Impalaeriezh trevadennel Spagn
bro istorel
Rann eus
| Iberian Union
|
---|
Deiziad krouin
| 12 Her 1492
|
---|
Anv ofisiel
| Imperio espanol
|
---|
Anv er yezh a orin
| Monarquia universal espanola(Monarquia hispanica /Monarquia de Espana /Monarquia espanola)
|
---|
Relijion
| Latin Church
|
---|
Perzhiad e
| Brezel ar Pevar-Ugent Vloaz
|
---|
Diazezer
| Rouaned katolik
|
---|
Yezh ofisiel
| spagnoleg
|
---|
Kan broadel
| Marcha Real
|
---|
Kevandir
| Amerika
,
Azia
,
Europa
,
Afrika
,
Okeania
|
---|
Stad
| Spagn
|
---|
Ker-benn
| Madrid city
,
Toledo city
,
Valladolid city
|
---|
Renad politikel
| polysynodal monarchy
,
personal union
,
monarkiezh hollveliek
|
---|
Moneiz
| Spanish real
,
peseta
,
Spanish dollar
|
---|
Erlec'hiet gant
| Spagn
|
---|
Erlec'hian a ra
| Kurunenn Aragon
,
Kurunenn Kastilha
|
---|
Yezh implijet
| spagnoleg
|
---|
Darvoud-alc'hwez
| dynastic union of Aragon and Castile
|
---|
Deiziad divodadur
| 2 Mez 1899
|
---|
Relijion ofisiel
| Latin Church
,
Katoligiezh
|
---|
Sant paeron
| Ar Werc'hez Vari krouet dinamm
|
---|
Gregorian calendar start date
| 15 Her 1582
|
---|
Impalaeriezh trevadennel
Spagn
a reer eus hollad an douarou tramor aloubet gant Spagnoled ha renet ganto e-pad pell. Unan eus an impalaeriezhiou trevadennel brasan zo bet en istor eo hini Spagn, e-kichen hini Portugal. Er
XVI
vet
kantved
hag er
XVII
vet
kantved
e voe aloubet e-leizh a zouarou gant ar Spagnoled, e pep lec’h dre ar bed.
Kastilha
zo bet, evel
Portugal
, unan eus ar broiou er penn a-raok evit ar beajou da zizolein ar bed hag evit an
trevadennin
. En he brasan e voe an impalaeriezh-se etre
1580
, pa voe staget
Impalaeriezh trevadennel Portugal
ouzh domani Spagn, ha
1800
, pa grogas Spagn da goll he zrevadennou e
Suamerika
.
An douarou tramor kentan aloubet gant Spagnoled a voe an inizi
Kanariez
. Aloubet e voent ganto e
1491
-
1496
, ha lazhet e voe ar bobl a veve warno er
XV
vet
kantved
. An eil kammed a voe aloubidigezh
Melilla
, ur ger en arvor Maroko e
1497
. Rouantelezh
Kastilha
a stagas da vat da glask perc’hennan douarou tramor, pa oa bet echuet ar
Reconquista
, ar stourm a-enep muzulmaned kreisteiz Spagn, goude diskar
Emirelezh Cordoba
e miz Genver
1492
.
Kristol Goulm
, goude ma oa bet distaolet e ginnig gant roue
Portugal
, a voe degemeret mat e servij gant ar rouanez
Izabel Kastilha
hag ar roue
Ferdinant Aragon
. Asantin a rejont arc’hantan beaj ar moraer eus
Genova
a glaskfe tizhout an
Indez
hag o zenzoriou, en ur vont war-zu ar c’hornog. E miz Here
1492
e voe tizhet gant Kristof Goulm enez
San Salvador
(en enezeg
Bahamas
), ha goude-se e voe diazezet gantan an drevadenn spagnol gentan en Amerika war enez
Hispaniola
. Graet e voe anezhan "besroue an Indez" (
1493
-
1500
) gant rouaned Spagn. Hogen drastus e voe e zoare da ren an Indez, ken evit an drevadennerien aet d’an enez, ken evit annezidi gentan Hispaniola a yeas o niver d’an traon buan. E-kerzh e deir beaj all e voe ergerzhet gant Koulm an inizi
Antilhez
hag aodou
Kreizamerika
. Met un den all eus Genova,
Amerigo Vespucci
, an hini a roas e anv d’ar c’hevandir nevez-kavet,
Amerika
, goude e veajou etre
1499
ha
1504
. Er
XVI
vet
kantved
e voe ergerzhet douarou e-leizh gant ar Spagnoled : adalek
Kalifornia
ha
Florida
betek
Douar an Tan
, hag er
Meurvor Habask
, betek an inizi
Filipinez
hag an
inizi Salomon
.
Gant ar pab e
1493
ha gant
Emglev Tordesillas
e
1494
e voe kompezet an tabut a save etre Spagn ha Portugal, ha rannet e voe ar bed etre div lodenn : an hanter a c’hallje bezan trevadennet gant Portugal (Afrika, Azia) hag an hanter all gant Spagn (Amerika, nemet Brazil ma oa douaret Portugaliz dija, hag an tammou reteran eus Azia).
