Saka Wikipedia Jawa, bauwarna mardika basa Jawa
Sawah
utawa
sabin
(
basa krama
) iku tegal kanggo budidaya tuwuhan
pari
. Sawah iku lumrahe papane ana ing rawa-rawa teles. Yen sawah garing, dijenengake sawah gaga. Sawah dipethak-pethak lan diwatesi nganggo galeng utawa galengan (
basa Indonesia
:
pematang
).
Sawah kang diwehi banyu mawa sistem
irigasi
diarani sawah irigasi, dene yen banyune mung ngandelake saka tumuruning udan diarani
sawah tadhah udan
.
Para ahli purbakala lumrahe percaya yen
tetanen
ing lahan teles kaya sawah iki asale saka
Cina
. Ing Caoxieshan, sawijining situs saka jaman budaya Neolitik Majiabang, ahli purbakala nemu patilasan sawah
[1]
. Sawetara ahli nyatakake yen Caoxieshan wus ana ing taun 4000-3000 S.M.
[2]
[3]
, nanging saiki, tilas sawah kang luwih tuwa tinemu ing
Korea
[4]
. Ana bukti arkeologis yen
gabah
disimpen kanggo pasadiyan militer ing jaman
Neolitik
dening Dinasti Han ing Cina.
[5]
Pangolahan lahan sawah kanthi tradhisional
[
besut
|
besut sumber
]
Ngolah lemah lahan sawah utmane kang disiapake kanggo nandur
pari
kanthi tradhisional antarane dumadi saka saweatara pagawean kanthi urutan kaya mangkene:
- Macul
kanggo malik lemah mligi ing pinggir-pinggir
galeng
kang isih akeh ngandut hara.
- Mluku
malik lemah nganggo piranti
waluku
.
- Nggaru ngratakake lemah nganggo piranti
garu
kang diseret
sapi
utawa
kebo
- Nyebar winih|Nyebar yaiku nyebar winih pari ing papan pawinihan.
- Ndhaut
iku nyabuti winih pari saka papan pawinihan lan disiapake kanggo ditandur.
- Tandur
iku nandur bibit pari kang wis didaut kanthi jejer ing lahan kang wis warata amarga digaru.
- Matun iku ngresiki suket utawa
gulma
- Sulam yaiku nyulami utawa ngganti yen ana saperangan wit pari kang mati
- Ngabuk yaiku menehi
abuk
ing sawah nganggo warna-warna abuk gumantung kabutuhan.
- Derep yaiku manen pari kanthi cara tradhisional yaiku nganggo piranti
ani-ani
.
- Bawon yaiku bagi asil panen pari antarane kang duwe sawah karo kang ngayahi derep. Sing umum wong derep oleh perangan sapro enem utawa sapro wolu saka asile derep.
- ↑
Fujiwara, H. (ed.).
Search for the Origin of Rice Cultivation: The Ancient Rice Cultivation in Paddy Fields at the Cao Xie Shan Site in Cina
. Miyazaki: Society for Scientific Studies on Cultural Property, 1996. (In Japanese and Chinese)
- ↑
Fujiwara 1996
- ↑
Tsude, Hiroshi. Yayoi Farmers Reconsidered: New Perspectives on Agricultural Development in East Asia.
Bulletin of the Indo-Pacific Prehistory Association
21(5):53-59, 2001.
- ↑
Crawford, Gary W. and Gyoung-Ah Lee. Agricultural Origins in the Korean Peninsula.
Antiquity
77(295):87-95, 2003.
- ↑
"Expansion of Chinese Paddy Rice to the Yunnan-Guizhou Plateau"
. Dibukak ing
2007-08-06
.
|
Wikimedia Commons duwe medhia ngenani
Sawah
.
|