Dit artikel is gesjreve (of begos) in 't Heelesj . Laes hie wie v'r mit de versjillende saorte Limburgs omgaon.

Hamas ( Arabisj : ????, e Arabisj acroniem vuur ???? ???????? ????????? ?arakat al-Muq?wamah al-?Isl?miyyah, wat letterlig Islamitisje Verzetsbeweging heesjt) is 'n Palestiense islamistisje beweging va soennitisje zinjatoer die seer 2007 de Gazasjtrook besjtuurt. De beweging weed in Australie , Canada , de EU , Groeet-Brittannie , Israel , Japan en de VS besjouwd es 'n teroristisje organisatie. Ze weed gesjteund durch 't Talibanregime in Afghanistan , Algerieje , 't Ayatollah-regime in Iran , Koeweit , Maleisie , 't communistisj regime in Noord-Korea , Qatar en Venezuela .

Hamas woeed in 1987 , aan 't begin van de Ieesjte Intifada opgerich es aafsjplitsing van de Egyptische Moslimbrodersjap . D'r militante tak van Hamas heesjt de Izz al-Din al-Qassam Brigade. In de beginjoare pleegde ze zelfmoordaansjleeg op Israelisje soldoate en burgesj. Vanaaf 2001 veurt ze vuural raketaanvalle oet op Israelisje doele, dok mit zelfgemaakde projectiele. Ze deet ooch tunnels grave onger Gaza en 't Israelisje grensgebeed en gebroek die onger miee vuur 't sjmokkele va woapes. Regelmieesig is ze betrokke bei gevechte mit de Israelisje armee, onger anger ronk de joarwisseling van 2008 en 2009 , in 2014 , in 2021 en in 2023 .