Daelerezh
a reer eus hollad an araeziou kefredel a implijer en argerzh ar breutaat poellek etre daou zen, pe vuioc'h, o deus mennozhiou dishenvel, a-benn anataat kealiou, dizarbenn an arguzennou enep ha kendrec'hin an dud pe c'hoazh dizolein ur wirionez
[1]
,
[2]
.
- Arabat eo droukveskan
daelerezh
ha
breud
, rak breutaat a c'haller a-zivout un dodenn na sell ket war-eeun ouzh an den ha bezan diresis en argerzh abalamour da drivliadou a zo e-maez perzhiou poellek arguzenn pe arguzenn. An daelerezh a implijer da brouin gwirionez un arguzenn ha falsentez an arguzenn enep.
- Ne dalvez ket
daelerezh
kement ha
dareulerezh
kennebeut : heman diwezhan ne gemer ket perzh er breutaat, klask a ra gounez ur vodadeg selaouerien dre dizhout o foell (
λ?γο?,
logos
), o zrivliadou (π?θο?,
pathos
) pe o skiant divezel (?θο?,
?thos
).
E
prederouriezh
Henc'hres
, hini
Sokrates
(~470 - ~399 KJK) ha
Platon
(~428 - ~348 KJK) pergen, e oa an daelerezh arz ar breutaat dre c'houlennou ha respontou.
Pelloc'h, er
Grennamzer
, e oa an daelerezh par d'ar boelloniezh, evel enebet ouzh an dareulerezh.
Diwezhatoc'h, da heul
Georg Wilhelm Friedrich Hegel
(
1770
-
1831
), e voe lakaet an daelerezh da argerzh ar preder ma ne c'haller ket disrannan sonjou dislavarus (an
dodin
hag ar
gourzhdodin
) hogen ma c'haller o unvanin er
c'hendodin
.
Danvezelouriezh daelerezhek
a reer eus prederouriezh
Karl Marx
(
1818
-
1883
), ha diazez an
natur
eo an daelerezh hervez
Friedrich Engels
(
1820
?
1895
).
Tu zo da lavaret ez eo istor ar brederouriezh hini an daelerezh.
Nevez eo ar ger
daelerezh
, pa n'eo testeniet nemet abaoe
1992
. Deveret eo diouzh
dael
, a zo testeniet abaoe
1732
hag a zeu eus an
henvrezhoneg
dadl
. Evel ar
cherneveureg
dathel
, ar
c'hembraeg
dadl
hag ar
gouezeleg
dail
e teu
dadl
eus an hengeltieg
datl?
a dalvez "bodadeg"
[3]
,
[4]
.
Eus ar wrizienn
latin
dialectica
, diwar an
henc'hresianeg
διαλεκτικ?
dialektike
, "arz ar breutaat", e teu ar geriou kevatal da
zaelerezh
er yezhou
indezeuropek
nann-keltiek. Ar
perseg
(
farsi
) ???????? a lenner
dyyalektik
ivez.
En
arabeg
e lavarer ?????
(d)jadalyya
, "breutadenn", diwar ar wrizienn ???
(d)jadal
, "tabut"
[5]
. Henvel eo ster ????????? en
hebraeg
, ur yezh semitek all. Henvel ivez eo ster ar ger er yezhou nann-indezeuropek all : breutadenn, tabut.
Resisoc'h eo ar ger
sinaek
??法 ,
pinyin
bian zheng f?
, "doare da vreutaat ha prouin"
[6]
Kement ha "prezeg a brou al lezenn" e talvez ar ger
japanek
べんしょうほう / 弁?法
benchouhou
[7]
,
[8]
, a hanval bezan kar d'ar
c'horeaneg
辨證法
byeon jeum beop
, "brasaat tu al lezenn"
[9]
.
Plaenaat diemgleviou dre vreudou poellek eo pal an daelerezh ; pelloc'h ez eo e bal klask ar wirionez.
Kent Sokrates e veze ar boaz gant ar brederourien kemer un diogeladenn ha prouin e oa gwir dre ziskouez e kase an diogeladenn enep d'un disoc'h diwir pe ziboell
[10]
.
Un hentenn all a oa bet dibabet gant Sokrates : kemer ur c'houlakadenn ha diskouez e kas d'un dislavar, ha dre-se tennan ar vartezeadenn-se diouzh tachenn ar wirionez.
Un trede doare da blaenaat diemglemviou eo diarbennin diazez an diogeladenn ha hini an diogeladenn enep ha treuzkas an div d'un trede diogeladenn a zo dreist dezho ha tostoc'h d'ar wirionez. Alies e sav un diemglev all dre an hentenn-se, pa nac'h dalc'hidi an diolegadennou kentan distrein war o sonj.
