Marilyn Monroe

Modificar os enlaces
De Biquipedia
Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.
Articlo d'os 1000
Marilyn Monroe
Informacion personal
Calendata naiximiento: 1 de chunio de 1926
Puesto naiximiento: Los Angeles ( California , Estaus Unius )
Calendata muerte: 5 d'agosto de 1962
Puesto muerte: Los Angeles ( California , Estaus Unius )
Conchuche : James Dougherty ( 1942 - 1946 )
Joe DiMaggio ( 1954 - 1954
Arthur Miller ( 1956 - 1961 )
Sitio web: www.MarilynMonroe.com
Globos d'Oro
Globo d'Oro a la Millor Actriz de Musical u Comedia :
- 1960 : por Some Like It Hot

Marilyn Monroe ( nombre artistico de Norma Jeane Mortenson , baptizata como Norma Jeane Baker ), naixita de Los Angeles ( California ) l' 1 de chunio de 1926 y muerta en Los Angeles ( California ) o 5 d'agosto de 1962 , estio una actriz , modelo , cantaire y productora cinematografica estausunidense , activa en o cine estausunidense dende meyatos d'os anyos 1940 dica la suya muerte y con cuantos premios recebitos mientres a suya carrera cinematografica.

Marilyn, qui morio con 36 anyadas d'edat en a cumbre d'a suya fama, se convertio en un mito erotico , estando una d'as mas conoixitas sex symbol d'a segunda metat d'o sieglo XX . A suya carrera cinematografica (luego de treballar como modelo fotografica) prencipio en zaguerias d'os anyos 1940 con a cinta Dangerous Years , dirichita por Arthur Pierson , pero no estio dica 1950 , con as cintas The Asphalt Jungle (dirichita por John Huston ) y All About Eve (dirichita por Joseph L. Mankiewicz ) que a suya carrera se desembolico con os suyos primers papels prencipals. Dende meyatos d'os anyos 1950 se convertio en una d'as actrices mas populars de Hollywood.

Marilyn Monroe, considerata una muller muit atractiva, caso en 1954 con o chugador de beisbol Joe DiMaggio , de qui se esvurcio ixa mesma anyada ta tornar a casar-se con o escritor Arthur Miller en 1956 . Morio o 5 d'agosto de 1962 en a ciudat californiana de Los Angeles , por una sobredosi de barbituricos , encara que mai s'ha esclareixito si morio por suicidio u morio por asasinato como afirman bellas teorias, por a suya relacion con os chirmans John (de qui pareix que estio amant) y Robert Kennedy .

A suya vida [ editar | modificar o codigo ]

As suyas primeras anyadas [ editar | modificar o codigo ]

Marilyn yera naixita de Los Angeles ( California ) l' 1 de chunio de 1926 , filla de Gladys Pearl Baker. A suya mai yera esvurciata d'Edward Mortenson, qui podeba estar o pai de Marilyn (fue inscrita en o Rechistro Civil de Los Angeles con l'apellito Mortenson), encara que a suya mai, qui tenio bellas relacions ocasionals en ixe inte con atros hombres, la baptizo como Norma Jeane Baker, en considerar que su pai yera desconoixito. Por os suyos problemas economicos (y tamien sentimentals) a suya mai dixo a la nina Norma con os suyos guelos, Albert y Ida Bolender, que viviban en a localidat californiana de Hawthorne , dica que podio tener una vivienda propia.

Sindembargo, a inestabilidat d'a suya mai, con frecuents crisis niervosas, facio que Grace McKee, una amiga d'a mai, recibiese a custodia de Norma, y estio Grace qui intreso a la nina en o mundo d'o Cine . A choven Norma prencipio una luenga carrera de pais adoptivos (mesmo pareix que sufrio abusos sexuals en a suya infancia a mans de beluns d'os suyos padrastros), dica que torno a vivir con a suya mai.

Matrimonio y primers pasos en o Cine [ editar | modificar o codigo ]

Norma Jeane Baker en 1945 , cuan encara no yera actriz, en imachens de propaganda belica de l' Exercito estausunidense .

