The Hobbit: The Battle of the Five Armies
film
( Filmposter yn 'e Ingelske Wikipedy )
makkers
regisseur	Peter Jackson
produsint	Carolynne Cunningham Zane Weiner Fran Walsh Peter Jackson
senario	Fran Walsh Philippa Boyens Peter Jackson Guillermo del Toro
basearre op	The Hobbit fan J.R.R. Tolkien
kamerarezjy	Andrew Lesnie
muzyk	Howard Shore
filmstudio	New Line Cinema Metro-Goldwyn-Mayer WingNut Films
distribusje	Warner Bros.
spilers
haadrollen	Martin Freeman Ian McKellen Richard Armitage
byrollen	Orlando Bloom Evangeline Lilly Luke Evans Lee Pace Manu Bennett Billy Connolly
skaaimerken
lan/lannen	Nij-Seelan Feriene Steaten
premiere	1 desimber 2014
foarm	langspylfilm
sjenre	fantasy - aventoere - en     oarlochsfilm
taal	Ingelsk (ek wat Quenya )
spyltiid	144 minuten
budget en resultaten
budget	$250-300 miljoen
opbringst	$956 miljoen
prizen	2 × Saturn Award
filmsearje
filmsearje	The Hobbit
● foarich diel	The Hobbit: The Desolation    of Smaug

The Hobbit: The Battle of the Five Armies is in Nijseelansk - Amerikaanske fantasy - aventoere - en - oarlochsfilm ut 2014 under rezjy fan Peter Jackson , mei yn 'e haadrollen Martin Freeman , sir Ian McKellen en Richard Armitage . De film is basearre op it leste part fan 'e roman The Hobbit , fan J.R.R. Tolkien ut 1937 , oanfolle mei ynformaasje ut 'e taheakken by syn lettere wurk The Lord of the Rings en eleminten dy't de filmmakkers sels optocht hawwe. De titel betsjut "De Hobbit: De Slach fan 'e Fiif Legers". It is it ferfolch op The Hobbit: The Desolation of Smaug , ut 2013 , en it trede en leste diel fan 'e filmtrilogy The Hobbit , dy't sels wer in prequel foarmet fan Jackson syn eardere filmtrilogy The Lord of the Rings .

It ferhaal folget de aventoeren fan 'e hobbit Bilbo Baggins, dy't troch de tsjoender Gandalf behelle is yn 'e kweeste fan in trettjintal dwergen u.l.f. Thorin Ikeskyld om it alde dwerchske keninkryk fan 'e Ienlike Berch te befrijen fan 'e draak Smaug. Yn The Hobbit: The Battle of the Five Armies slagget dat, mar de syklike gjirrigens der't Thorin troch oantaast wurdt en de kapers op 'e kust dy't de unbidige skathuorde fan Smaug oanlukt, soargje foar nije swierrichheden. De film krige mingde resinsjes fan 'e filmkritisy , mar untjoech him yn 'e bioskopen ta in unbidich kommersjeel sukses. The Hobbit: The Battle of the Five Armies waard nominearre foar in Oscar en in BAFTA en wun twa Saturn Awards .

Plot [ bewurkje seksje | boarne bewurkje ]

The Hobbit: The Battle of the Five Armies begjint daliks op it punt der't The Hobbit: The Desolation of Smaug ophold. Bilbo Baggins is in hobbit dy't mei de tsjoender Gandalf en trettjin dwergen (Thorin, Balin, Dwalin, Fili, Kili, Dori, Nori, Ori, Oin, Gloin, Bifur, Bofur en Bombur) op in kweeste gien is nei de Ienlike Berch, in earder dwergekeninkryk dat no al mear as 170 jier beset wurdt troch de boasaardige draak Smaug. Mei Thorin Ikeskyld, de erfgenamt fan it keninkryk, en acht oare dwergen hat Bilbo no de reisbestimming berikt, mar se hawwe de draak Smaug wekker makke ut syn slommer . As er harren net te pakken krije kin, beslut er harren in leske te learen troch Esgaroth-oan-de-Langmar, yn 'e folksmule bekend as 'Marsted', der't se op harren lange reis help krigen hawwe, plat te branen . Yn untsteltenis sjocht Bilbo ta hoe't de breinroere draak fuortfljocht yn 'e rjochting fan dat plak.

