Rinnuvamentu Meiji

L' imperatori Meiji chittendu Kyoto par anda a Tokyo a a fini di 1868.

U Rinnuvamentu Meiji , altrimenti dittu Rivuluzioni o Ristaurazioni Meiji , fu u radicali cambiamentu in a struttura suciali e pulitica di u Giapponu chi ricunsigno u puteri a l' impiratori dopu seculi di duminazioni di i shogun .

Ebbi locu tra u 1866 e u 1869 , tra a fini di u periodu Edo (ancu dittu di u tardu shogunatu Tokugawa ) e l'iniziu di u periodu Meiji . U piu impurtanti resucontu di prima mani di l' avvinimenti di u 1862 - 69 fattu da unu stranieri he, prubabilamenti, quiddu di u diplumaticu inglesu Sir Ernest Satow .

Storia [ mudifica | edita a fonte ]

La furmazioni di l' allianza Satcho in u 1866 tra Saig? Takamori , di u feudu di Satsuma , e Kido K?in , di u feudu di Ch?sh? , segna l'iniziu di u rinnuvamentu Meiji. St'allianza si feci sustinitrici di a causa imperiali contru u shogunatu Tokugawa (?川幕府 1603 - 1868 ), chi contrullava a pulitica e l'asercitu giappunesi da u 1603.

U bakufu Tokugawa ebbi ufficialamenti fini u 9 nuvembri 1867 , quandu u quindicesimu shogun Tokugawa Yoshinobu "cunsigno i probbii puteri in i mani di l'impiratori" ^[1] e si dimissi da a carica deci ghjorna piu tardi. Era l'effittiva ristituzioni di u puteri a u suvranu, Yoshinobu abbanduno a scena pulitica, ma i forzi fideli a u shogunatu si rifiutoni di ceda l'armi.

Pocu dopu, di ghjinnaghju 1868 , cumincio a guerra Boshin (Guerra di l'annu di u dragonu) incu a battaglia di Toba-Fushimi , a a periferia di Kyoto, in a quali l'asercitu cummandatu da i signori di Ch?sh? e Satsuma scunfissi quiddu di i forzi lealisti di u shogunatu. Quist'ultimi ebbini una seria di altri scunfitti, sii in battagli campali ch'e navali. Quantu ristava di i forzi di u shogun si ritiro versu a fini di u 1868 in Hokkaid? , a u cummandu di u cummandanti di a marina militara Enomoto Takeaki , chi fundo a ripubblica di Ezo . U novu statu ebbi vita brevi: in u maghju 1869 , incu a battaglia di Hakodate , i truppi di u shogunatu funi assidiati in a so piazzaforti e duvitini capitula.

A resa ripprisinto a fini di u shogunatu e di u so rigimu feudali. U 3 ghjinnaghju di u 1869, dopu a fuga in Hokkaido di i truppi di u shogunatu, l' Imperatori Mutsuhito pruclamo ufficialamenti a ristaurazioni di u puteri imperiali incu u siguenti cumunicatu:

L'impiratori di u Giapponu annoncia a i suvrani di tutti i paesi esteri e a i so sudditi di ave cuncessu a u shogun Tokugawa Yoshinobu di rimetta u puteri di guvernu com'e da so richiesta. Da stu mumentu asercitaremu a suprema autorita in tutti l'affari interni e esterni di u paesi. Di cunsiquenza a u titulu di impiratori devi essa sustituitu quiddu di Taikun , incu u quali erani stati conclusi i trattati. Stiamo par numina l'incaricati a cunducia l'affari esteri. Ci vurria ch'e i rappresentanti di i putenzi chi ani firmatu i trattati appruvessini sta dichjarazioni.
— January 3, 1869
Mutsuhito ^[2]

I capi di u rinnuvamentu Meiji dichjaravani di ave agitu sultantu in l'intaressu di u puteri imperiali. Quista un era mancu stampa vera. U puteri passo da u shogunatu Tokugawa a una nova uligarchia furmata da nobili di a corti imperiali e da espunenti di i feudi chi aviani sustinutu u rinnuvamentu, in particulari pruvinenti da Satsuma ( ?kubo Toshimichi e Saig? Takamori) e di Ch?sh? ( Hirobumi Ito , Aritomo Yamagata , e Kido K?in), ma ancu da Hizen e da Tosa; l'omini appartinenti a stu ristrettu chjerchju, successivamenti ribattizati incu u tarmini genr? , puri mirendu a l'emancipazioni di u Giapponu da i putenzi uccidintali, si fecini prumutori di un prucessu di riforma inspiratu probbiu da i sistemi statuali uccidintali chi, soprattuttu grazia a l'apportu di Hirobumi Ito, culmino incu l'aduzzioni di a Custituzioni Meiji , a prima custituzioni intesa in sensu mudernu in Asia .

I capimaestri [ mudifica | edita a fonte ]

Quistu he l'elencu di i capimaestri di u muvimentu quandu l'impiratori ripresi u puteri grazia a l'apportu di u shogunatu Tokugawa , parechji di eddi ritruvetini in seguitu alti carichi di u Statu fra i quali quidda di Prima Ministru di u Giapponu .

L'effetti [ mudifica | edita a fonte ]

U rinnuvamentu Meiji fu u muvimentu chi catalizo u Giapponu versu a so industrialisazioni e chi purto a nazioni a assucia a putenza militara da u 1905 a u mottu di Ricchezza Naziunali e Forza Militara ( fukoku kyohei , littiralamenti paesi riccu, asercitu forti ).