Ye facil que por ixa vida complicata que heba tenito, Norma Jeane Baker caso o 19 de chunio de 1942 , cuan nomas teneba que 16 anyadas, con James ≪Jim≫ Dougherty, un vecin 5 anyadas mes gran que Norma. En 1943 o suyo esposo s'encorporo a la Marina mercant y en 1944 a la United States Army Air Forces fendo parte d'a tripulacion d'un avion bombardero B-17 Flying Fortress en misions de bombardeyo aerio sobre o territorio d'o Tercer Reich mientres a Segunda Guerra Mundial . En ixe inte, Norma treballaba en una fabrica adedicata a l'esfuerzo belico estausunidense.

En 1944 , o fotografo David Conover feba una serie de fotografias ta propaganda de l' Exercito estausunidense , que miraba d'amostrar a os soldatos en o frent a vida d'as suyas mullers adedicatas a o treballo en a retraguarda, amas d'estimular a incorporacion d'a muller a ixe esfuerzo belico. Facio asinas as primeras fotografias de Norma, qui se convertio a escape en una chicota muit conoixita por as suyas fotografias ta revistas de pin-up . Os soldatos d'o frent li deciban Mmmmm girl ("la chicota mmmmm"). Ta estar mas favoreixita en a suya imachen, Norma aclaro a color d'o suyo pelo, y albandono de raso o suyo treballo t'adedicar-se a la suya incipient carrera de modelo , y en aviento de 1945 rodo un spot publicitario de banyadors . O 2 d'octubre de 1946 , Norma s'esvurcio d'o suyo primer esposo.

Norma Jean atrayo l'atencion d'un directivo d'a productora cinematografica 20th Century Fox , Ben Lyon, qui facio que li fesen una prebatina. O 26 de chulio de 1946 , Norma Jean signo un contracto con a productora d'una durada de 6 meses, por un salario de 125 dolars por semana. Ye en ixe inte cuan, d'alcuerdo con a productora, decidio de cambear o suyo nombre artistico enta Marilyn Monroe . O nombre de Marilyn li heba inspirato l'actriz Marilyn Miller , y l'apellito Monroe lo pillo d'a familia d'a suya mai. Actuo en as cintas Dangerous Years ( 1947 , Arthur Pierson , a suya primera cinta oficialment) y Scudda Hoo! Scudda Hay! ( 1948 , F. Hugh Herbert ), encara que con escenas muit breus, cuasi se puet decir cameos .

En 1948 torno a sinyar un contracto con una atra productora cinematografica, a Columbia Pictures , tamien por una durada de 6 meses, actuando en a cinta musical de baixo presupuesto Ladies of the Chorus ( 1948 , Phil Karlson ). A cinta estio un fracaso de raso, con a cual cosa no li renovoron o suyo contracto. Actuo en Love Happy ( 1950 , David Miller ) con os chirmans Marx , y a suya actuacion lis cuaco a os productors d'a cinta, que la ninvioron a promocionar-a a la ciudat de Nueva York . Atrayo l'atencion de Johnny Hyde, un achent d'a William Morris Agency , qui accepto de representar-la y amas se convertio en o suyo amant, obtenendo-li un chicot papel en a cinta The Asphalt Jungle ( 1950 , John Huston ), encara que a critica considero que heba feito una interpretacion de calidat. Sindembargo, Marilyn Monroe no teneba diners, asinas que accepto posar ta fotografias eroticas con o fotografo Tom Kelly, encara que con o nombre artistico de Mana Monroe . Istas fotografias de calandario tornoron a amanixer dimpues, cuan Marilyn Monroe ya s'heba convertito en un personache celebre.

Joseph L. Mankiewicz paro cuenta de Marilyn y li ufrio un papel en suya cinta All about Eve ( 1950 ) a on treballo con l'actriz Bette Davis . En haber tenito exito en as suyas zagueras cintas, Marilyn Monroe negocio un contracto de siet anyadas con a 20th Century Fox en aviento de 1950. En 1951 s'inscribio en a Universidat de California en Los Angeles ta estudiar arte y literatura , y tamien actuo en chicotas cintas, encara que con conoixitos actors como Mickey Rooney , Constance Bennett , June Allyson , Dick Powell u Claudette Colbert . Encara que nunca no la nominoron a os Premios Oscar , estio ella qui entrego l' Oscar a o Millor Sonito a Thomas T. Moulton por a cinta All about Eve .

