Kertu pos ya iku salembar dluwang kang ukurane kandel utawa digawe saka karton tipis kang dhapure persegi panjang . ^[1] Kartu pos gunane kanggo nulis lan ngirimake tulisan kang ora usah diwadhahi amplop . ^[1] Ngirim nganggo kartu pos regane luwih murah tinimbang yen ngirim nganggo layang . ^[1]

Kertu pos kang sepisanan ing donya digawe ing Ostenrik nalika tanggal 1 Oktober, 1869. ^[1] Nalika iku kertu pos nduweni jeneng Correspondenz-Karte . Kertu pos lumrahe dikirimke wong-wong nalika lunga ing jaban rangkah kanggo kenang-kenangan kang mratandakake yen dheweke wis tau lunga ing nagara iku. ^[1] Jeneng Correspondez-Karte iki tegese kertu pos gunane kanggo piranti kang bisa minangka berkoresponden . ^[1] Akeh kaluwihan saka kertu pos tinimbang nulis layang. ^[1] Kertu pos luwih sithik nggunakake kertas lan ora prelu nggunakake amplop. ^[1] Ukurane kang cilik uga kena kanggo nyingkat pawarta kang bakal dikirim marang kang nampa pesen. ^[1] Ilmu panaliten lan nglumpukake kertu pos diarani deltiologi . ^[1]

Kartu pos lumrahe ana gambare. ^[2] Gambar kang ana ing kertu pos kaya ta gambar panggonan kang misuwur ing salah sawijining nagara iku, gambar wong, gambar alam kaya ta gunung , sagara , kapal , kewan -kewan kaya ta kewan kang langka lan dadi cirine nagara iki, utawa gambar wong kang nduweni kalungguhan kang dhuwur ing nagara. ^[2] Kertu pos uga kena kanggo ucapan Natal , taun baru, lan dina riyaya kaya ta Idul Fitri , lan dina kang dianggep wigati ing nagara iku. ^[2]

Cathetan suku [ besut | besut sumber ]