Conquistadored
(da lavarout eo ≪ alouberien ≫, e spagnoleg) a reer eus ar Spagnoled aet da aloubin douarou nevez Amerika. E
1511
e oa bet aloubet an inizi brasan, an
Antilhez Bras
(
Kuba
,
Hispaniola
,
Puerto Rico
). Tudjentil a renk izel e oant, ha gant ar mojennou a veze kontet diwar-benn an
Eldorado
, ar vro varzhus leun a aour a oa en tu all d’ar mor, e oant broudet da guitaat Kastillha da vont d’an ≪ Douar Nevez ≫, da redek an avantur. Gant
Hernan Cortes
, hag un nebeud kantadou a dud war e lerc’h, e voe aloubet
Mec'hiko
diwar-goust an
Azteked
e
1519
-
1521
;
Francisco Pizarro
, en, a lakaas e grabanou war
Perou
, diwar-goust an
Inkaed
e
1532
-
1534
. Dre ma oa armou dreist gant ar Spagnoled, ha dre ma oa rannet an
Amerindianed
e voe aloubet kement a zouarou ken buan-se. Ur wech staliet mat en Amerika ez eas ar Spagnoled da drevadennin an inizi
Filipinez
, en tu all d’ar
Meurvor Habask
er
bloavezhiou 1560
; ha neuze e chomjont a-sav war harzou
Impalaeriezh trevadennel Portugal
, evel ma oa bet rakwelet gant
Emglev Tordesillas
e
1494
.
E
1503
e voe savet gant ar rouanez Izabel
La Casa y Audiencia de Indias
, un aozadur anavezetoc’h dindan an anv
Casa de Contratacion
, karget da renkan ar c’henwerzh etre Spagn hag an trevadennou nevez. Sevel a rae taosou war ar marc’hadourezh deuet eus
Indez ar c’hornog
(ur bempvedenn eus o zalvoudegezh,
Quinto Real
) ha dastum a rae gouiziegezh war an douarou ergerzhet gant ar Spagnoled. E
1524
e voe savet Kuzul an Indez (
Consejo de Indias
) d’ober war-dro melestradur an douarou nevez-kavet ; harpet e oa, en tu all d’ar mor, gant unnek
audiencias
(leziou-barn), an hini gentan anezho o vezan bet savet war
Hispaniola
e
1511
.
Splann e voe buan, gant al ledan ma oa an ≪ Douar Nevez ≫, e oa ezhomm da rannan an douarou-se e meur a vro evit gallout o meran. Neuze e voe divizet sevel bes-rouantelezhiou gant ur besroue e penn pep hini anezho. Da gentan e voe savet besrouantelezh
Spagn Nevez
(1535), ha goude-se hini
Perou
(1544), hini
Granada Nevez
(1717) ha hini ar
Rio de la Plata
(1776).
Pinvidik e teu an drevadennerien spagnol da vezan buan war-bouez an
encomienda
(ar c’humuniezhiou Indianed a veze lakaet da labourat evit o mistri spagnol). An tachennou bras anvet
latifundia
a voe savet, dreist-holl, adalek ar
XVII
vet
kantved
. A-hend-all e veze korvoet ar mengleuziou
aour
(e
Kolombia
) hag
arc'hant
(
Zacatecas
e Mec’hiko,
Potosi
e
Bolivia
).
Spontus eo ar priz a vo paeet gant an annezidi gentan. D’an traon ez a buan an niver a
Amerindianed
: tremen a ra eus war-dro 80 milion e derou ar
XVI
vet
kantved
da war-dro 12 milion kant vloaz war-lerc’h. Gant al lazhadegou, al labour ret hag ar c’hlenvedou degaset eus Europa, dreist-holl, e voe diskaret ar poblou indian.
Torfedou ar g-
conquistadored
spagnol a voe diskuliet neuze gant ur
manac'h
, ar breur
Bartolome de las Casas
. E
1550
, goude breutaat gant ur beleg all,
Juan Gines de Sepulveda
, e teuas a-benn da lakaat degemer ar sonj e oa un ene gant an Amerindianed (
Breud Valladolid
). Roue Spagn,
Karl V
, a grogas ivez d’ar poent-se da lakaat harzou da reizhiad an
encomienda
.
Er
XVII
vet
kantved
e voe diazezet
Misionou katolik
gant ar
Jezuisted
. Un doare keriadennou e oa ar
Reducciones
-se, savet dreist-holl e
Paraguay
, gant Indianed
Guarani
, e
Bolivia
, e
Perou
pe e
Brazil
. Republikou bihan e oant, savet evit avielan an Amerindianed. Gant ar Jezuisted e veze savet keriou bihan war skouer ar re eus Spagn, nemet eno e tegemerent Amerindianed da rein ur plas dezho er gevredigezh spagnol ha kristen ha da warezin anezho diouzh ar sklaverezh. Kement-se ne blije ket nemeur d’an drevadennerien avat, hag a-benn ar
bloavezhiou 1750
-
1760
e voe berzet ar
Reducciones
-se, gant ar pab, gant Spagn ha gant Portugal.