Tostoc'h d'hon amzer e voe diazezet un daelerezh nevez a anver
daelerezh Hegel
, pe
daelerezh Fichte
; pevar meizad a ya da ober ar sichenn anezhan :
- bevennek hag ardreuzat eo pep tra, dre ma n'eus anezhan nemet e red an amzer ;
- savet diwar nerzhiou kontrol eo pep tra ;
- tamm-ha-tamm e kemm pep tra, ar pezh a gas da enkadennou pa vez un nerzh o kemer an tu krenv war ar re all ? kemmou en niver a nerzhiou a gas da gemmou e perzhiou an nerzhiou ;
- a-droellennou e ya ar c'hemmou, ned eont ket a-gelc'hadou ? dislavar an dislavar n'a ket en-dro.
Bez' e oa dija eus ar pennaennou-se e meizad an daelerezh da vare
Herakleitos
(~
535
- ~
475
KJK), pa zisklerie heman e oa pep tra o kemman bepred dre c'hoari enebiezh an nerzhiou a zo e pep tra
[11]
.
En
Henc'hres
, da heul ar prederour
Parmenides
(~544 - ~450 KJK) a lavare n'eus gwirionez ebet e meno den pe zen, e selled alies ouzh an daelerezh evel ouzh "poell an touell" : arz ar vrizhouizieien a lavar gaou, hep gouzout dezho a-wezhiou, a embannont evel gwirionez dre zrevezan doareou ar poell gwirion, ar poell-se o kuzhat goullonder o frezeg.
[12]
Hervez Sokrates e voe ijinet an daelerezh gant ar prederour
Zenon ag Eleates
(~490 - ~430 KJK).
Pelloc'h, er pezh a anver
predouriezh klasel
Henc'hres, e troas an daelerezh d'un doare poellata a zo diazezet war ar c'hendiviz etre arguzennou (an dodin) hag arguzennou kontrol (ar gourzhdodin). Diarbennadur an dodin e vez disoc'h an hentenn-se a-wezhiou ; gwezhiou all e teu an dud a-benn da gendeuzin an arguzennou er c'hendodin, da lavaret eo en un diogeladenn a zo tostoc'h d'ar wirionez ; dibaot a wezh e tro ar breud da enebiezh krenn, ha hep disoc'h bastus ebet zoken e vez alies laouen an dud o vezan gwellaet live ar breud.
Boas e oa Sokrates da ensellet meno ha kredennou an dud, ha zoken pennaennou ar sonjal hag ar poellata, dre atersin den pe zen a-benn anataat un dislavar pe ur gwander en arguzennou an den-se. Gwellaat an dud e oa ar pal, dre o disamman diouzh faziou ne oant ket emskiant anezho ? bez' e c'haller lavaret ivez e klaske Sokrates lakaat an dud da ziskulian ur ouiziegezh a oa enno hep gouzout dezho.
Dre Blaton, a voe unan eus diskibled Sokrates, ez anavezer atersadennou e gelenner ?
kendivizou
a reer eus skridou Platon, a roas lans d'un hentenn nevez e-touez ar brederourien. Alies avat ne gas ar c'hendiviz nemet d'un hent-dall, a anver
aporiezh
, hogen faziou ha treuzveizadennou zo bet skarzhet war an hent.
Platon : eus ar c'hendiviz d'ar wirionez
[
kemman
|
kemman ar vammenn
]
Un hentenn da dizhout ar wirionez eo an daelerezh hervez Platon : dre genverian hag ensellet meur a ali e c'haller mont dreist meno ar brasan eus an dud ha diskulian ar ouiziegezh wirion. Dre an daelerezh eta e c'haller sevel diwar bed an diavaeziou ha tizhout hini ar ouiziegezh, hag alese kompren ar meizadou hollek kent kompren pennaennou hor bed.
Evel Platon e selle Aristoteles (~384 - ~322 KJK) ouzh an daelerezh evel ouzh arz ar poellata diwar-benn mennozhiou a greder bezan par d'ar wirionez. Hervezan ez eo hollret tremen dre an daelerezh evit anataat pennaennou prederouriezh ar skiantou ? ha pennaennou ar brederouriezh hec'h-unan ? rak mar klask un den en e unan
prouin
unan eus ar pennaennou-se ne gasje nemet d'ur "poellata kelc'hiek" difrouezh ; ar pezh nemetan a c'haller ober eo ensellet meur a arguzenn gant meur a zen betek kavout a-stroll un arguzenn na c'haller ket enebin outi
[13]
.