Consagracion [ editar | modificar o codigo ]

En 1952 , Marilyn tenio un romance con Joe DiMaggio , una estrela d'o beisbol que albandonaba os campos esportivos en ixas envueltas. En os meses siguients, rodo cuatre cintas ta RKO Pictures : en primeras, Clash by Night , con Barbara Stanwyck , Paul Douglas y Robert Ryan , estando dirichita por Fritz Lang , en un papel important encara que no protagonista y en una cinta que estio un exito de publico y critica; We're Not Married! , una comedia dirichita por Edmund Goulding a on treballo con Ginger Rogers , Fred Allen y Victor Moore ; Don't Bother to Knock , un drama de Roy Ward Baker a on facio o suyo primer papel protagonista, con Richard Widmark , Anne Bancroft y Donna Corcoran , estando ista una cinta sin muito exito; y Monkey Business , una comedia dirichita por Howard Hawks a on treballo con Ginger Rogers y Cary Grant y que, encara que as criticas no estioron prou favorables, tenio prou exito entre o publico.

O productor Darryl F. Zanuck creyo que Marilyn teneba prou potencial comercial y la contrato ta rodar Niagara , una cinta en a cual interpreto o personache de muller fatal que quereba asasinar a o suyo esposo, papel interpretato por l'actor Joseph Cotten . A critica aprecio ista cinta, considerando a suya interpretacion como "ubiertament sexual". Sindembargo, o productor Zanuck no consideraba que fuese una buena actriz, compartido ixas creyencias l'actriz Joan Crawford .

Marilyn Monroe en una escena d'a cinta Gentlemen Prefer Blondes ( 1953 ), con Tommy Noonan .

En 1953 , mientres o rodache d'a cinta Gentlemen Prefer Blondes , dirchita por Howard Hawks y a on compartiba a escena con l'actriz Jane Russell , Marilyn se convertio en amiga de Jane Russell. Tamien en ixa mesma anyada rodo a cinta How to Marry a Millionaire , una comedia romantica dirichita por Jean Negulesco seguntes un guion de Nunnally Johnson y a on compartio o rodache con as actrices Lauren Bacall y Betty Grable , estando una cinta con un argumento sencillo basato en a vida de tres modelos que miraban de casar-se con un millonario. Istas dos cintas contribuyoron a enamplar a suya creixent popularidat entre o publico estausunidense. Sindembargo, Marilyn expreso mientres una entrevista en o diario New York Times a suya pretension de fer un papel dramatico, pretension que facio saber tamien a Darryl F. Zanuck, qui se nego mesmo a fer-ne as prebas pertinents t'a cinta The Egyptian que dirichio Michael Curtiz en 1954 y a on o papel que Marilyn miraba de fer lo interpreto Jean Simmons . Ta compensar, li ufrioron o papel protagonista en a cinta River of No Return , un western dirichito en 1954 por Otto Preminger seguntes un guion de Frank Fenton , compartindo escena con Robert Mitchum . Marilyn afirmo dimpues que mereixeba bella cosa millor que un papel en una cinta de western de serie Z , y mientres o rodache tenio muitos problemas con o director Otto Preminger, con qui remato por no parlar-ne. Cuan li ufrioron un papel en una cinta compartindo parella escenica con Frank Sinatra , se nego y a productora 20th Century Fox li suspenio o suyo contrato.

Marilyn Monroe en una escena d'a cinta Gentlemen Prefer Blondes ( 1953 ), con Jane Russell .

