Gikan sa Bikol Sentral na Wikipedia, an talingkas na ensiklopedya
An
Kadagatan Atlantiko
iyo an ikaduwang pinakadakula sa mga
pankadagatan
na banga sa
kinaban
. Sa kagabsan na sokol na 106.4 milyon km² (o 41.1 milyon m²) 106,460,000 km
2
(41,100,000 sq mi),
[1]
[2]
sakop kaini an poco mas o minus kalimahan kan ibabaw na parte kan kinaban.
Inookopar kan Kadagatan Atlantiko an palabang korteng-S na kababan pabalagbag sa tahaw kan
Amerika Norte
sagkod
Sur
sa sulnopan asin
Eurasya
sagkod
Aprika
sa subangan.
An Kadagatan Atlantiko napapalibotan kan Amerika Norte asin Sur sa sulnopan. Sa norte hasta norte-subangan, nasusuhay ihi kan Arkepelagong Arktiko kan Canada, Greenland, Iceland, Jan Mayen, Svalbard asin kadagaan na
Europa
sa
Kadagatan Arktiko
. Sinusumpay ini sa Kadagatan Arktiko sa paagi kan Itiot kan Denmark,
Dagat Greenland
, Dagat Norway asin Dagat Barents. Sa subangan, an mga sundoan kan kadagatan iyo an Europa,
Itiot kan Gibraltar
(kun saen sinusumpay ini sa
Dagat Mediterano
, saro sa mga hanggan na dagat kaini, asin, an sunod, an Itom na Dagat), asin
Aprika
. Sa sur-subangan, an Atlantiko minasalak sa
Kadagatan Indio
, an sundoan na pigsasabi sa 20° Subangan na meridyo, minadalagan pa-sur hali sa Kapa kan Agulhas pa-
Antartika
. Mientras na an ibang awtoridad ipinapahiling an an Kadagatan Atlantiko minaabot sa sur sa Antartika, an iban ipinapahiling ini na nahahangganan sa sur kan
Sur na Kadagatan
[3]
. Sa sur-sulnopan, sinusumpay ini kan
Agihan kan Drake
sa
Kadagatan Pacifico
. Sarong gibo nin tawong takod sa tahaw kan Atlantiko asin Pacifico an itinatao kan
Kanal kan Panama
. Apwera kan mga nasambitan, an iba pan mga hawak nin tubig na harani sa Atlantiko iyo an
Dagat Caribo
,
Golpo kan Mexico
,
Hudson Bay
, Dagat Mediterano,
Dagat Norte
,
Dagat Baltic
, asin
Dagat Celtic
.