En tu all da genveriadur ar mennozhiou ez eus ur c'houblad meizadou, pe reolennou poelloniel, a ra an diforc'h etre arguzennou un den en e unan ha re ur strollad tud o ren un dael :
- an arguzennin
ex concessis
(
latin
evit "diwar ar pezh a zo bet goulezet"), a implijer evit gwirian onestiz an arguzer e-kenver ar mennozhiou en deus eztaolet pe zegemeret abretoc'h ? arabat eo avat lakaat e arguzennou da ziwir en abeg da bersonelezh an arguzer e-unan a-fed orin, metou, dere,
relijion
hag all, rak ur
sofegezh
e vije an emzalc'h-se neuze
[14]
;
- an arguzennin
onus probandi
(latin evit "bec'h ar brouenn"), ma rank unan eus an arguzennerien kregin gant an dael dre zisplegan e veno. Mar deu a-benn e tremen ar vec'h d'e zislavarer. Neb eus an arguzennerien a baouez da samman ar vec'h en deus kollet an dael
[15]
.
Diogenes Laertios
, e derou an
Patrom:IIIde kantved
, a roas div zespizadenn eus an daelerezh hervez ar
stoikourien
en e levr
Buhez ha kelennadurezh ar brederourien veur
(VII, 41-44)
[16]
:
- skiant ar breutaat reizh, da lavaret eo dre ur prezeg helavar, ur yezh spis, goulennou ha respontou ;
- skiant ar pezh a zo gwir, ar pezh a zo diwir, hag ar pezh n'eo na gwir na diwir.
Anicius Manlius Torquatus Severinus Boethius (~
480
- ~
525
), ur prederour
italian
, e voe ar gouizieg kentan o labourat war oberennou Aristoteles er
Grennamzer
.
Ar
yezhadur
, an daelerezh hag an dareulerezh kendeuzet eo an daelerezh hervez termenadur kentan Diogenes Laertios eta.
Trivium
skoliou an Henamzer e oa, da lavaret eo kentan derez an deskadurezh ; "galloud ar yezh" e oa an
trivium
, ha diazez an eil derez anvet
quadrivium
: ar
sonerezh
, an
niveroniezh
, ar
ventoniezh
hag ar
steredoniezh
.
Ar seizh arz frank
a raed eus
trivium
ha
quadrivium
.
[17]
E derou an
VIII
vet
kantved
ez erruas ar seiz arz frank er
C'hornog
kristen
dre ar
manac'h
Beda Venerabilis
hag an
eskob
Isidoro de Sevilla
. Adkemeret e voent gant ar manac'h
saoz
Alcuin
, kuzulier
Karl Veur
, evit diazezan reizhiad deskadurezh impalaeriezh ar
Garolingidi
(
800
-
887
).
En abeg da aloubadegou ar
Vikinged
, an
Arabed
ha
Hungariz
en
IXvet
ha
Xvet kantved
e voe paouezet pe dost da gelenn ar sonerezh, an niveroniezh, ar ventoniezh, ar steredoniezh hag an daelerezh. Gant ar manac'h Gerbert d'Aurillac, a voe ar
pab
Jelvestr II
diwezhatoc'h, e voe adlakaet an daelerezh da zanvez-kelenn en
Iliz katolik
a-c'houde e veajou-studi e
Katalonia
(
963
-
971
) ma lennas diwar-benn Aristoteles :
quadrivium
ha daelerezh a gelennas e skol an eskopti e
Reims
[18]
.
Adalek an
XI
vet
kantved
e voe adtroet oberennou Aristoteles, ar pezh a roas lans d'un tabut en Iliz etre dalc'hidi an daelerezh, e sonje dezho e c'halle hentenn Aristoteles rein un displegadenn boellek d'ar c'hevrinou kristen, hag enebourien an daelerezh, o devoa aon e vije kollet ar c'hevrinou relijiel, hag a zalc'he da aotrouniezh
Tadou an Iliz
.
War gresk ez eas an daelerezh en
XII
vet
kantved
en Iliz : kevret gant ar yezhadur hag ar boelloniezh e teuas da vezan ur benveg rekis evit an
doueoniourien
. D'ar mare-se e savas ur mestr war an daelerezh, an doueoniour, prederour ha sonaozour
breizhat
Pierre Abelard
(
1079
-
1142
).
Er c'hantved-se ivez e voe troidigezhiou latin nevez eus skridou Aristoteles, o tont eus
Toledo
e
Spagn
hag eus
Italia
; addisplegerien Aristoteles a voe troet ivez, en o zouez reou o tont eus
Arabia
, evel ??? ????
Ibn Sina
(
Avisenna
).
