Kajawen ( Jawa : ??????) iku kapercayan kang dianut wong Jawa kanthi dhedhasar budaya Jawa . Kaya dene agama kang lumrahe ana, kapercayan iki diugemi ajaran-ajarane. Ana maneka warna aliran kejawen kang ana. Nanging kang cetha, manawa Kajawen iku dudu lan ora bisa dipindhaake 'agama', amarga kejawen iku hasile olah-pikir (kaya dene filsafat) wong Jawa , anggone nganggep, nintingi, mangerteni lan nglakoni jantrane uripe klawan gegandhenganne dadi kawula ing alam lan Gusti Sing Nyiptakne.

Ciri mligi Kajawen ya iku anane campuran antarane animisme , agama Hindhu , lan Buda . Agama Islam lan Kristen uga katon lumebu ing kene. Dadi bisa karan yen kapercayan iki siji wujud sinkretisme .

Sawijining ahli antropologi Amerika Sarekat , Clifford Geertz , nate nulis prakara iki ing buku The Religion of Java . Ing kene dheweke nyebut Kajawen iku "Agami Jawi".

Sadurunge agama Hindhu-Budhha lumebu ing Jawa, Kajawen urip dhewe lan lagi katon lebur nalika akeh pralambang Jawa lumebu ing kitab-kitab kuna .

Paguyuban Kajawen [ besut | besut sumber ]

Sawetara paguyuban kejawen dumadi kanggo srawung lan tular kawruh ing urusan kebatinan. Ing antarane:

• Subud (Susila Budhi Dharma)
• Paguyuban Sumarah
• Sapta Darma
• Paguyuban Ngesti Tunggal (Pangestu)
• Paguyuban Sangkan Paraning Dumadi Sri Jayabaya
• Paguyuban Satriya Mangun Mardika Dununge Urip
• Pran-Suh
• Agama Jawa Asli Republik Indonesia
• Kawula Warga Naluri
• Ngelmu Beja-Mulur Mungkret
• Ilmu Sejati Prawira Sudarsa
• Paguyuban Pambuka Das Sanga
• Indhuk Warga Kawruh Utama
• Aliran Kebatinan Perjalanan
• Kapercayan Budi Daya
• lan sapanunggalane

Kapustakan [ besut | besut sumber ]