Kuran

	Artikel iki bageyan saka seri ; Islam ;
	Rukun Islam
	Sahadat · Salat · Pasa ; Jakat · Kaji
	Rukun Iman
	Allah · Kuran · Malaekat ; Nabi · Dina Akhir ; Qada & Qadar
	Tokoh Islam
	Mukamad ; Nabi & Rasul · Sakabat ; Ahlul Bait
	Kutha suci
	Mekkah · Madinah · Yerusalem ; Najaf · Karbala · Kufah ; Kazimain · Mashhad · Istanbul
	Riyaya
	Ejrah · Idul Fitri · Idul Adha · Asyura · Ghadir Khum
	Arsitektur
	Mesjid · Menara · Mihrab ; Ka'bah · Arsitektur Islam
	Jabatan Fungsional
	Khalifah · Ulama · ; Imam · Mullah · Ayatullah · Mufti
	Teks & Ukum
	Kuran · Kadis · Sunah ; Fiqih · Fatwa · Sarengat
	Madahab
	Sunni ; Kanapi · Kambali ; Maliki · Sapingi
	Singah ; Rolas Imam ; Ismailiyah · Zaidiyah
	Liyane ; Ibadi · Khawarij ; Murji'ah · Mu'taziliyah
	Delengen uga
	Gapura Islam
	Indeks perkara Islam
	deleng ; rembug ; besut ;

	Artikel iki bageyan saka seri ; Islam ;
	Rukun Islam
	Sahadat · Salat · Pasa ; Jakat · Kaji
	Rukun Iman
	Allah · Kuran · Malaekat ; Nabi · Dina Akhir ; Qada & Qadar
	Tokoh Islam
	Mukamad ; Nabi & Rasul · Sakabat ; Ahlul Bait
	Kutha suci
	Mekkah · Madinah · Yerusalem ; Najaf · Karbala · Kufah ; Kazimain · Mashhad · Istanbul
	Riyaya
	Ejrah · Idul Fitri · Idul Adha · Asyura · Ghadir Khum
	Arsitektur
	Mesjid · Menara · Mihrab ; Ka'bah · Arsitektur Islam
	Jabatan Fungsional
	Khalifah · Ulama · ; Imam · Mullah · Ayatullah · Mufti
	Teks & Ukum
	Kuran · Kadis · Sunah ; Fiqih · Fatwa · Sarengat
	Madahab
	Sunni ; Kanapi · Kambali ; Maliki · Sapingi
	Singah ; Rolas Imam ; Ismailiyah · Zaidiyah
	Liyane ; Ibadi · Khawarij ; Murji'ah · Mu'taziliyah
	Delengen uga
	Gapura Islam
	Indeks perkara Islam
	deleng ; rembug ; besut ;

Kuran , Al-Qur'an utawa Qur'an ( Basa Arab : ??????) punika kitab sucinipun agama Islam . Umat Islam pitados bilih Kuran punika pucuk lan panutuping wahyu Allah kangge manungsa. Piwulang punika dipunwulangaken marang Muhammad kanthi lantaran Malaekat Jibril.

Manawi dipunrunut saking ngelmu basa, Kuran punika tegesipun "wewacan" utawi "kang diwaca bola-bali." Ukara punika saking qara'a (?? ?) ingkang tegesipun "maca". Panggianing ukara punika saged dipunmangertosi ing ayat 17 lan 18 Surat Al-Qiyaamah.

Terminologi [ besut | besut sumber ]

Dr. Subhi Al Salih ngandharake tegese Kuran kanthi makaten:

"Kalam Allah kang awujud mukjizat kang lumantar Muhammad kang tinulis ing mushaf (lembaran) lan diriwayatake kanthi mutawatir (terus nyambung kanthi bener) lan yen maca awujud ngibadah."