En
XIII
vet
kantved
e c'hanas prederouriezh Aristoteles un diskiblezh nevez, ar
skolastik
, ar pal dezhi lakaat prederouriezh Aristoteles da glotan gant an doueoniezh kristen. Gant
Tommaso d'Aquino
e voe embannet an disoc'h,
Summa Theologiæ
, "Pennober doueoniel"
[19]
"Ar poell e servij ar feiz" hag "Ar brederouriezh e servij an denoniezh" e voe geriou-stur e metou doueoniourien ar
Grennamzer
, pa dalveze an daelerezh da zisplegan lod eus kelennadurezhiou ar gristeniezh, ha da blaenaat tabutou-diabarzh dre ar c'hendiviz.
Setu aman pazennou an daelerezh evel ma oant e dibenn ar Grennamzer :
- termenin dodenn ar c'hendiviz dre an diogeladenn gentan ;
- termenin an arbennadenn bennan d'an diogeladenn gentan ;
- termenin an arguzenn bennan a-du gant an diogeladenn gentan hag a-enep an arbennadenn bennan ;
- adtermenin an diogeladenn goude bezan pouezet war an anatadennou ;
- arguzennin enep pep arbennadenn da heul.
En o stad e chomas an traou a-hed an
Azginivelezh
ha betek dibenn an
XVIII
vet
kantved
. E derou an
XIX
vet
kantved
, e
1809
, e voa ar prederour
alaman
Johann Gottlieb Fichte
(
1762
-
1814
) anvet da gelenner e Skol-Veur
Berlin
, ma voe brudet evit e helavarded hag e zoare da gelenn dre an argerzh
dodin
>
gourzhdodin
>
kendodin
da heul labouriou
Immanuel Kant
(
1727
-
1804
).
E 1814, goude marv J. G. Fichte, ez eas kador ar brederouriezh e Skol-veur Berlin da Georg Wilhelm Friedrich Hegel, a roas ul lans nevez d'an daelerezh dre e veizad daelerezhek eus Istor mab-den.
Pelloc'h, e kreiz an XIXvet kantved, e voe lakaet an daelerezh e pleustr er bed danvezel gant Karl Marx ha Friedrich Engels.
Pelloc'h eget argerzh ar c'hendiviz kefredel e voe kaset an daelerezh gant ar prederour alaman : kendeuzet gant ar boelloniezh eo bet gantan, ha lakaet da ziazez natur ar bed gwirion.
Da heul J. G. Fichte e labouras hervez un argerzh teirfazennek
[20]
:
Das Logische hat der Form nach drei Seiten :
α)
die abstrakte oder verstandige ;
β)
die dialektische oder negativ-vernunftige ;
γ)
die spekulative oder positiv-vernunftige.
|
Tri zu zo d'ar boelloniezh :
α) an tu
goubar
pe gizidik ;
C an tu daelerezhek pe boellel dre nac'h ;
γ) an tu
tebouezel
pe boellel diarvar.
|
Par d'an argerzh "dodin - gourzhdodin - kendodin" eo hentenn Hegel, hogen dishenvel eo e meur a genver.
- Da gentan, iskis e kave ar prederour ne vije gwezh ebet displeget perak e rankje an dodin kas d'ar gourzhdodin dre ret. Gant e zoare da zisplegan ar poent α) e c'houlaka e vez bepred ur mank e kement arlakadenn a zo, abalamour da vevennou spered an dud : diaes eo dezho meizan an traou difetis, ha levezonet e vez o foell gant o zrivliadou.
- Gant ar poent β) e klask reizhan ar si-se dre an daelerezh : dav eo arguzennin enep an arlakadenn a-benn hec'h amprouin.
- Gant ar poent γ) e laka ar prederour ar pouez war ar pezh a zo gwir er bed : dre an daelerezh e teuer a-benn da dermenin ar pezh a zo gwerc'hel, ar pezh a zo anezhan er bed-man evit gwir.
Penaos tremen eus β) da γ), eus an tu poellel dre nac'h d'an tu poellel diarvar ? Dre an
Aufhebung
"freuzidigezh (ul lezenn)", eme Hegel, da lavaret eo dre grennan ur meizad d'e damm talvoudusan ha, war an dro, mont dreist e vevennou.
Ur skouer eus an
Aufhebung
eo ar c'hendiviz a-zivout an hanvoud ("ar bezoud", ar fed da vezan, e geriou nann-prederourel)
[21]
:
- α) perzh pep boud bev eo an hanvoud, gwerc'hel eo an hanvoud neuze, n'eo ket netra ;
- β) mont da netra eo perzh pep boud avat, pa rank pep boud bev mervel ;
- γ) ne c'haller ket diforc'han etre hanvoud ha netra ; neuze :
dont da vezan
eo an hanvoud.