O 14 de chinero de 1954 , Marilyn caso con Joe DiMaggio , una estrela d'o beisbol estausunidense, y en una entrevista en a prensa afirmo que dende ixe inte, a suya principal ambicion yera la d'adedicar-se a o suyo matrimonio. En febrero, facio una chira por Corea d'o Sud ta cantar-ie debant d'as tropas de l' Exercito estausunidense que se i trobaban destinatas. En marzo de 1954, cuan torno a Hollywood, arreglo as suyas diferencias con a 20th Century Fox y rodo a cinta musical There's No Business Like Show Business , dirichita por Walter Lang , con un guion de Phoebe Ephron y Henry Ephron , con partecipacion d' Ethel Merman , Dan Dailey , Donald O'Connor , Johnnie Ray y Mitzi Gaynor , encara que a cinta estio un fracaso, amas de tener criticas muit negativas. Marilyn desvelo que no heba acceptato ixe papel mas que con a condicion de rodar a continacion The Seven Year Itch , dirichita por Billy Wilder con partecipacion de Tom Ewell en o papel protagonista masculin. O rodache d'as escenas d'a cinta prencipio en setiembre de ixa mesma anyada, en a ciudat de Nueva York . Rodo asinas una d'as suyas escenas mas conoixitas, cuan o viento que provien d'una rella d'aireyacion d'o metro d'a ciudat levanta as suyas faldas , anque o director facio muitas tomas d'ixa escena , una cosa que remato por molestar a Joe DiMaggio, precipitando o suyo esvurcio en noviembre, dimpues d'un matrimonio que no heba existito mas que ueito meses.

Marilyn Monroe en una escena d'a cinta How to Marry a Millionaire ( 1953 ), con Lauren Bacall , William Powell y Betty Grable .

En 1955 , a travies de Truman Capote , contacto con l'actriz britanica Constance Collier , de qui recibio clases de comedia, pero que morio o 21 de mayo de 1955 . Marilyn demando a la suya productora de treballar con Alfred Hitchcock , con qui heba treballato Collier, pero a Hitchcock no li cuacaban as actrices con un apariencia tan sexual como teneba Marilyn Monroe y preferiba treballar con actrices royas mas frias, como Grace Kelly u Tippi Hedren . Cuan rodaba There's No Business Like Show Business en 1954, Marilyn heba conoixito a Paula Strasberg y a la suya filla Susan Strasberg , y asinas lis demando d'estudiar en l' Actors Studio con Lee Strasberg , o marito de Paula y pai de Susan, que en yera uno d'os establidors. Cuan conoixio a Lee Strasberg, iste l'accepto como alumna.

Tamien en mayo de 1955, Marilyn Monroe inicio a suya relacion con o dramaturgo Arthur Miller , a qui heba conoixito feba cinco anyadas. Antiparte, l' 1 de mayo Joe DiMaggio l'acompanyo a la presentacion d'a cinta The Seven Year Itch , organizando tamien una fiesta en a suya honor. A fiesta remato con una baralla publica entre toz dos, estando muito tiempo sin mesmo charrar-se. Marilyn contino en ixas envueltas as suyas clases en l' Actors Studio , fendo-ie amistad con os actors Kevin McCarthy y Eli Wallach . Tamien facio bellas actuacions en a escena teatral, como en Anna Christie , una obra d' Eugene O'Neill a on treballo con Maureen Stapleton . Asinas, a Lee Strasberg li cuacaba muito a suya alumna favorita, decindo que encara que heba treballato con cuantos actors, dos en destacaban: Marlon Brando y Marilyn Monroe.

Paralelament, a suya cinta The Seven Year Itch estio un exito de publico y de recaudacion, y a critica alababa as suyas capacidaz interpretativas, asinas que Marilyn negocio con a productora 20th Century Fox un nuevo contrato, que no nomas li ufria unos beneficios mnoetarios millors sino que, amas, li permeteba de controlar os guions d'as suyas cintas, y tamien os directors de fotografia y os escenografos y, ta rematar, li permeteba dtreballar ta atros estudios cinematograficos.

A primera cinta en a cual se treballo seguntes istas nuevas condicions estio Bus Stop , dirichita por Joshua Logan en 1956 , a on l'actriz compartio escena con Don Murray , Arthur O'Connell y Betty Field , y a on o director estio d'alcuerdo con as trazas de treballar de l'actriz, qui decidio tamien contractar a Paula Strasberg ta que se convertise en a suya consellera personal en as suya futuras cintas. Sindembargo, Paula Strasberg provoco situacions de tension con cualques directors en l'exercicio d'as suyas funcions, en estar Paula a qui Marilyn demadaba en rematar de filmar cada escena si a suya interpretacion li heba cuacato, obligando a la repeticion d'a filmacion de cuantas escenas con o consiguient augmento de gastos y perduga de tiempo en as filmacions.

