog Charles Richter in 1935. 't Is 'n logaritmische sjaol van de sterkdje van de trilling, zowie die waere gemaete op 't seismogram .

De sterkdje wuertj beraekendj aanhandj de maximalen oetslaag ( amplitude ) van de registraasje van d'n horizontale component van d'n aerdsjoddel. De sterkdje wuertj magnitude geneump, analoog aan 't begreep oet de sterrekonde veur de helderheid van 'n ster aan te gaeve.

't Ciefer op de sjaol van Richter guef 'n indikaasje van de sterkdje van de sjoek, de biebehuerendje omsjrieving guef 'n indikaasje van de gevolg van de sjoek:

1. Allein maetbaar door instrument;
2. Bao neet maetbaar, zelfs in de buurt van 't epicentrum ;
3. Wuertj geveuldj binnen 't hoes;
4. Waor te numme door de meiste luuj, meh weinig sjaaj;
5. Geveuldj door de meiste luuj, klein tot gemiddeldje sjaaj;
6. Gemiddeldje sjaaj;
7. Groate sjaaj;
8. Ganse verrinnewering.