Aze eman gwele kelennadurezh Georg W. F. Hegel : estreget un hentenn evit prederian eo an daelerezh, anien ar veziadelezh eo ivez. Un dra hepken eo bezan ha sonjal, pep tra er bed-man a ya en-dro en unaniezh an enebou, buhez an hollved eo al lusk-se. Danvez ar relijion, an
arz
, ar brederouriezh hag istor mab-den eo. Meizan al lusk-se eo e gompren dre an diabarzh, peogwir ez eus boudou bev ac'hanomp.
Kontrol-mik da "anien ar veizadelezh" hervez G. W. F. Hegel e savas Karl Marx, evel m'en displegas e gourfennskrid eil embannadur e oberenn vrudetan,
Das Kapital
e
1873
:
[22]
,
[23]
N'eo ket hepken ez eo dishenvel ma hentenn daelerezhel diouzh hini Hegel, kontrol-mik dezhi eo. Hervez Hegel ez eo argerzh buhez empenn mab-den,
i.e.
argerzh ar sonjal, a dro-en d'un dodenn distag zoken peogwir e ra "ar Mennozh" anezhan,
demiurg
ar bed gwerc'hel, ha n'eo ar bed gwerc'hel nemet an anadenn diavaez eus "ar Mennozh". Hervezon, en eskemm kaer, n'eo ar Mennozh nemet adsked ar bed danvezel e spered mab-den, ha troet e doareou da sonjal.
|
Danvezelouriezh daelerezhel
a voe graet eus arlakadenn K. Marx gant ar prederour alaman Joseph Dietzgen (
1828
-
1888
) ; diwar an arlakadenn-se e voe ganet an
danvezelouriezh istorel
, an hentenn danvezelour da zielfennan an Istor dre an armerzh, heuliet gant Marx, Friedrich Engels ha
Vladimir Lenin
.
Ar vuhez danvezel eo diazez pep tra, emezo ; stummet e vez spered an den gant e endro zanvezel, diwar e endro e teu skiant hag emskiant an den, kevredigezhiou denel ar bed ha, pelloc'h, "Mennozh" Hegel ? n'eo mab-den nemet un
adsked
eus e endro, hervez Lenin. Dre an danvezelouriezh daelerezhel e c'haller displegan diorroadur ar c'hevredigezhiou ha, dre vras, ar
sokialouriezh
.
Sichenn ar
politikerezh
marksour
eo an daelerezh ; "daelerezhel eo an natur" a skrivas F. Engels en
Herrn Eugen Duhrings Umwalzung der Wissenschaft
("Eman an ao. Eugen Duhring o reveulzian ar skiant") e
1878
.
[24]
, hag en ha rein teir lezenn daelerezhel an natur :
- ? lezenn an tremen eus ar c'hementad d'ar berzhded
Ur c'hemm er berzhded a c'hoarvez pa dro un dra bennak en un dra bennak all dishenvel-krenn diouzh an dra orin. Hervez al lezenn-se, pa gresk pe zigresk ar c'hementad a zanvez e kemm pep tra, danvezel pe get, en un dra all. Tamm-ha-tamm e kemm ar c'hementad danvezel, hogen ne c'hoarvez kemm er berzhded danvezel nemet dre an dispac'h. Dre al lezenn-se e tispleger diorroadur an dud, an darvoudou naturel hag an darvoudou kevredigezhel.
- ? lezenn kenintradur an enebou
An dislavar eo anien ar bed, eme Herakleitos ha G. W. F. Hegel ; a-du ganto e savas K. Marx hag F. Engels. An disoc'h eus emgann elfennou kontrol eo kement anadenn a c'hoarvez er bed, an elfennou-se o vezan unanet en anadenn nevez hag o tegas luskou ha kemmou nevez er bed ? en natur, er c'hevredigezhiou hag er mennozhiou. Dre al lezenn-se e c'haller displegan kement luskad a zo er bed.
- ? lezenn nac'hadur an nac'hadur
An diogeladur eo kentan pazenn argerzh an daelerezh : bez' ez eus eus an dra-man-tra er bed gwirion. An nac'hadur eo an eil pazenn, pa bouezer war oberiantiz an dra gontrol, a gas an dra gentan da get. Nac'hadur an nac'hadur eo trede pazenn an daelerezh : kendeuzin a ra ar c'hentan hag an eil dre anzav ar pezh a zo gwir en div.
An teir lezenn-se a ziskouez lusk ar bed ; an anadenn a zo bet ganet en trede pazenn a heulio an hevelep argerzh betek genel un anadenn nevez all.
Dre an argerzh daelerezhel eta e ya an natur war-raok, o kas ganti ar c'hevredigezhiou denel ha mennozhiou mab-den, war-du stummou klokoc'h, kevanekoc'h ha perveshoc'h.