Dene Muhammad 'Ali ash-Shabuni ngandharake kanthi ukara:

"Kuran iku kalam Allah kang tanpa tandhing, tinurunake marang Muhammad pungkasaning para nabi lan rasul, kanthi lantaran malaekat Jibril.as lan tinulis ing mushaf-mushaf kang banjur tekan kita kabeh kanthi mutawatir, lan yen maca lan nyinaoni bakal dianggep ngibadah, kanthi diwiwiti surat Al-Fatihah lan ditutup surat An-Nas"

kanthi katrangan kados ing nginggil punika, Kuran dipunbedakaken kaliyan kitab saderengipun Muhammad , yaiku Kitab Toret utawa Injil .

Dasanama Kuran [ besut | besut sumber ]

Ing kitab suci punika ugi wonten katrangan bilih Kuran uga gadhah dasanama utawi sebutan-sebutan sanesipun. Ing basa Indonesia dipunwastani Sinonim utawi persamaan tembung.

Al-Kitab, KS(2:2),KS (44:2)
Al-Furqan (kang mbedakake bener luput): KS(25:1)
Adz-Dzikr (kang menehi pepeling): KS(15:9)
Al-Mau'idhah (piwulang/pitutur): KS(10:57)
Al-Hukm (aturan/ ukum): KS(13:37)
Al-Hikmah (kawicaksanan): KS(17:39)
Asy-Syifa' (tamba): KS(10:57), KS(17:82)
Al-Huda (pituduh): KS(72:13), KS(9:33)
At-Tanzil (kang tinurunake): KS(26:192)
Ar-Rahmat (kurnia): KS(27:77)
Ar-Ruh (roh): KS(42:52)
Al-Bayan (panerang): KS(3:138)
Al-Kalam (sabda): KS(9:6)
Al-Busyra (kabar gumbira): KS(16:102)
An-Nur (cahya): KS(4:174)
Al-Basha'ir (pituduh): KS(45:20)
Al-Balagh (pawarta) KS(14:52)
Al-Qaul (pocapan) KS(28:51)

Gegayutanipun kaliyan kitab-kitab sanes [ besut | besut sumber ]

Kuran ugi wonten gayutipun kaliyan kitab saderingipun (Toret, Zabur, Injil, lan lembaran Ibrahim).

Kuran nuntut supados piyantun Islam pitados bilih kitab-kitab punika wonten KS(2:4)
Kuran tinitah kangge ngleresaken lan pamawas kitab-kitab saderengipun. KS(5:48)
Kuran dados referensi kangge ngicalaken sulaya ing antarane rasul-rasul kang beda. KS(16:63-64)
Kuran ngleresaken sajarah. Ing kitab pungkasan punika wonten carita-carita ngenani umat lan uga rasul-rasul kapungkur. Ing sawatara carita, wonten ingkang boten sami kaliyan menapa ingkang sinerat ing kitab sanesipun.

Proses tumuruning [ besut | besut sumber ]

Malaekat nglebetaken wahyu dhateng salebeting manahipun Muhammad.
Malaekat memba rupa dados tiyang jaler lan murukake marang Rasululllah.
Wahyu tumurun kados dene thing-thingan lonceng.
Malaekat boten memba rupa dados sinten-sinten lan nekani Muhammad kanthi pawakan aslinipun.

Peranganing Kuran [ besut | besut sumber ]

Kuran punika sinusun saking 114 perangan kang sinebut surat utawa surah. Saben surat dipuncacah malih dados sawatara ayat. Surat kang paling dawa inggih punika Al Baqarah (286 ayat) lan paling cekak Surat Al kautsar (3 ayat). Sedayanipun wonten 6236 ayat. Angka punika wonten ingkang beda ing antawisipun ahli satunggal lan satunggalipun, nanging wosipun sami. Umumipun namung prakara sulaya cara ngetangipun kemawon. Surat-surat kang dawa dipunperang malih kanthi sebutan ruku'. Ruku' iku kumpulaning ayat kang ngrembag prakawis tinamtu.

Manawi dipilah saking panggenan tumurunipun, Kuran dipunpilah dados kalih: Surat-surat makkiyah lan Madaniyah. Surat Makkiyah inggih punika surat kang wahyune tumurun nalika ing Mekah, dene Madaniyah tumurun ing Madinah. Umumipun, surat Madaniyah langkung dawa tinimbang Makkiyah.

