De Vichipedie, la enciclopedie libare dute in marilenghe.
I
Premis Nobel
a forin creats seguint lis volontats che si cjatin tal testament di
Alfred Nobel
, inventor de
dinamite
. La lor funzion e je che di premia personis che si son distintis in mut particolar in cualchidun dai cjamps interessats.
La prime cerimonie di assegnazion dai Premis e fo tal
1901
, inte Academie Real di Musiche di
Stocolme
, in
Svezie
. La premiazion e ven fate dal re di Svezie, e al premiat, dongje di une medae, e ven assegnade la somme di 10 milions di coronis svedesis, poc plui di 1 milion di
Euros
, cul fin di da une sigurece ai premiats e judaju a puarta indevant i los studis.
I diviers cjamps di assegnazion dai premis a son:
- fisiche
, decidude de Academie real des siencis svedese
- chimiche
, decidude de Academie real des siencis svedese
- midisine o fisiologjie
, decidut dal Istitut Karolinska
- leterature
, decidut de Academie svedes
- pas
, decidut dal Comitat Nobel norvegjes dal Parlament norvegjes
- economie
, creat tal
1968
de Banche central svedes (
Sveriges Riksbank
); uficialmentri si clame
Premi banche di Svezie par lis siencis economichis in memorie di Alfred Nobel
La consegne dai premis e cole ogni an ai
10 di Dicembar
, aniversari de muart di
Alfred Nobel
, a
Stocolme
, in
Svezie
, fur che il premi pe pas che al ven consegnat a
Oslo
.
La mancjance di un premi pe matematiche e je che plui evidente; un grum di ipotesis a son stadis fatis sul parce di chest fat, e la conclusion plui probabil e je che probabilmentri
Alfred Nobel
nol jere interessat a cheste materie. Par chest a son stats creats altris premis, come la
Medae Fields
e il
Premi Abel
pe
matematiche
, il
Premi Pritzker
pe
architeture
o il
Premi Turing
pe computazion.