En ixas envueltas, Marilyn ha heba consolidato a suya relacion con o escritor Arthur Miller , y a prensa prencipio a charrar d'una relacion que ya teneba una durada de mas d'una anyada, con a cual cosa rematoron por casar-se o 2 de chunio de 1956 .

A suya siguient cinta estio The Prince and the Showgirl , a on Marilyn treballo ta Laurence Olivier , que yera director y a la vegata tamien l'actor masculin principal d'a cinta, y qui se sentiba molesto por os caprichos de l'actriz en a escena. Ista cinta no tenio exito de publico en Estaus Unius, encara que remonto en Europa (a on la nominoron ta un Premio David di Donatello y ta un Premio BAFTA ).

En 1958 l'actriz no estio present en os escenarios , centrando-se en o suyo matrimonio con Arhur Miller, plegando a tener un alborto natural l' 1 d'agosto de 1957 . debant de tot ixo, o suyo marito li decio de tornar a o cine, a on treballo en Some Like It Hot dirichita por Billy Wilder , chunto con os actors Tony Curtis y Jack Lemmon (amas de George Raft , Joe E. Brown y Pat O'Brien ). Mientres o rodache d'a cinta Marilyn tenio problemas por a suya manca d'atencion, por oblidar-sen de escenas, etc. Con tot ixo remato a suya amistat con Tony Curtis, qui deciba que besar-la yera alto u baixo como besar a Hitler . Estando prenyata mientres o rodache, tenio un atro alborto en aviento de 1958, cuan ya heba rematato a filmacion d'a cinta.

Con a suya cinta Some Like It Hot ( 1959 , Billy Wilder , con Tony Curtis , Jack Lemmon , George Raft , Joe E. Brown y Pat O'Brien ) tenio un important exito, estando a cinta nominata a cinco Premios Oscar . Amas, Mrilyn fue nominata a o Globo d'Oro a la Millor Actriz de Musical u Comedia por a suya actuacion. Encara que l'actriz deciba dimpues que a cint no li heba cuacato, o director Billy Wilder afirmaba que heba estato o suyo exito mas gran.

Anyos 1960 [ editar | modificar o codigo ]

Asinas, en prencipiar os anyos 1960 , l'actriz se trobaba en o punto culminant d'a suya carrera cinematografica, y heba convertito en una actriz consagrata de raso, con a-saber-los exitos destacatos, prou conoixita internacionalment y con cuantos premios destacatos u nominacions. Asinas, en 1960 accepto rodar cinta Let's Make Love , dirichita por George Cukor , a on treballo con actors como Yves Montand , Tony Randall , Frankie Vaughan , Wilfrid Hyde-White u David Burns , encara que, en no cuacar-li o guion (de Norman Krasna y Hal Kanter ) facio que Arthur Miller lo reescribise. Por ixo renuncio Gregory Peck , qui en primerias yera previsto que tenese o papel masculin protagonista en a cinta, amas de renunciar succesivament os actors Cary Grant , Charlton Heston , Yul Brynner y Rock Hudson antis de que l'acceptase Yves Montand . Mientres o rodache, bi habio problemas, en sentir atraccion o director (que yera ubiertament homosexual) por Yves Montand, con qui en ixe inte Marilyn prencipio una relacion sentimental, que remato cuan Yves se nego a albandonar a la suya muller, Simone Signoret . Por tot ixo, a cinta estio un fracaso de raso, mesmo de critica que de publico.

En ixas envueltas estio cuan se facioron patents os suyos problemas de salut, y Marilyn prencipio as suyas consultas con un psiquiatra de Los Angeles , o doctor Ralph Greenson , a qui veyeba cuasi cada dia, y que exerceba una influencia determinant en o suyo pacient. Dimpues Greenson declaro que o suyo obchectivo en ixe inte yera de reducir a dependencia de Marilyn respective d'as drogas , en tener l'actriz una clara drogadiccion .

L'actriz Marilyn Monroe, en una escena d'a cinta The Misfits .

