Bestuurleke indeiling
bewirk
Libanon is ingedeild in zes gouverneursjappe en 25
distrikte
. De gouverneursjappe zien:
De belaankriekste relizjies vaan Libanon
Libanon is e zier divers land, wat betref relizjie en etniciteit. De moslims make zoe'n 54% vaan de bevolking oet, christene 40,5% en euverege 15%. In 't land weure achtien relizjies erkind. 't Geit um mie es twelf christeleke kerke, boevaan de Maronitische Kerk ein van de groetste is. Daoneve gief 't versjillende islamitische strouminge: 't soennisme, 't sjiisme en de alawiete. De Druze leve veural in 't Choufgebergte, in 't midde vaan 't land.
Sinds de oprichting vaan Libanon, in
1943
, naom 't rilletief aontal christene hendeg aof, wat te verdutse is door etnische spanninge, de borgeroorlog vaan 1975-1990, de zwake ikkenomie en 't lieger vrochbaarheidsciefer vaan de christene in vergelieking met tot vaan de moslims. De leste jaore nump hun rilletief aondeil weer touw, doortot vaol christene de oorlogslen Syrie en
Irak
oontvlochte.
De meiste lui in Libanon kalle 't Libanees en 't Levantiens Arabisch. 't Standaardarabisch is de officieel taol, en 't Frans weurt vaol gebroek in 't oonderwies. De Libanese jaog kalt ummertouw mie Frans. De leste jaore weurt ouch 't
Ingels
populair, veural in 't wetesjappelek oonderwies. Minderheidstaole zien 't
Armeens
, 't
Grieks
en 't
Koerdisch
.
In de periode 1975-2011 verlete 1,8 mieljoen Libaneze hun land. Gesjat weurt tot ach a veertien mieljoen lui op de wereld 'ne Libanesen aachtergroond hobbe. De Libanese diaspora is 't groets in len wie
Brazilie
,
Canada
en
Australie
.
Libanon waor in de
ajdheid
't thoesland vaan de
Feniciers
, e zievarend
Semitisch
volk. Oonder de
Achaemenide
vereuverde de
Perze
't gebeed, en maakde 'n
satrapie
devaan. Ouch
Alexander de Groete
vereuverde 't, met meujte, en vaanaof de
ierste iew veur Christus
waor 't Roemeins. In de
zevende iew
brachte de
Arabiere
d'n
islam
, dee ziech in dit
christelek
gebeed mer koelek verspreide. Nao de ierste en derde
Kruustochte
woorte hei
Kruusvaardersstaote
gestiech. In de
zestiende iew
vereuverde de
Osmaanse Torke
't land, dat oonder
Torkse
regering bleef tot 't nao d'n
Ierste Wereldoorlog
aon
Fraankriek
touwgeweze woort. Fraankriek bleef tot
1943
't land kolonisere.
Vaanaof
1975
braoke versjeie borgeroorloge oet tosse de versjellende religieuze groppe. Syrie mingde ziech vaanaof
1976
intens in 't land en Israel veel in
1978
't zuie vaan 't land binne, um ziech 'tzelfde jaor weer trok te trekke. Vaanaof
1982
heelt Israel dit gebeed laankdureg bezat um de
PLO
droet te hawwe. In
1989
heelt d'n oorlog, door intense oonderhandelinge binne de
Arabische Liga
, op met e vreisakkoord. In
2000
trok Israel zien leste troepe trok. Daomet waor de Syrische aonwezegheid ouch euverbojeg en de oonvrei euver hun bemeujenis naom touw. In
2005
woort nao e paar bleujeg aonsleeg op anti-Syrische politici de
Cederrevolutie
voltrokke, die de mach vaan Syrie braok en 't land dwong al zien troepe trok te trekke.
Sinds 't oetbreke van d'n borgeroorlog in Syrie is 't oonrostig in 't land. De sjiitische beweging Hezbollah is in 't oeste vaan 't land actief. Dao gief 't regelmaoteg gevechte met aander strijdende partije oet Syrie.
Islamitische Staot
waor ouch actief in dees regio. De groete aantalle Syrische
vlochtelinge
zorge veur maatsjappeleke oonros in Libanon. 't Geit zeker um mie es 1,5 mieljoen lui op 'n bevolking vaan get mie es zes mieljoen.
Commons
In de categorie
Lebanon
van Wikimedia Commons zeen media gerelateerd aan dit ongerwerp te venje