Ing pamilahan liyane, Al qur'an dipunpilah dados 30 perangan kanthi dawaning wos ingkang sami. Perangan-perangan punika sinebut jus. Pamilahan punika kangge nggampilake manawi badhe maos Kuran ing wektu satunggal wulan (30 dina).

Wonten malih pamilahan kanthi ngrujuk dawa-cekakeipun:

Assab’uththiwaal (pitung surat kang dawa). Inggih antawisipun Surat Al-Baqarah, Ali Imran, An-Nisaa’, Al-A’raaf, Al-An’aam, Al Maa-idah, lan Surat Yunus.
Al Miuun, (punjul satus ayat), inggih antawisipun Surat Hud, Yusuf, Mu'min, lan sapiturute.
Al Matsaani, (kurang saka satus ayat), inggih antawisipun Al-Anfaal, Al-Hijr, lan liya-liyane.
Al Mufashshal, (surat-surat cekak), inggih antawisipun Adh Dhuha, Al-Ikhlas, Al-Falaq, An-Nas, lan liyan-liyane.

Adab Tumrabe Kuran [ besut | besut sumber ]

Saderengipun nyenggol utawa nyekel mushaf Kuran, sawijining muslim supados ngresiki badanipun lan kang wigati wudhu langkung rumiyin. Perkawis punika linandhasan tradisi lan interpretasi literal saking surat Al Waaqi'ah ayat 77 dumugi 79.

Sajarah Tumuruning Kuran [ besut | besut sumber ]

Tumuruning Kuran [ besut | besut sumber ]

Kuran tumurun kanthi dangunipun 23 taun. Mangsa punika dipilah malih dados kalih: Mekah lan Madinah. Jaman wonten Mekah wekdalipun 13 taun, dene Madinah 10 taun, Dados genep ing 23 taun.

Kodifikasi Kuran lan Ngrembakane [ besut | besut sumber ]

Miturut saking kalangan Singah , sawatawis sufi , kaliyan sawatawis ulama Sunni , Ali ingkang nata lembaran-lembaran (mus'haf) Kuran kanthi lengkap sasampunipun Muhammad seda. Ing kalangan Sunni, limrahipun, rerangken mus'haf punika karakit sae kanthi sesarengan. Sasampunipun 70 sahabat seda ing Perang Yamama , khalifah Abu Bakar mutusaken supados wonten Kuran ingakng rinakit kanthi sae. Ing jaman punika, limrahipun tiyang-tiyang sami nyimpen perthalan-perthalan Kuran, kapisah lan boten runtut. Para hafidz (tiyang ingkang apal Kuran) banjur dipunkempalaken, kalebu Zaid bin Tsabit . Tiyang-tiyang punika banjur ngumpulaken lembaran-lembaran ingkang sumebar ing sadhengah sahabat lan karakit dados satunggal. ^[1]

Ing warsa 650 , nalika Islam rumambah ing sakiwa tengenipun lempongan Arab, utamanipun ing Persi , Levant , lan Afrika Lor; Khalifah katelu, Utsman bin Affan , mrentahaken supados wonten ana Kuran ingkang baku. Perkawis punika gegandhengan saking pangucapan Kuran kanthi cengkok ingkang benten kaliyan ingkang dipunucapaken ing Madinah lan Makkah. Utsman ngandharaken supados cengkok ingkang dipun-ginakaken punika saking cengkok Suku Kures amargi Muhammad saking suku punika. Limang hafidz damel turunan saking mushaf pisanan ing jaman Abu Bakar ingkang kasimpen dening Hafsah binti Umar . Mushaf punika banjur kondhang kanthi jejuluk Mushaf Utsmani ingkang dados lelandhesan tiyang Islam sadonya dugi dinten sapunika. ^[2]^[3]

Wujud Kuran ingkang katedhak punika, ing kalangan sarjana modheren, limrahipun dipunanggep cathethan ngendikanipun Muhammad. Dene, kangge muslim, Kuran punika tumurun saking Allah . Punapa kemawon ingkang kapacak ing Kuran asring dados pirembugan ing antaranipun para sarjana, utamanipun gegandhengan kaliyan sajarah Kuran ingkang dianggep saged kemawon keplesed nulis nalika dipunrangkum. ^[4]^[5]

Salin basa lan tapsir Kuran [ besut | besut sumber ]

Upaya kangge mangertosi menapa kang wonten ing Kuran tinulad ing sawatara basa lan tinafsir kanthi maneka warna cara. nanging, tapsir punika namung saderma upayaning manungsa lan boten pikantuk nggantos teks aslinipun.