Marsted, der't men de flammen by de Ienlike Berch sjen kin, is underwilens alhiel yn unstjoer. De korrupte master fan Marsted en syn trewanten lade al harren goud yn in boat en besykje te untkommen, wylst de elvinne Tauriel en de fjouwer efterbleaune dwergen Fili, Kili, Oin en Bofur de bern fan 'e finzensette Bard de Bogesjitter yn feilichheid besykje te bringen. As de draak uteinset mei syn oanfal op 'e sted , wit Bard yn 'e resultearjende gaos ut it tichthus te brekken. Mei in stellen pylk-en-boge besiket er de draak del te sjitten, mar de skobben fan it wezen binne unkwetsber foar sokke wapens . Bard syn soan Bain, dy't de leste swarte pylk, in fan 'e dwergen makke wapen der't in draak mei deade wurde kin, by him hat, wit syn heit te berikken. It slagget Bard dernei om Smaug deadlik te reitsjen, en de reuseftige draak stoart del boppe-op 'e boat fan 'e master fan Marsted, dy't mei de oare opfarrenden en al syn goud ferplettere wurdt.

De oerlibbenen fan it no folslein ferwoastge Marsted sammelje har de oare moarns op 'e igge fan 'e Langmar. Der jouwe Bard syn beide dochters Sigrid en Tilda har wer by him en Bain. Kili de dwerch ferklearret op 'e nij syn leafde foar de tsjeppe elvinne Tauriel, mar de oare dwergen roppe him mei en sy wurdt op har beurt roppen troch de elfske prins Legolas, dy't sels fereale op har is. Wylst de fjouwer dwergen ofsette nei de Ienlike Berch, arrivearret in boadskipper fan Legolas syn heit, kening Thranduil fan 'e boskelven , dy't syn soan nei hus ropt. Tauriel, lykwols, dy't sunder tastimming ut 'e sealen fan Thranduil ofset wie, wurdt foar ferballe ferklearre. Legolas jout de boadskipper opdracht om syn heit tynge te dwaan dat hysels yn dat gefal likemin weromkomme sil. Yn it gefjocht fan 'e foargeande juns is Bolg, de soan fan 'e oarkske haadman Azog de Besmoarger, oan Legolas untkommen. Mar Legolas wit dat er fan Gundabad komt, yn 'e noardlike Diisbergen, dat der set er mei Tauriel hinne om syn fijan te sykjen.

Bard wurdt troch de oerlibbenen fan Marsted tsjin wil en tank keazen as harren nije lieder. Dat is net inkeld om't er de draak deade hat, mar ek om't er in ofstammeling is fan Girion, de leste kening fan Dol, de minsklike sted lyk foar de poarten fan 'e Ienlike Berch dy't 170 jier lyn troch Smaug ferwoastge is. As syn earste die beslut er de oerlibbenen under te bringen yn it iennichste beskul yn 'e fiere omkriten: de ruines fan Dol, der't it no, nei de dea fan Smaug, ommers wer feilich is. Yn 'e Ienlike Berch wurde Kili, Fili, Oin en Bofur hertlik ferwolkomme troch Bilbo en de oare dwergen. It docht lykwols bliken dat Thorin, no't er de skathuorde fan Smaug yn syn besit hat, yn 'e greep kommen is fan in syklike gjirrigens , oanboaze mei waantinkbylden en paranoia , dy't de dwergen de 'drakesykte' neame. Syn pake Thror, de leste Kening under de Berch (sa't de titel fan 'e dwergehearsker fan 'e Ienlike Berch is), litte oan deselde sykte, en soe sa de draak Smaug nei de Ienlike Berch ta lokke hawwe, mei't draken soks oanfiele kinne.

