Johan Ferrandez d'Heredia
(
Munebrega
,
Zaragoza
,
1310
- †
Avinyon
,
1396
) estio un relichioso
aragones
d'o
sieglo XIV
, miembro d'a
Orden Militar d'o Hespital de Sant Chuan de Cherusalem
, y dentro d'ella estio
Castellan
d'
Amposta
dende 1346, y
Gran Mayestre
u
Mayestre de Rodas
-cargo mas gran- dende
1377
. Estio o promotor de numerosas traduccions y complilacions d'
obras historicas en aragones
, y consellero d'os reis d'
Aragon
.
No se sabe guaire d'a nineza, pero en
1328
ya yera caballero d'a
orden d'o Hespital
. A escape puyo en a Orden, como
comandador
de
Villel
,
Aliaga
y
Alfambra
. En
1348
refirmo a politica de
Pero o Cerimonioso
d'oposicion a la
Union Aragonesa
, que remato en a
batalla d'Epila
.
Dimpues colaboro con o
rei d'Aragon
en afers diplomaticos plegando a mediar entre os reis d'
Anglaterra
y
Francia
cuan o prencipio d'a
Guerra d'as cient anyadas
. Dimpues d'a muerte d'o zaguer capeto, en
1328
puya a la
cadiera reyal
Felipe VI
en aplicacion d'a
lei salica
vichent en o reino de Francia. O rei
Eduardo III
tamien reclamaba a corona y s'enfrentan tamien por a quistion succesoria d'o
ducau de Bretanya
. O papa
Climent IV
ninvio como meyador a man d'a cort anglesa a Johan Ferrandez de Heredia, pero fracaso. Johan Ferrandez d'Heredia luitaba a favor de Felipe VI en a
batalla de Crecy
y fue feito presionero. Dimpues fue liberau por
Eduardo III
. En Avinyon Inocencio VI lo nombro gobernador d'a ciudat, que yera
seu
papal, y tamien d'o
condau d'Avinyon
.
En
1377
fue esleito
Mayestre Mayor
d'a
Orden d'o Hespital de Sant Chuan de Cherusalem
y se'n fue ta
Rodas
. Como mayestre mayor d'a orden establida en Rodas prebo d'establir a orden en o
prencipau de Morea
, que yera amenazada por os
turcos
y os
albaneses
. Encara que en Morea lo recibioron como un salvador, cayo presionero d'os albaneses y lo vendioron a os turcos, qui lo liberoron en pagas por un rescate costoso. En
1382
torno t'Avinyon, a on que residira dica a suya muerte y se poso de parte de
Climent VII
. En
1389
organizo atra expedicion ta Morea que no se fara por razons desconoixidas. En Avinyon residio tamien o papa aragones
Pedro Martinez de Luna
, Benedet XIII.
Alla por
1350
encomenzoron as inquietuz literarias de Johan Ferrandez d'Heredia. Estio un intelectual reconoixiu dentro y fuera d'a
Corona d'Aragon
, y a suya biblioteca yera deseyada por humanistas como
Salutati
; beluns lo consideran uno d'os primers
humanistas
, pero a suya mentalidat encara yera de tot medieval, encara que a faina de recuperacion d'obras clasicas fuese pionera en toda
Europa
.
En l'actualidat no se tienen prous datos sobre l'orichen familiar de Ferrandez d'Heredia, pero si se sabe que perteneixeba a la chicota nobleza d'una familia con orichen en
Albarracin
. S'ha dito que estio fillo de Lorient Ferrandez d'Heredia, gosando refirmar ista afirmacion o propio
Cheronimo de Blancas
, cronista mayor d'o Reino d'Aragon. Manimenos bi ha documentacion de
Vives
que afirma que Garcia Ferrandez d'Heredia ye pai de Gonzalo, qui yera chirman de
Blasco Ferrandez d'Heredia
, conoixiu por estar
chusticia d'Aragon
(
1360
-
1362
) y qui ye documentau como chirman de Johan. Alavez seria Garcia y no Lorient o nombre d'o pai de Johan Ferrandez d'Heredia. Se sabe d'el que
Chaime II
li encargo en
1301
a custodia d'o
Castiello de Rodenas
y que en 1316 ye nombrau como lugartenient d'o
mayordombre
d'a infanta Alionor.
Tampoco no se sabe guaire bien a calendata de naiximiento de Ferrandez d'Heredia y s'ha habiu de deducir de datos externos sin poder-se quitar d'ellos una conclusion definitiva. A primera calendata en que se tien documentacion sobre el ye o
5 d'octubre
de
1328
, en que se nombra como freire d'o
Hespital
, pero no se conoixe cuan dentro en a orden ni que edat teneba por ixas envueltas. Con iste dato s'ha deduciu como posible calendata de neiximiento l'anyo
1310
.
