Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Un puent ^[1] ye una estructura construita ta pasar un obstaclo fisico, un rio , una val , una carretera , una via de tren , etc... tot pasando-ie por dencima. Actualment, son disenyatos y prochectatos por incheniers civils , y muitos puents son autenticas obras d'arte . Sindembargo, mientres l' Imperio Romano qui debantaba os puents que s'amenistaban ta controlar o territorio yeran os soldatos d'as lechions romanas , en considerar-se que yera una obra militar y no pas civil.

Os puents por un regular son feitos de formigon , piedra u acero , encara que tamien bi'n ha atros feitos con atros metals , fusta , cuerdas , canyas de bambu , u atros materials mas mudernos.

En Europa se puet trobar un punto de ruptura en a evolucion historica d'os puents en a dita Revolucion industrial , en estar dica ixe inte construitos os puents seguntes alto u baixo a mesma tecnica que s'emplegaba en l' Antiga Roma y emplegando-ie como material prencipal a piedra . Sindembargo, dende a Revolucion industrial d'o sieglo XIX l'important desembolique d'as comunicacions y d'o transporte de personas u de mercaderias por carreteras u autopistas , a mas d'o invento d'o ferrocarril y d'o transporte por ferrocarril facio que s'emplegasen nuevos materials ta la construccion de puents, como o formigon u l' acero , desembolicando-se nuevas tecnicas constructivas.

Etimolochia [ editar | modificar o codigo ]

Ye un eixemplo clasico de palabra patrimonial. Provien d'o latin pons , pontis ^[2] a travies d'a radiz de l'acusativo ponte-m , con diftongacion d'a O curta latina seguindo as leis foneticas aragonesas . En aragones medieval puent podeba estar de chenero masculin u femenin.

Toponimia [ editar | modificar o codigo ]

Un feito indicativo d'a grandisma importancia que d'antis mas teneban os puents ta trecruzar obstaclos mos la puet dar a cantidat de toponimos relacionatos con os puents que por eixemplo existen en Aragon :

• Castillon d'o Puent ( Semontano de Balbastro ).
• Puent d'a Reina de Chaca ( Chacetania ).
• Puent de Luna ( Cinco Villas ).
• Puent de Montanyana ( Ribagorza ).

Referencias [ editar | modificar o codigo ]