Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
'ne
Krieg
of
aorlog
is 'ne gewaopendje stried tosse
volker
of
staote
. Es etnische of religieus gruup binne dezelvendje staot mitein 'ne gewaopendje stried veure sprek me van 'ne
borgerkrieg
. Me sprek van 'ne
weltkrieg
es 'n mieederheid vanne grotste en sterkste lenjer euvere ganse welt bieje krieg is betroch. Kriege tosse staoten ongerling zeen allewiel zeldjzaam.
Taengeneuver krieg steitj
vraej
, 'nen toestandj worin volker en naties 't bestaon van einanger respekteren of zelfs wardere. Tosse krieg en vraej zeen alderlei tossevorm dinkbaar, wie de
Kaje Krieg
of 'ne
waopestilstandj
.
Vanaaf 't begin is kriegveuring al ongerworpe gewaes aan wetten en reglemente, al zeen dees inne loup vannen tied waal verangerdj. Mit naam is miee naogedach euvere rechvaerdiging van 'ne krieg. Saer 1945 is volges 't internasjenaal rech 't zoeameh veure van 'ne krieg gei gerechvaerdig middel miee veur 't oplosse van konflikte. Pas wen alle diplomatieke middele zeen oetgepotj kan waere beslaote toeten inzat van gewaopendje middele.
Trods alle internasjenaal wetgaeving waere daacheliks nag vaol konflikte mit waopes beslech, zonger det alle diplomatieke middelen oetpottendj zeen benotj gewaore. Doks omzeiltj me d'n term "krieg" door "gewaopendj konflik" te broeke.