En
Das Kapital
adarre e tisplegas Karl Marx an danvezelouriezh daelerezhel :
Ur gwarzh hag un euzh eo stumm poellel an danvezelouriezh daelerezhel dirak daoulagad ar vourc'hizelezh ha re he c'helennadourien, abalamour ma ranker, evit e gompren, anzav stad vedel an traou, ar c'hontrol eus ar stad-se war an dro, hag he diskar ret ; peogwir e sell ouzh pep stumm kevredigezhel bet diorroet en Istor evel ouzh ul luskad, o terc'hel stad neuze koulz eus e natur ardreuzat hag eus e vezans verrbad ; peogwir ne bleg dindan beli ebet, ha peogwir ez eo an dezvarn hag an dispac'h e anien.
|
Emgann ar renkadou
eo ar gudenn bennan a glaskjod dirouestlan dre zaelerezh Karl Marx, pa 'z eus un diforc'h anat etre al labour kefredel hag al labour dorn, etre bevan e ker ha bevan war ar maez, etre ar greanterezh hag al labour-douar. Dre zislavarou an daelerezh e klaskas Marx, Engels ha Lenin displegan n'eus bet biskoazh eus un urzh naturel digemm er gevredigezh, daoust d'ar pezh a hanval bezan anat, e ranker bepred mont buanoc'h en argerzh ar c'hemman dere an dud evit ma vevjent gwelloc'h, petra bennak ma ne wel an dud araokadenn ebet en o dere, hag ez a ar gevredigezh war-raok tamm-ha-tamm daoust da giladennou bet degaset gant reveulziou, gwallzarvoudou hag all. Stag ouzh kement tra all eo pep tra, hag e pep tra eman an dra gontrol.
Alies eta e voe lakaet daelerezh Karl Marx da venveg rendaelin ha brudan, evit harpan dibabou politikel ar Stadou marksour.
Kement-se a gasas da zarrizhad
Trofim Denisovitch Lysenko
en
URSS
da vare
Jozef Stalin
, pa voe lakaet da haroz ar skiant soviedel eus ar bloavezhiou
1930
betek
1964
daoust d'e labouriou fazius war an
hiloniezh
er
gounezerezh
. Hervez Trofim Lysenko e c'halled kemman natur hilel ar plant dre gemman o endro, daoust da labouriou
Gregor Mendel
; pelloc'h c'hoazh ez eas, pa c'hovelias arlakadenn "bevoniezh ar renkadou". Er bed a-bezh e savas prederourien ha skiantourien enep an danvezelouriezh daelerezhel, kent distrein war o c'hiz a-wezhiou, ha diskaret e voe labouriou T. D. Lysenko gant an Akademiezh ar Skiantou soviedel e
1965
.
En e levr
Critique de la raison dialectique
embannet e
1960
e klaskas ar prederour
gall
Jean-Paul Sartre
penaos sevel un "denoniezh
strukturel
hag istorel" na gasje ket louerelezh danvez ar studi d'ur reizhiad digemm a veizadou. Hervezan, an denoniezh hervez Karl Marx hepken ? an danvezelouriezh daelerezhel ? a oa gouest da dizhout ar pal, gant ma sujje d'an {| width="80%" align="center" bgcolor="#FFFFF0" cellpadding="10px"nemet daelerezh hervez Sartre : daelerezh anadennoniel ar Bezan hag an Netra
[25]
. Mard eo gwir danvezelouriezh istorel Karl Marx ez eo an daelerezh anien an Istor, hogen ret eo gouzout hag ur poell daelerezhel zo, a vije e c'halloud dreist hini ar skiantou evit studian bezans mab-den.
Siwazh, ned eas ket Jean-Paul Sartre pelloc'h, pa ne reas nemet sevel ar goulenn, feal ma chomas d'e veno : dre an daelerezh hepken e teu an anaoudegezh, ha kemmou emskiant er gevredigezh.
Un nebeud skiantourien a zistroas war o c'hiz neuze, hag a anzavas e c'halle an daelerezh talvezout en o studiou, en o zouez ar poelloniour
Rusian
Aleksandr Zinovyev (
1922
-
2006
), ar
bevoniour
ha hiloniour
amerikan
Richard Lewontin (bet ganet e
1929
), ar bevoniour amerikan Stephen Jay Gould (
1941
-
2002
), hag ar
gouiziadoniour
gall Patrick Tort (bet ganet e
1952
). En
XXIvet kantved
ivez e kendalc'h an daelerezh da vevan er skiantou dre oberou an daelerezhour amerikan Bertell Ollman (bet ganet e
1936
), ar c'hevredadour ha denoniour gall Jean-Marie Brohm (bet ganet e
1940
) hag ar
jedoniour
gall Evariste Sanchez-Palencia (bet ganet e
1941
).