Thorin rekket no obsedearre troch it finen, mank de unbidige skathuorde, fan 'e Erkenstien, in grutte ealstien fan unfoarstelbere skientme dy't de dwergen 'it hert fan 'e berch' neame. It docht bliken dat Bilbo de Erkenstien under syn petear mei Smaug fun en opkrigen hat, mar dat geheim holden hat. De draak fertelde him nammentlik dat er it yn him omgean litten hie om Thorin de Erkenstien te jaan, allinne mar om ta te sjen hoe't it besit fan dat juwiel him ferneatigje soe. No pakt Bilbo dermei om oft it better is om syn freon Thorin de Erkenstien te jaan of him dy te unthalden. Nei in petear mei Balin, dy't seit te freezjen dat it allinne mar minder mei Thorin wurde soe as dy de Erkenstien yn 'e hannen krige, beslut Bilbo syn finen fan 'e stien geheim te halden. Nettsjinsteande dat boazet de drakesykte fan Thorin almar fierder oan. As er heart dat de oerlibbenen fan Marsted nei de ruines fan Dol ta sette, rekket er derfan oertsjuge dat se syn goud stelle wolle en oarderet er syn dwergen om 'e troch Smaug ferrinnewearre poarte fan 'e Ienlike Berch te barrikadearjen mei grutte brokstikken pun .

Underwilens is de tsjoender Gandalf noch altyd in finzene fan 'e weropstiene kweageast Sauron yn dy syn festing Dol Guldur, yn it sudlike Brimsterwald. As er troch de oanhaldende ynfloed fan it kwea hast beswykt, wurdt er lykwols reden troch Galadriel, de keninginne fan 'e hege elven fan Lothlorien. Hja lit him yn feilichheid bringe troch de tsjoender Radagast de Brune, wernei't Elrond fan Rivendell en de tsjoender Saruman de Wite Sauron syn njoggen Ringsjammen, de Nazgul, ferslane. Galadriel sels bynt de striid oan mei de foarmleaze Sauron, dy't se ut Dol Guldur ferballet nei it easten. Hja is bot ferswakke troch de kreften dy't dat fan har ferge hat. Elrond wol mei man en macht efter Sauron oan ear't er in nije machtsbasis yn it lan Mordor festigje kin, mar Saruman seit dat harren fijan nea wer syn alde macht weromkrije sil mei't er derfoar ferlet hat fan 'e Iene Ring, dy't ferlern gien is (net wittende dat Bilbo yn 'e grotten yn 'e Diisbergen in ring fun hat dy't him it fermogen jout om unsichtber te wurden).

As er wat bekommen is, hastiget Gandalf him nei de Ienlike Berch ta om syn freonen dere te warskogjen foar it leger oarken under Azog de Besmoarger dat troch Sauron utstjoerd is. Azog moetet yn 'e tuskentiid syn soan Bolg, dy't untkommen is oan syn gefjocht mei Legolas yn Marsted (sjoch: The Hobbit: The Desolation of Smaug ). Hy stjoert him nei Gundabad ta om in twadde leger oarken nei de Ienlike Berch te lieden. As Legolas en Tauriel letter by poarten fan Gundabad oankomme, binne se der tsjuge fan it optsjen fan it leger fan Bolg, dat net inkeld ut oarken bestiet, mar ek ut meunsterlike reuseftige flearmuzen .

Yn 'e nacht arrivearret kening Thranduil mei in leger boskelven te Dol, mei de bedoeling om yn 'e Ienlike Berch beslach te lizzen op 'e elfske erfstikken yn 'e skathuorde fan Smaug. Bard bepraat him om him earst mei Thorin te wurd te litten, en set nei de berch ta om it oandiel yn it skathuorde op te easkjen dat Thorin de master fan Marsted unthjitten hie yn ruil foar dy syn stipe. Sa ynklauwerich en paranoide is Thorin lykwols wurden dat er fan gjin dielen fan 'e skat witte wol en Bard mei hurde wurden fuortstjoerd. Thranduil beslut de Ienlike Berch de oare deis by moarnsdage oan te fallen en nuget Bard ut en nim diel oan dy oanfal. Bard bewapenet derom syn minsken mei de wapens en wapenrissen ut 'e alde arsenalen fan Dol. As Gandalf yn Dol arrivearret wurdt syn warskoging foar in oarkske oanfal troch Thranduil net serieus nommen. Underwilens glupt Bilbo de Ienlike Berch ut en draacht de Erkenstien oer oan Bard en Thranduil, yn 'e hoop dat oarloch foarkomd wurde kin as de minsken en elven foar Thorin oer in bettere underhannelingsposysje hawwe.

