Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Este articlo ye sobre a rechion historica dita Livonia . Pa atros sentitos d'a parola Livonia veiga Livonia (desambigacion) .

Livonia u Livland ye una rechion historica d'a costa oriental d'a Mar Baltica a lo norte de Lituania . Livonia yera habitata por diferents pueblos baltos y finicos ( zemgalianos , kuros , estonios , livonios , ecetra), pero os alemans li daron nombre d'estos zaguers. O concepto de "Livonia" ha variato dependendo d'os tiempos; si ha correspondito a la cuasi totalidat d'os Paises Balticos , agora mantien esta denominacion unicament una peninsula de l'actual Letonia . A rechion de Livonia se la han disputata muitas potencias locals, ( Polonia , Suecia , Rusia , ecetra), y ha conoixito muitos cambios de mugas y d'administracion, pero a ran local dica l'anyo 1919 a rechion ha estato en a subcheccion de nobles d'a tierra etnicament alemans , os " varons balticos ".

Toponimia [ editar | modificar o codigo ]

A forma orichinal d'o toponimo provien de l' aleman Livland u "Tierra d'os livonios" y se remonta a tiempos d'a Orden d'os Portaespatas alemans, que prenioron o control d'a rechion y que s'integroron a los Caballers Teutons .

Ye Liivimaa en estonio , Liivinmaa en fines , Livland en escandinavo , (como en aleman ), Livonija en leton y lituano , Inflanty y Liwlandia en polaco , y Лифляндия / Liflyandiya en ruso .

Dende l' idioma aleman u o norren Livland , "tierra d'os livonios" s'explica a forma Niflan que trobamos en o " Libro d'as Marabillas d'o Mundo " de Chuan de Mandevilla :

• Livland > * Liflan > Niflan

Se tien conoixencia que en angles arcaico se deciba Livland ^[1] como en atras luengas chermanicas . D'esta traza no ye mica estranio de trobar a variant Niflan en este libro tradueito a un aragones afrancesato porque o luengache orichinal d'o "Libro d'as Marabillas d'o Mundo" yera l' anglo-normando y Chuan de Mandevilla podio estar d'orichen angles , normando , flamenco u valon .

Referencias [ editar | modificar o codigo ]