Dre an daelerezh ez eo aesoc'h kompren an dislavarou a gaver a-wezhiou en arnodennou skiantel. En e levr
Les principes de la dialectique
ez adkemer Jean-Marie Brohm argerzh an daelerezh hervez Hegel ha Marx
[26]
.
Kemmet eo bet an argerzh-se abaoe ar bloavezhiou
1980
, evel m'en displeg E. Sanchez-Palencia en e levr
Promenade dialectique dans les sciences
[27]
: arsellet ez eus bet ur "reustl savelegour" en anadennou ma vez teir elfenn da nebeutan oc'h emdrein war an dro, pep hini anezho o levezonin emzalc'h ar re all, alese ur bazenn nevez a anver "emzalc'hiou kantredidik war an desacher".
War dachenn ar vevoniezh ez eo bet arveret an danvezelouriezh daelerezhel, pa vez kemm-digemm kennevid hag emdroadur pep bev daoust d'e framm bezan termenet gant e
DDN
[28]
.
Abaoe un nebeud degadou ez eus kenlabour gant poelloniourien eus ar bed a-bezh evit kavout un diazez jedoniel d'an daelerezh. A-douez o andoniou e voe labouriou gant ar prederour
breizhveurat
Stephen Edelston Toulmin (
1922
-
2009
)
[29]
ha re ar prederour amerikan Nicholas Rescher (bet ganet e
1928
)
[30]
.
Ar
poellata azgweladus
, un doare da boellata a zo diazezet war abegou a c'haller kemman ? ne glasker ket prouin tra pe dra, o klask ur c'hempouez efedus e vezer bepred, zo bet arveret da sevel reizhiadou stlennel a zo diazezet war arguzennou rakstummet, war reolennou arguzennin ha reolennou all a ra war-dro ar c'hemmou er stlennou a ranker kewerian.
An doare stlenneg-se a vez implijet en enklaskou diwar-benn an
naouegezh kalvezadel
a-benn sevel
urzhiataeriou
a vije gouest da gemer disenteziou ha, pelloc'h, reizhiadou-labour harpet gant urzhiataeriou
[31]
.
,
[32]
Kemmus eo an daelerezh abaoe 2 500 vloaz, ha kemman a ra c'hoazh a-benn stumman an degadou da zont.
- ↑
VAN EEMEREN F. H., en
Anyone Who Has a View ? Theoretical Contributions to the Study of Argumentation (Argumentation Library)
, Springer, 2003
ISBN 978-1-4020-1456-7
(en)
- ↑
PINTO Robert C.,
Argument, Inference and Dialectic ? Collected Papers on Informal Logic (Argumentation Library)
, Springer, 2010
ISBN 978-90-481-5713-6
(en)
- ↑
DESHAYES Albert,
Dictionnaire etymologique du breton
, Chasse-maree, Douarnenez, 2003
ISBN 978-2-9142-0825-1
(fr)
- ↑
MacLENNAN Malcolm,
A Pronouncing and Etymological Dictionary of the Gaelic Language
, 1925 (orin), Mercat Press, Edinburgh, 1979
ISBN 978-1-873644-11-9
hag Acair Ltd., Stornoway, 1997
ISBN 978-0-86152-171-5
(en)
- ↑
REIG Daniel,
Dictionnaire arabe-francais, francais-arabe
, Larousse, Paris, 2008
ISBN 978-2-03-584217-6
(ar)
(fr)
- ↑
Chine Nouvelle
(fr)
(zh)
- ↑
Kantango
(ja)
(en)
- ↑
Dictionnaire japonais
(ja)
(fr)
- ↑
Lexilogos
(ko)
(fr)
- ↑
RESCHER Nicholas,
Reductio ad Absurdum
, 2005,
Internet Encyclopedia of Philosophy
(en)
- ↑
WILLIAMS Howard L.,
Hegel, Heraclitus and Marx's Dialectic
, Prentice-Hall, 1989
ISBN 978-0-7450-0527-0
(en)
- ↑
KANT Immanuel,
Kritik der reinen Vernunft
(
1781
), Anaconda Verlag, 2009
ISBN 978-3-86647-408-6
(de)
?
Projekt Gutenberg-DE
(de)
- ?
Critique of Pure Reason
, Dover Publications Inc., 2004
ISBN 978-0-486-43254-0
(en)
- ?