De oare moarns stelle de elven en minsken har yn slachoarder op foar de Ienlike Berch, der't Bard en Thranduil nei foarren ride om mei Thorin te praten. Dyselde wol noch altyd neat witte fan in kompromis, en as Bard de Erkenstien foar it ljocht hellet, hjit er him in liger en beskuldiget er him fan bedragerij . Bilbo, dy't underwilens wer de Ienlike Berch ynglupt is, fertelt Thorin lykwols wat er dien hat. Derop wol Thorin him deadwaan, mar de oare dwergen en Gandalf halde him tsjin en Bofur helpt Bilbo om op 'e nij fan rutens te spyljen en him by de tsjoender te jaan. As Bard en Thranduil Thorin derop fergje wat it wurde sil, oarloch of frede , komt de raven dy't er utstjoerd hie, werom. Wittende wat dat betsjut, kiest Thorin foar oarloch. De weromkear fan 'e raven kundiget nammentlik de oankomst oan fan it leger dwergen fan Thorin syn neef Dain Izerfoet, de kening fan 'e Izerheuvels. Dat stelt him yn slachoarder op foar it alliearde elfske en minsklike leger oer.

Eefkes liket it derop dat de elven en dwergen in fjildslach utfjochtsje sille, mar dat wurdt foarkomd troch de hommelse oankomst fan it leger oarken, fuortsterke mei trollen , under lieding fan Azog. Dain smyt syn dwergen yn 'e striid tsjin 'e oarken, en nei in oprop fan Gandalf oarderet Thranduil syn elven om 'e dwergen te helpen. Underwilens liedt Bard syn leger fan minsken werom nei de ruines fan Dol, der't de froulju en bern warleas efterbleaun binne, as Azog dy troch in diel fan syn leger fan 'e oare kant oanfalle lit. De gefjochten yn 'e strjitten fan 'e alde sted untpopje har lykwols yn in wanhopige striid dy't de oarken en trollen yn harren foardiel driigje te besljochtsjen. Op it iepen fjild wurde de elven weromdreaun nei Dol, wylst de dwergen tebekwike moatte nei de poarten fan 'e Ienlike Berch.

Yn 'e berch steane de oare dwergen der by Thorin op oan om harren meifjochtsje te litten, mar dat wegeret er, deabenaud as er is dat er dertroch wat fan 'e skathuorde kwytreitsje soe. De wurden dy't Gandalf, Bilbo en no Dwalin en de oare dwergen tsjin him sprutsen hawwe, bliuwe him lykwols yn 'e holle om malen, en op in stuit wurdt er it slachtoffer fan in traumatyske hallusinaasje werby't er troch in see fan floeiber goud omleech sugd wurdt oant er ferdrinkt . Dat stelt him einlings by steat om 'e drakesykte fan him of te skodzjen, en hy liedt de tolve oare dwergen by in utfal ut 'e Ienlike Berch dwers troch de rangen hinne fan 'e dwergen fan 'e Izerheuvels op it leger fan oarken ta. De troepen fan Dain fetsje dertroch nije moed en folgje Thorin as er oan it haad fan in puntformaasje troch it fijannige leger hinne snijt. As se sjogge en hearre dat de dwergen foarutgong boeke, werpakke ek de elven harsels wylst de minsken fan Dol fersterking krije as harren froulju de wapens opnimme en fanwegen komme om mei te fjochtsjen.

Thorin beslut om 'e fjildslach te winnen troch Azog te deadzjen, dat mei Dwalin, Fili en Kili beklimt er de Ravensheuvel, der't Azog syn haadkertier opslein hat yn 'e ruine fan in alde wachttoer . Underwilens arrivearje Legolas en Tauriel yn Dol mei de warskoging dat Bolg in twadde leger fan oarken liedt, dat ut it noarden op 'e sted ta komt. Mei't de Ravensheuvel pal noardlik fan 'e sted leit, driigje Thorin-en-dy yn in muklaach te rinnen. Bilbo brukt syn magyske ring om himsels unsichtber oer it slachfjild te bewegen en de Ravensheuvel te beklimmen, sadat er Thorin warskogje kin. As Tauriel heart dat Kili him op 'e Ravensheuvel befynt, set hja ek dy kant ut, bystien troch Legolas.