A suya siguient cinta estio The Misfits , con un guion d' Arthur Miller y dirichita por John Huston , treballando con os actors Clark Gable , Montgomery Clift , Thelma Ritter , Eli Wallach , Kevin McCarthy y James Barton . O rodache prencipio en chulio de 1960 , y estio prou dificil por os problemas de salut de l'actriz, que muitos dias no podeba treballar por a suya malautia , plegando mesmo a estar ingresata en un hespital diez dias. En no tener l'aduya d'o doctor Greenson, Marilyn tomaba a-saber-los somniferos y tamien alcohol . O 16 de noviembre de 1960 morio Clark Gable en Los Angeles por una crisi cardiaca , y os periodistas acusoron d'a suya muerte a Marilyn por os suyos abundants retrasos en a escena ta os rodaches. A cinta estio un fracaso comercial, encara que bellas criticas charraron favorablement d'as interpretacions de Clark Gable y de Marilyn Monroe.

Mientres os meses siguients s'accentuo a dependencia de Marilyn d'as medicinas y de l'alcohol, esvurciando-se d'Arthur Miller en chinero de 1961. En ixas condicions, ingreso voluntariament en una clinica psiquiatrica, trobando-se en salir a-saber-los periodistas y rematando por fuyir ta refuchiar-se en California , no estando capable de rodar garra cinta en ixas condicions.

L'anyo 1962 [ editar | modificar o codigo ]

Marilyn, seguntes o contracto que heba sinyato con a productora 20th Century Fox en 1956 , encara teneba que rodar una cinta t'a productora, que encargo a o guionista Arnold Schulman un remake d'a cinta de 1940 My Favorite Wife que heban interpretato Irene Dunne y Cary Grant . Yera a historia d'una muller desapareixita qui, en tornar a la suya casa, trobaba a o suyo marito casato con unatra muller, y a productora contracto a Frank Tashlin ta dirichir-la. En primeras, Marilyn, qui miraba de tornar a la escena con una cinta important, refuso de rodar a cinta, que consideraba que yera "insipida", pero accepto de tornar a revisar a suya opinion si se feban cambeos en o guion. Asinas, a productora contracto a Nunnally Johnson ta que fese una nueva version d'o guion, y cambeo tamien de director, ista vegata enta George Cukor , qui tamien teneba que rodar una cinta t'a productora seguntes o suyo contracto. En primeras George Cukor refuso, en remerar as caracteristicas d'o rodache que heba feito d'antis mas con Marilyn, pero remato por acceptar dimpues d'as presions d'a productora. Asinas, director y actriz sinyoron ta fer una cinta, Something's Got to Give , que encara no teneba rematato o suyo guion. Cuan Nunnally Johnson remto o nuevo guion, Marilyn l'aprobo, encara que Cukor encargo a o suyo amigo Walter Bernstein de reescribir os dialogos d'a cinta. Tamien se contracto a los actors Dean Martin y Cyd Charisse . O 23 d'abril , cuan heba de prencipiar o rodache, Marilyn yera malauta, y o director prencipio o rodache por as escenas a on l'actriz no heba d'aparecer. O medico d'a productora recomendo dixar un mes de reposo a l'actriz, pero a productora se nego y o 30 d'abril l'actriz rodo o suyos primers planos d'a cinta.

Encara que a productora li heba prohibito d'albandonar o rodache, Marilyn s'escapo mientres una pausa, ta asistir en Nuva York a la fiesta de cumpleanyos de John Fitzgerald Kennedy . mientres a cual canto o famoso Happy Birthday, Mister President . Jacqueline Kennedy , qui se negaba a que Marilyn asistise, marcho enta Virchinia con os suyos fillos. Cuan Marilyn torno a o rodache, as escenas que heba rodato cuacaban a la productora, pero a escape prencipio a tener problemas, en no estar capable d'aprender-se os papels, tenendo por ixo descusions con George Cukor. O 7 de chunio , a productora anuncio que rescindiba o contracto de l'actriz, que li reclamaria 500.000 dolars por incumplimiento de contracto y que Kim Novak continaria con o rodache d'a cinta. Sindembargo, Novak y Shirley MacLaine refusoron, acceptando-lo en zaguerias Lee Remick .

Dean Martin refuso de continar con a cinta en absencia de Marilyn, y a productora anuncio que tamien lo demandaba por a cantidat de 500.000 dolars, pero rematoron por suspender o rodache. Alavez, Cyd Charisse demando a Dean Martin por 14.000 dolars por danyos, y a productora augmento a suya demanda enta Marilyn dica 750.000 dolars, y enta Dean Martin por 3.339.000 dolars. Antiparte, Dean Martin demando a la productora por 6.885.000 dolars, fendo iste escandalo as delicias d'a prensa. Dimpues d'una anyada, s'albandonoron todas as reclamacions.