Critique de la raison pure
, Gallimard, 1990
ISBN 978-2-07-032575-7
(fr)
- ↑
Gwelit pennad 4 levrenn Γ (pe IV) ARISTOTELES,
Metaphysique
, Flammarion, 2008
ISBN 978-2-08-070563-1
(fr)
- ↑
Les Sceptiques du Quebec
(fr)
OK
01/02/2013
- ↑
Unan eus sturiennou ar
gwir
en
Impalaeriezh roman
e oa
affirmat, probat
("Neb a ro da wir, ra brouo").
- ↑
Vies et doctrines des philosophes illustres
, Livre de Poche, 1999
ISBN 978-2-253-13241-7
(fr)
- ↑
Div werzhenn latin o deskrive :
Gramm
loquitur,
Dia
verba docet,
Rhet
verba colorat,
|
Komz a ra ar yezhadur, kelenn a ra an daelerezh, livan ar geriou a ra an dareulerezh,
|
Mus
canit,
Ar
numerat,
Geo
ponderat,
Ast
colit astra.
|
Kanan a ra ar sonerezh, kontan a ra an niveroniezh, pouezan a ra ar ventoniezh, war-dro ar sterennou e ra ar steredoniezh.
|
- ↑
RICHE Pierre,
Gerbert d'Aurillac, le pape de l'an mil
, Fayard, 1987
ISBN 978-2-213-01958-1
(fr)
- ↑
La somme theologique de saint Thomas
, troet gant an abad Drioux, Elibron Classics, 2001
ISBN 978-0-543-81307-7
(levrenn 1)
(fr)
- ↑
HEGEL, Georg Wilhelm Friedrich,
Enzyklopadie der philosophischen Wissenschaften im Grundrisse
(1830), Meiner, 1991
ISBN 978-3-7873-1032-6
(de)
- Encyclopedie des sciences philosophiques en abrege
, Librairie Philosophique Vrin, 2012
ISBN 978-2-7116-2375-4
(fr)
- ↑
HEGEL, Georg Wilhelm Friedrich,
Wissenschaft der Logik I. Die Lehre vom Sein (1832)
, Meiner, 2008
ISBN 978-3-7873-1663-2
(de)
- Science de la logique ? La doctrine de l'etre
, Editions Kime, 2007
ISBN 978-2-84174-434-3
(fr)
- ↑
Gourfennskrid
Das Kapital
(en)
OK
04/02/2013
- ↑
MARX Karl,
Das Kapital: Ungekurzte Ausgabe nach der zweiten Auflage von 1872. Mit einem Geleitwort von Karl Korsch aus dem Jahre 1932
, Anaconda Verlag, Koln, 2009
ISBN 978-3-86647-325-6
(de)
- Capital
, Oxford University Press, 2008
ISBN 978-0-19-953570-5
(en)
- Le capital
, Gallimard, Paris, 2008
ISBN 978-2-07-035574-7
(fr)
- ↑
ENGELS Friedrich,
Herrn Eugen Duhrings Umwalzung der Wissenschaft ("Anti-Duhring")
, Dietz, 1989,
ISBN 978-3-320-00294-7
(de)
- Marxists.org
? Ar skrid e galleg
(fr)
OK
07/02/2013
- ↑
SARTRE Jean-Paul,
Critique de la raison dialectique, precede de Questions de methode
, Gallimard, 1985,
ISBN 978-2-07-070493-4
(levrenn 1),
ISBN 978-2-07-070525-2
(levrenn 2)
(fr)
- ↑
BROHM Jean-Marie,
Les principes de la dialectique
, Editions de la Passion, 2003
ISBN 978-2-906229-57-0
(fr)
- ↑
SANCHEZ-PALENCIA Evariste,
Promenade dialectique dans les sciences
, Hermann, 2012
ISBN 978-2-7056-8272-9
(fr)
- ↑
CHAPOUTHIER Georges,
Information, structure et dialectique chez les etres vivants
, kelaouenn
La Pensee
, niverenn 200, Eost 1978,
Gallica
(fr)
- ↑
TOULMIN Stephen E.,
The Uses of Argument
, Cambridge University Press, 2003
ISBN 978-0-521-53483-3
(en)
- ↑
RESCHER Nicholas,
Dialectics ? A Controversy-Oriented Approach to the Theory of Knowledge
, State University of New York Press, 1977
ISBN 978-0-87395-372-6
(en)
- ↑
PRAKKEN Henry, VREESWIJK Gerard,
Logics for Defeasible Argumentation
, 1998
(en)
OK
10/02/2013
- ↑
CHESNEVAR Carlos, McGINIS Jarred, RAHWAN Iyad, REED Chris, MODGIL Sanjay, SIMARI Guillermo, SOUTH Matthew, VREESWIJK Gerard, WILLMOTT Steven,
AIF: Argumentation Interchange Format ? Strawman Model
, 2005
(en)
OK
10/02/2013