De warskoging fan Bilbo komt te let, en Fili wurde finzennommen en deade troch Azog. Thorin giet derop in twagefjocht mei Azog oan op in beferzen rivier , der't er fan alle kanten oanfallen wurdt troch oare oarken. Dat oerlibbet er troch de help fan Legolas, dy't fan 'e top fan 'e toer of mei pylk-en-boge de iene oark nei de oare ut 'e ljochten helpt. Bolg wurdt Tauriel oermansk, en as Kili har te help komt, deadet er him. As er ek Tauriel ombringe wol, ferskynt Legolas, dy't nei in lange striid mei Bolg ofweeft. Op 'e rivier wit Thorin einlings en te'n lesten Azog te deadzjen troch sels in fatale wune te akseptearjen. Bilbo, dy't by de gefjochten oan 'e foet fan 'e wachttoer ut 'e tiid rekke wie, fynt him der en is by him as er ferstjert . Radagast de Brune arrivearret mei de hudwikselder Beorn en de grutte earnen fan 'e Diisbergen, dy't koart wurk meitsje fan it leger oarken ut Gundabad. Yn 'e delling hawwe de dwergen, elven en minsken underwilens de oarken fan Azog ferslein.

Nei de slach rouwet Tauriel om Kili. Thranduil, dy't earder neat witte woe fan leafde tusken in dwerch en in elvinne, erkent dat harres wiere leafde is as it sa'n pine docht, wermei't er yn bedutsen termen ferwiist nei syn eigen leafde foar Legolas syn mem , oer wa't er nea praat, en dy't iuwen earder yn 'e striid tsjin 'e heksekening fan Angmar sneuvele is. Legolas beseft dat Tauriel nea foar him fiele sil wat hy foar har fielt, en fertelt syn heit dat er net weromkin nei it Brimsterwald. Thranduil riedt him oan om yn it alde Arnor in jonge doarmer fan 'e Dunedain op te sykjen, dy't de namme Stapper brukt. Yn Dol wurdt Bard utroppen ta kening, en yn 'e Iensume Berch wurdt Thorin begroeven mei Fili en Kili en mei de Erkenstien, wernei't Dain Izerfoet Kening under de Berch wurdt.

Ear't dat allegear syn beslach krije kin, set Bilbo of nei hus, nei't er ofskie nommen hat fan 'e tsien oare dwergen dy't syn reismaten wiene. Gandalf reizget mei oant se de grins fan it Goa, it lan fan 'e hobbits, berikt hawwe. As se der utinoar geane, jout de tsjoender blyk fan syn wittenskip oangeande it feit dat Bilbo yn 'e Diisbergen in ring fun hat, ek al fertelt Bilbo him dat er de ring kwytrekke is. As er wer te Hobittum arrivearret, docht bliken dat der krekt dy deis in feiling holden wurdt, werby't al syn besittings ferbuolguodde wurde. Hy is nammentlik ynienen ferdwun en al in jier net sjoen, dat men gie derfan ut dat er dea wie. Nei't er in ein oan 'e feiling makke hat, giet er yn 'e hus, der't bliken docht dat er de ring noch altyd hat.

Sechstich jier letter kriget Bilbo thus besite fan Gandalf as er syn 111e jierdei fiert. (Dat is it punt der't de Lord of the Rings -filmtrilogy begjint.)

Rolferdieling [ bewurkje seksje | boarne bewurkje ]

haadrollen

byrollen

Produksje en distribusje [ bewurkje seksje | boarne bewurkje ]

Preproduksje [ bewurkje seksje | boarne bewurkje ]

The Hobbit: The Battle of the Five Armies is basearre op it leste part fan 'e roman The Hobbit , fan J.R.R. Tolkien ut 1937 , oanfolle mei ynformaasje ut 'e taheakken by syn lettere wurk The Lord of the Rings en eleminten dy't de filmmakkers sels optocht hawwe (lykas it personaazje fan 'e elvinne Tauriel en har trijehoeksferhalding mei Kili en Legolas). As filmsearje hie The Hobbit oarspronklik ut twa dielen bestean sillen, mar mids 2012 waard befestige dat der in trilogy fan makke wurde soe.