En ixas condicions, a productora anuncio que tornaria a rodar a cinta y Marilyn, en una campanya de relacions publicas, prencipio una serie d'entrevistas en prensa y anuncio nuevos prochectos de cintas, y mesmo que tornaria a casar-se con Joe DiMaggio o 8 d'agosto de 1962 . En zaguerias, a 20th Century Fox li renovo o suyo contracto, y s'anuncio que se tornaria a rodar a cinta inacabata, encara que con un nuevo guion y con un nuevo director, Jean Negulesco .

A tumba de Marilyn Monroe.

Asinas, en ixas condicions de tension, Marilyn accentuo l'emplego de somniferos, y cuantos testimonios d'ixos primers dias d'agosto afirman que se trobaba baixo a influencia d'ixas drogas. Morio en a nueit d'o 4 a o 5 d'agosto por una sobredosi de medicamentos, plegando a afirmar-se que se tractaba d'un suicidio . Fue apedacata o 8 d'agosto en o Westwood Memorial Cemetery de Los Angeles .

Premios [ editar | modificar o codigo ]

Marilyn Monroe recibio o Globo d'Oro a la Millor Actriz de Musical u Comedia en 1960 por o suyo papel en a cinta Some Like It Hot , de Billy Wilder .

Filmografia [ editar | modificar o codigo ]

Marilyn Monroe en a cinta Gentlemen Prefer Blondes ( 1953 ).

Bibliografia [ editar | modificar o codigo ]

  • Churchwell, Sarah. The Many Lives of Marilyn Monroe . Metropolitan Books, 2004. ISBN 0-8050-7818-5 .
  • Clayton, Marie. Marilyn Monroe: Unseen Archives . Barnes & Noble Inc., 2004. ISBN 0-7607-4673-7 .
  • Evans, Mike 2004. Marilyn: The Ultimate Book . MQ Publications, 2004. ASIN B000FL52LG.
  • Gilmore, John. Inside Marilyn Monroe, A Memoir . Ferine Books, Los Angeles, 2007. ISBN 0-97889680-7 .
  • Goode, James. The Making of "The Misfits" . Limelight Editions, Nueva York, 1986. ISBN 0-87910-065-6 .
  • Guiles, Fred Lawrence. Norma Jean: The Life of Marilyn Monroe . Paragon House Publishers,1993. ISBN 1-55778-583-X .
  • Jewell, Richard B.; Harbin, Vernon. The RKO Story . Octopus Books, Londres, 1982. ISBN 0-706-41285-0 .
  • Monroe, Marilyn; Hecht, Ben. My Story. Cooper Square Press, 2000. ISBN 0-8154-1102-2 .
  • Riese, Randall; Hitchen, Neal. The Unabridged Marilyn. Corgi Books, Londres, 1988. ISBN 0-552-99308-5 .
  • Spoto, Donald. Marilyn Monroe: The Biography . Cooper Square Press, 2001. ISBN 0-8154-1183-9 .
  • Staggs, Sam. All About "All About Eve" . St. Martin's Griffin, Nueva York, 2000. ISBN 0-312-27315-0 .
  • Summers, Anthony. Goddess, The Secret Lives of Marilyn Monroe . Guild Publishing, Londres, 1985. ISBN 0-575-03641-9 .
  • Michael Conway y Mark Ricci. Todas las peliculas de Marilyn Monroe . RBA Editores, Barcelona, 1994. ISBN 84-473-0475-2
  • Michel Schneider: Ultimas sesiones con Marilyn . Editorial: ALFAGUARA, Madrid, 2008. ISBN 84-204-7219-0

Vinclos externos [ editar | modificar o codigo ]


Predecesor:
Rosalind Russell 		Globo d'Oro a la Millor Actriz de Musical u Comedia
1960 		Succesor:
Shirley MacLaine


Obteniu de " https://an.wikipedia.org/w/index.php?title=Marilyn_Monroe&oldid=2100336 "