Oun
soumaren
sa roun navir sibmersib kapab di deplase so ko an sirfas e anba d'lo ; i ka distenge so ko ensi de rot bato ke navir ki ka deplase so ko inikman a sirfas-a, e de batislaf ki ka deplase so ko prensipalman soulon laks vertikal-a.
Laplipa de soumaren sa de navir di lager. Izaj sivil-a di soumaren ka konserne, pou esansyel-a, sase oseyanografik-a ke esplwatasyon petrolye ; so anplwa pou de fen touristik oben di transpo komersyal ka rete anekdotik. Konfronte o problematik di absans-a d'apo estern di le a imersyon-an, lu We de inovasyon propilsiv espesifik aplike malgre ye koute ; pa legzanp propilsyon nikleyer-a.