Yn 't earstoan soe de trede film There and Back Again ("Derhinne en Wer Werom") hjitte (de undertitel dy't Tolkien meijoech oan syn boek The Hobbit ), mar yn april 2014 waard ynstee keazen foar The Battle of the Five Armies (dat oarspronklik de titel fan ien fan 'e haadstikken fan The Hobbit wie). Neffens de makkers joech dy titel folle better de ynhald fan 'e film wer en doogde "Derhinne en Wer Werom" foar de trede film eins net, mei't Bilbo en de Dwergen yn 'e twadde film, The Hobbit: The Desolation of Smaug , al "derhinne" gien wiene en it "wer werom" mar in hiel lyts part fan 'e film foarme.

Produksje [ bewurkje seksje | boarne bewurkje ]

The Hobbit: The Battle of the Five Armies waard krekt as The Hobbit: An Unexpected Journey en The Hobbit: The Desolation of Smaug , de beide foargeande dielen fan 'e Hobbit -trilogy , regissearre troch Peter Jackson nei in senario fan Fran Walsh , Philippa Boyens , himsels en Guillermo del Toro . As produsinten wiene Carolynne Cunningham , Zane Weiner , Walsh en Jackson by it projekt belutsen foar de filmstudio's New Line Cinema , Metro-Goldwyn-Mayeren WingNut Films . The Hobbit: The Battle of the Five Armies wie in Nijseelansk - Amerikaanske ko-produksje, der't in budget fan $ 250 oant 300 miljoen foar beskikber wie.

De kamerarezjy wie yn 'e hannen fan Andrew Lesnie , de filmmontaazje die Jabez Olssen en de filmmuzyk waard fersoarge troch Howard Shore mei meiwurking fan it Nijseelansk Symfony-orkest . De films fan 'e Hobbit -trilogy waarden oanslutend opinoar filme, krekt sa't Jackson dat tsien jier earder ek dien hie mei de Lord of the Rings -films . De opnamen begunen op 21 maart 2011 op lokaasje yn Nij-Seelan en einigen nei 266 filmdagen op 6 july 2012 . De binnendoarsenes waarden fierhinne opnommen yn 'e Pinewood Studios , yn it Ingelske greefskip Buckinghamshire .

Distribusje [ bewurkje seksje | boarne bewurkje ]

De distribusje fan The Hobbit: The Battle of the Five Armies waard fersoarge troch Warner Bros. De film gie op 1 desimber 2014 yn Londen yn premiere , wernei't er op 11 desimber iepene yn 'e bioskopen yn Nij-Seelan , op 12 desimber yn dy yn it Feriene Keninkryk en op 17 desimber yn dy yn 'e Feriene Steaten . The Hobbit: The Battle of the Five Armies waard op 6 maart 2015 utbrocht as digitale download en op 24 maart 2014 op dvd en blu-ray yn twa ferzjes: de bioskoopedysje fan 144  minuten en in director's cut -ferzje mei 20 minuten oan bykommend materiaal.

Untfangst [ bewurkje seksje | boarne bewurkje ]

The Hobbit: The Battle of the Five Armies krige fan 'e filmkritisy mingde resinsjes . Yn it tydskrift Variety omskreau Scott Foundas de film as "sawol de spannendste, de fluchste (mei in relatyf meagere 144 minuten) as de dunkerste oflevering, sawol fisueel as op it med fan 'e gefoelens yn 'e herten fan minsken , dwergen en oarken ." Todd McCarthy skreau yn The Hollywood Reporter : "Nei seis films, 13 jier en 1.031 minuten fan mienskiplike spyldoer hat Peter Jackson syn oerweldigjend winstjaande buging foar it alter fan J.R.R. Tolkien ofrune mei in film dy't miskien wol de meast poer fermaaklike fan allegear is." Yn 'e Britske krante The Guardian skreau Andrew Pulver: "Dizze film is in passende konkluzje foar in searje dy't, op syn minst, it plak fan Tolkien yn 'e bredere kultuer bliuwend beynfloede hat."

