Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Ethiopie is e land in d'n Hore vaan Afrika . 't Grens aon Eritrea , Djiboeti , Somalie , Kenia , Zuid-Soedan en Soedan . Hoofstad is Addis Abeba . 't Land kint gein koslijn en besteit veur e groet deil oet hoegland. Ethiopie is e cultureel divers land. De dominante cultuur is Semitisch , meh nog diverse aander taolgroppe (veural Koesjitische ) zien in 't land te vinde. De iewenaw cultuur dreug vaol unieke eleminte in ziech: zoe heet 't land 'ne gans eige vorm vaan 't christendom, e gans eige sjrif en 'ne gans eige kalender.

Ethiopie is de plaots vaan diverse aw besjavinge, boe-oonder 't keuninkriek Aksum . Um en bij 't jaor 1137 woort 't keizerriek gestiech, wat 't land iewelaank zouw regere. Tegen 't ind vaan de negentienden iew naom d'n Europesen invlood touw, meh op 'ne korten tied vaan Italiaanse bezetting nao is 't land noets gekoloniseerd gewore. Ouch heimet is Ethiopie uniek in Afrika. 'n Revolutie tegen 't keizerlek rezjiem, chaos oonder 't communistisch bewind en 'ne borgeroorlog dee indegde met 'n nui revolutie hobbe 't land deep in de ermooj en hoongersnoed geduid. Sinds 1990 heet 't ziech bitteke bij bitteke hersteld.

   Dit artikel is e sjtumpke. De kans Wikipedia helpe door 't aan te volle