La yari 1690a de la 17ma yarcento duris de la 1ma di januaro 1690 til la 31ma di decembro 1699 . Dum la yari 1690a eventis, inter altri:

Europa [ redaktar | redaktar fonto ]

• 1690 - Ye la 8ma di oktobro dum tale nomizita Granda Turka milito , Otomani rikaptas Beograd .
• 1690 - Ye la 4ma di decembro , destruktiva ter-tremo frapas estal Alpi , produktas 24 morti ed efektigas domaji en Villach , Karintia .
• 1691 - Ye la 12ma di julio , Antonio Pignatelli, arkiepiskopo di Napoli , divenas papo Inocentius la 12ma .
• 1693 - Ye la 11ma di januaro eventas forta ter-tremo en Sicilia , en kelka loki de sudal Italia ed en Malta , qua duras dum 4 minuti e produktas cirkume 60 mil morti. ^[1]
• 1693 - En Suisia eventas religiala skismo en grupo di Alzaciana anabaptisti , duktita da Jakob Ammann . La sequanti di Ammann pose divenos la sekto Amish .
• 1694 - Ye la 8ma di septembro , ter-tremo kun fortreso 6.9 che skalo di Richter e durado di 30 til 60 sekundi frapas regioni Apulia e Basilikata , qui lor apartenis a Rejio Napoli . Ol produktas granda destruktado e plu kam 6 mil morti.
• De 1695 til 1697 en Finlando , cereali ne kreskas pro koldeso. La triimo de Finlandani mortas pro hungro e morbi.
• Caro di Rusia Pyotr voyajas e laboras 1697 ? 1698 en Europa travestiita, exemple, kom navo-konstruktisto.

Azia [ redaktar | redaktar fonto ]

• 1693 - Chinia koncentras tota sua extera komerco en Kanton .

Central-Amerika [ redaktar | redaktar fonto ]

• 1694 - Uragano frapas naturala portuo di Carlisle Bay, Barbados , sinkas 27 Britaniana navi, e produktas 3 mil morti ^[2] .

Sud-Amerika [ redaktar | redaktar fonto ]

• 1694 - Ye la 6ma di februaro , Quilombo dos Palmares , kolonio kreita da fuginta sklavi en Brazilia , destruktesas da Portugalani.

Referi [ redaktar | redaktar fonto ]