Nicholas Barber fan 'e BBC stelde dat it Jackson mei The Hobbit: The Battle of the Five Armies slagge wie om 'e kleau tusken de foargeande Hobbit -films en de Lord of the Rings -trilogy te tichtsjen, en hy joech ta dat de film "in kolossale technyske prestaasje wie. Hy hie lykwols ek krityk op 'e film, benammen op 'e "harsels werheljende fjildslachsenes en it gebrek oan in plot ." Tim Robey fan The Daily Telegraph hie lykwols net folle op mei The Hobbit: The Battle of the Five Armies , en omskreau de film as "in alinea op steroiden " dy't "noch hiel min, noch yn 'e fierste fierte unferwachts [wie]. It is in rige fuotnoaten op 'e siik nei in hichtepunt."

Op 'e webside Rotten Tomatoes , dy't resinsjes sammelet, hie The Hobbit: The Battle of the Five Armies in boppegemiddeld goedkarringspersintaazje fan 59%, basearre op 261 underskate resinsjes. De konsensuskrityk fan 'e webside, gearstald ut al dy resinsjes, stelt: "Hoewol't er suver wat oerstimd wurdt troch syn eigen spektakel, beeiniget [de film] de Midierde-trilogy fan Peter Jackson op ridlik befredigjende wize." Op Metacritic , de wichtichste konkurrint fan Rotten Tomatoes, behelle The Hobbit: The Battle of the Five Armies in goedkarringspersintaazje fan 59%, basearre op 44 resinsjes.

Resultaat [ bewurkje seksje | boarne bewurkje ]

Opbringst [ bewurkje seksje | boarne bewurkje ]

The Hobbit: The Battle of the Five Armies brocht yn 'e bioskopen yn 'e Feriene Steaten en Kanada $ 255,1 miljoen op, en yn alle oare lannen en territoaria $700,9 miljoen. Wraldwiid kaam de opbringst dermei ut op $956 miljoen. Ofset tsjin it budget fan $250 oant 300 miljoen betsjut dat in winst fan teminsten $656 miljoen, hoewol't der de marketingkosten noch wol of moatte. Dermei wie The Hobbit: The Battle of the Five Armies de op ien nei meast opbringende film fan 2014 (nei Transformers: Age of Extinction ). It tydskrift Deadline Hollywood berekkene de netto opbringst fan The Hobbit: The Battle of the Five Armies op $103,4 miljoen. Neffens The Hollywood Reporter waard oan 'e film hast $90 miljoen minder fertsjinne as kinnen hie troch ungeunstige wikselkoersen feroarsake troch in stigende Amerikaanske dollar en delgeande oare faluta .

Prizen [ bewurkje seksje | boarne bewurkje ]

The Hobbit: The Battle of the Five Armies waard yn 2015 nominearre foar ien Oscar , yn 'e kategory beste ludsmontaazje ( Brent Burge en Jason Canovas ). De film waard ek nominearre foar in BAFTA foar beste special effects , in Screen Actors Guild Award foar beste stuntlju , in MTV Movie Award foar beste held ( Martin Freeman ), in Kids' Choice Award foar beste froulike aksjestjer ( Evangeline Lilly ), in Teen Choice Award foar beste science fiction - of fantasyfilm en trije Annie Awards foar underskate aspekten fan kompjuteranimaasje yn in live-actionfilm .

Fierders waard The Hobbit: The Battle of the Five Armies nominearre foar fjouwer Empire Awards , foar beste film, beste regisseur ( Peter Jackson ), beste akteur ( Richard Armitage ) en beste science fiction- of fantasyfilm. By de Saturn Awards waard de film nominearre yn san kategoryen, werunder beste byrol fan in aktrise (Evangeline Lilly), beste senario ( Fran Walsh , Philippa Boyens , Peter Jackson en Guillermo del Toro ), beste filmmuzyk ( Howard Shore ), beste special effects ( Joe Letteri , Eric Saindon , David Clayton en R. Christopher White ), en beste fisazjy ( Peter King , Rick Findlater en Gino Acevedo ). De film wun de Saturn Awards foar beste fantasyfilm en beste byrol fan in akteur (Richard Armitage).

Keppelings om utens [ bewurkje seksje | boarne bewurkje ]

• (in) Offisjele webside fan 'e filmtrilogy The Hobbit
• (in) Ynformaasje oer The Hobbit: The Battle of the Five Armies yn 'e Internet Movie Database (IMDb)