Gikan sa Bikol Sentral na Wikipedia, an talingkas na ensiklopedya
Si
Omar Hassan Ahmad Al-Bashir
(namundag
Enero 1
,
1944
) iyo an presenteng Presidente kan Republika nin
Sudan
asin iyo an pamayo kan Partido kan Kongreso Nasyunal. Nagsakat siya sa poder kan 1989 kan siya, sarong brigadier sa Hokbong Sudano, namoon sa sarong grupo nin mga opisyal na naglansar nin matiwasay na kudeta, bagay na nagbungkal kan gobyerno ni Primer Ministro
Sadiq al-Mahdi
.
Si Al-Bashir namundag sa Hosh Bannaga, bandang amnayan kan kabesera nin
Khartoum
. Gikan siya sa Al-Bedairya Al-Dahmashya, sarong grupong magkadugo kan mas dakulang tribung ja'alin, na ini sarong tribung Nubiano namomogtak sa amnayan kan Sudan na dati parte kan Kahadean nin
Ehipto asin Sudan. Sa sinabing namundagan, duman siya nagprimarya dangan nagdakit an pamilya niya sa Khartoum kun saen kinua niya an segundarya. Si al-Bashir nakasal sa saiyang prima na si Fatima Khalid. Igwa man siyang ikaduwang agom si Widad Babiker Omer, na may magkapirang mga aki sa enot man niyang agom na si Ibrahim Shamsaddin , sarong myembro kan Revolutionary Command Council for National Salvation na nagadan kan lumagpak an helikopter na saiyang nasakayan. Si al-Bashir mayo man sadiring aki sa saiyang mga agom.
An Korte Kriminal Internasyonal kan Hulyo 14, 2008, nagpaluwas nin aresto de mandamiento kontra ki Al-Bashir huli ta siya responsable sa mga krimen na magabat siring kan 'genocide', krimen kontra sa humanidad, asin mga krimen sa gera na saiyang nakomiter durante pa kan 2003 sa
Darfur
. An akusador, si Luis Moreno, sinasabi na si Al-Bashir iyo an panganan asin nagpaimplementar kan plano na puhoon an tolong grupong etniko, an
Fur
,
Masalit
asin an
Zaghawa
sa paagi nin murder, paglupig, asin deportasyon. An mandamiento suportado kan NATO, kan Genocide Intervention Network, asin kan Amnesty International, alagad an ibang grupo sa Aprika nagprotesta kan akusasyon na ini saiya asin mismo an mga autoridad sa Sudan mayong ginigibo sa pag'aresto saiya.