Dre ma oa digresket kalz an niver a
Amerindianed
e oa diouer a dud labour evit an drevadennerien. Kregin a reas ar Spagnoled neuze d’
ober kenwerzh sklaved eus Afrika
, evel ma rae dija Portugaliz.
Daoust ma ne veze ket graet gwall vrav d’an Amerindianed na d’ar re Zu, e teuas
Amerika latin
, ha dreist-holl Brazil, da vezan ur skouer dibar eus ur gevredigezh hiron.
Fernao de Magalhaes
, an ergerzher
portugalat
a oa e servij rouantelezh
Spagn
, a erruas en inizi
Filipinez
d’ar
16 a viz Meurzh
1521
. Anvet e voe an enezeg en anv daofin Spagn,
Fulup II Spagn
. Adalek
1565
eman an enezeg en Impalaeriezh trevadennel Spagn. E
1611
e voe savet
Skol-Veur Santo Tomas
, ar skol-veur gentan er vro, e
Manila
.
Daoust ma ne oa ket pinvidik ar vro a-fed
aour
pe
spisou
, e kave da Spagn e vije ur bazenn gentan da vont da avielan Sina ha Japan.
Fransez Zavier
, pa yeas da Japan a gasas gantan un den genidik eus Filipinez,
Lorenzo Ruiz
, zo bet lakaet da sant abaoe. Ne reas ket berzh ar visionerien gatolik e Sina ha Japan, met e Filipinez e teuas buan an iliz katolik da gaout ur pouez bras. Ha se e oa unan eus paliou pennan rouaned Spagn pa glaskent trevadennin broiou pell.
Kregin a reas galloud trevadennel Spagn da vont war ziskar er
XVII
vet
kantved
, daoust (pe abalamour) ma kresk poblans an trevadennou. An aour kaset da Spagn a veze dispignet buan evit paean dleou d’ar vankerien a Alamagn pe Italia. Hag e-keit-se e kolle Spagn lod eus he zud a yae da redek bro en tu all d’ar mor. Gant ar brezeliou en Europa (
Brezel ar Pevar-Ugent Vloaz
,
Brezel Tregont Vloaz
) e voe dispignet nerzh hag arc’hant Spagn.
Displijet e oa an dud eus ar vegenn (ar re wenn, bet ganet en trevadennou) gant pouez beli Spagn warno. Tud evel
Simon Bolivar
a gemeras skouer war an
Dispac'h gall
e dibenn ar
XVIII
vet
kantved
. Tennan a rejont splet eus aloubadeg Spagn gant
Napoleon I
an
e
1808
evit embann dizalc’hiezh broiou Suamerika. Mouget e voe an emsavadegou-se gant feulster gant ar Spagnoled, pa zeuas ar roue
Fernant VII
war an tron en-dro e
1813
. Met daoust da se e teuas broiou Suamerika, tamm-ha-tamm, da vezan dizalc’h.
Emsavadegou a voe adarre a-enep rouantelezh Spagn, levezonet gant
Brezel dieubidigezh ar Stadou Unanet
, da sevel republikou dizalc'h.
Kuba
ha
Puerto Rico
a chomas dindan yev Spagn. Hogen, etre
1814
ha
1830
, trevadennou spagnol Amerika a yeas d'ober broiou dizalc'h nevez :
Arc'hantina
,
Bolivia
,
Kolombia
,
Chile
,
Ecuador
,
Mec'hiko
,
Paraguay
,
Perou
,
Provinsou Unanet Kreizamerika
, ar
Republik Dominikan
,
Uruguay
ha
Venezuela
.
Dibenn an impalaeriezh e trevadennou Afrika
[
kemman
|
kemman ar vammenn
]
Dirollan a reas ar brezel etre Spagn hag ar Stadou Unanet : e
1898
e voe kollet
Kuba
,
Puerto Rico
hag ar
Filipinez
gant ar Spagnoled, aloubet ma oa bet ar broiou-se gant an Amerikaned.
Ne chome mui nemet un nebeud trevadennou en Afrika gant Spagn, neuze. En o zouez e c’heller menegin ar
Rif
, e hanternoz
Maroko
, aloubet e derou an
XX
vet
kantved
, ha chomet spagnol daoust da emsavadeg
Abd el-Krim
, e
1921
-
1926
. E
1936
ez eo eus hanternoz Maroko, hag eus an inizi
Kanariez
, e loc’has soudarded
Franco
da vont d’en em gannan e
Brezel diabarzh Spagn
. E
1956
e voe roet ar braz eus an douarou spagnol-se da stad Maroko, war-bouez
Ceuta
ha
Melilla
zo chomet keriou e dalc’h Spagn. N’eo nemet e
1975
, goude marv
Franco
, e voe kuitaet
Sahara ar C'hornog
gant Spagn, ha goude-se e voe staget ouzh rouantelezh Maroko.
Ar broiou a zo bet e dalc’h an Impalaeriezh trevadennel spagnol
[
kemman
|
kemman ar vammenn
]
- en Amerika
- en Azia hag en Okeania
- en Afrika