Salin basa [ besut | besut sumber ]

Tarjamah utawi salin basa Kuran utawi salin basa kang literal lan ora disartani interpretasi kang tebih. Salin basa punika boten dianggep taksih dereng bisa diwaos kanthi menapa wontenipun. Kedah tiyang tinamtu kang nguwaosi ngelmu-ngelmu agama lan basa arab kang bener supados mangertos saestu kandhutanipun.

Salin basa ing Basa Indonesia ing antawisipun:

Kuran dan Terjemahannya , dening Departemen Agama Republik Indonesia.
Terjemah al-Qur'an , dening Prof. Mahmud Yunus.
An-Nur , dening Prof. T.M. Hasbi Ash-Siddieqy.

Salin basa ing Basa Jawa :

Qur'an Kajawen (bs. Jawa), dening Kemajuan Islam Jogyakarta
Al-Ibriz (Bs. Jawa), dening K.H. Bisyri Mustafa Rembang.
Kuran Suci Basa Jawi (bs. Jawa), dening Prof. K.H.R. Muhamad Adnan.

Tepsir [ besut | besut sumber ]

Tepsir Kuran kang kondhang antawisipun:

Tepsir Ibnu Katsir
Tepsir Al Jalalain
Tepsir Al Manar, dening Syeh Muhammad Abduh & Rasyid Ridha
Tepsir Al Bayan
Tepsir Al Mishbah dening Prof Quraish Shihab

Deleng uga [ besut | besut sumber ]

Rujukan [ besut | besut sumber ]

↑ Shahih Bukhari , 6:60:201
↑ Mohamad K. Yusuff, Zayd ibn Thabit and the Glorious Qur'an
↑ The Koran; A Very Short Introduction, Michael Cook. Oxford University Press, pp. 117?124
↑ Arthur Jeffery and St. Clair-Tisdal et al,Edited by Ibn Warraq, Summarised by Sharon Morad, Leeds. "The Origins of the Koran: Classic Essays on Islam's Holy Book" . Dibukak ing 2011-03-15 . {{ cite web }}: |last= has generic name ( pitulung ) CS1 maint: multiple names: authors list ( link )
↑ * F. E. Peters (1991), pp.3?5: "Few have failed to be convinced that the Kuran is the words of Muhammad, perhaps even dictated by him after their recitation."

Pranala njaba [ besut | besut sumber ]

Kuran online Archived 2009-01-29 at the Wayback Machine .
Kuran ing situs web Kuran Kemenag

Artikel ngenani Islam iki minangka artikel rintisan . Kowe bisa ngewangi Wikipedia ngembangake .

[ReferenceA-1] Shahih Bukhari , 6:60:201

[2] Mohamad K. Yusuff, Zayd ibn Thabit and the Glorious Qur'an

[3] The Koran; A Very Short Introduction, Michael Cook. Oxford University Press, pp. 117?124

[4] Arthur Jeffery and St. Clair-Tisdal et al,Edited by Ibn Warraq, Summarised by Sharon Morad, Leeds. "The Origins of the Koran: Classic Essays on Islam's Holy Book" . Dibukak ing 2011-03-15 . {{ cite web }}: |last= has generic name ( pitulung ) CS1 maint: multiple names: authors list ( link )

[5] * F. E. Peters (1991), pp.3?5: "Few have failed to be convinced that the Kuran is the words of Muhammad, perhaps even dictated by him after their recitation."

[1]

[2]

[3]

[4]

[5]