Johan Ferrandez d'Heredia murio en
1396
a una edat prou enantada, feito que permitiria aproximar a suya calendata de naiximiento, pensando en que no estase un hombre centenario habria habiu de naixer en primerias d'o
sieglo XIV
. Manimenos una bula papal de
Benedet XIII
o
7 de chulio
de
1395
contradice de raso ista suposicion ya que afirma que tien mas de cient anyos,
"Centesimum etatis sue Annun excedens"
, y que en estar prou feble s'aspera que a suya muerte pueda acayecer en cualsiquier inte. Asinas ye probable que o Gran Mayestre pudiera haber naixiu en zaguerias d'o
sieglo XIII
en cuentas de en primerias d'o
sieglo XIV
como se gosa pensar.
L'
aragones
d'as suyas obras no ye o mesmo en todas as obras. D'alcuerdo con
Jose Vives
bi ha dos tipos d'aragones en a obra d'Heredia. Por una part l'aragones en o que s'escribe o "
Libro de los Emperadors
" y "
De secreto secretorum
" y por atra l'aragones d'as atras obras. En o primer grupo seguntes Vives seria "un dialecto oriental cuasi libre d'influencia castellana" y en o segundo bi habria muita influencia castellana. S'ha d'aclarir que o que Jose Vives entiende por "un dialecto oriental" no se refiere a l'
aragones oriental
d'a propuesta de clasificacion d'os
dialectos de l'aragones
que se facio a zaguers d'o sieglo XX.
As diferiencias principals entre os dos tipos de luengache son:
- A evolucion d'o grupo latino -CT-, que en o primer grupo predomina a evolucion
fonetica aragonesa
chenuina -it- (
feito
) y en o segundo a forma -ch- (
fecho
).
- A evolucion d'os grupos -C'L- y -LY- que en o primer grupo predomina amplament a forma chenuina -ll- (
consello
,
fillo
,
orella
,
uello
) y en l'atro s'escribe de diferents trazas -ll-, -i-, -j-, -y- (
consello
,
fijo
,
oreya
,
ojo
), y que interpretamos como -ch-.
- A forma en -ia d'o
pasau imperfecto d'indicativo
se presenta en o primer grupo debant d'a forma en -ie d'o segundo grupo.
- Os
pasaus imperfectos de subchuntivo
en
-es
como actualment en
Sobrarbe
debant d'a forma en
-ese
d'o segundo grupo.
- A combinacion de pronombres de dativo y acusativo tipo
le'l
(como huei en
belsetan
) en oposicion a las formas
gelo
coincidents con o castellano.
- Diferents doblez tipo
fallar
/
trobar
,
pedir
/
demandar
,
despues
/
apres
, os primers coinciden con usos castellanos (y no a l'
aragones occidental
actual), predominan en o segundo grupo y os segundos en o primero.
Bel autor ha feito notar que a luenga escrita d'o segundo grupo d'obras ye mas castellanizada que as modernas parlas aragonesas. Uns cuantos autors defensors de l'aragones como
Francho Nagore
han feito notar en o libro
El aragones, identidad y problematica
y han senyalau que l'aragones d'este segundo grupo d'obras ye mas castellanizau que l'aragones escrito contemporanio d'a
Coleccion Diplomatica de L'Almunia
y os "
Documentos de l'Alto Aragon
". Tamien ye mas castellanizau que os textos notarials escritos en o
sieglo XV
en Zaragoza y a val de l'Ebro. Ye posible que a base d'o luengache d'iste segundo grupo d'obras d'Heredia sia l'
aragones d'as comunidaz aragonesas
, que Heredia debeba charrar por o suyo orichen.
En o luengache d'as obras tambien una ripa de
catalanismos
,
italianismos
,
helenismos
, etc. Ixa diversidat s'atribuye por un regular ta os copistas no aragoneses que heban de fer as obras en ista lengua, t'a inexistencia d'una luenga capaz enta par d'alavez, y ta os procesos de traduccion dende luengas como o castellano, o
catalan
, o frances, l'italiano y o
griego clasico
y
bizantin
. Con tot, os contemporanios y el mismo siempre la identificoron como "lengua aragonesa" u "
aragones
".
Traduccions empentadas por Johan Ferrandez d'Heredia
[
editar
|
modificar o codigo
]
Compilacions historicas empentadas por Johan Ferrandez d'Heredia
[
editar
|
modificar o codigo
]
- 1997
:
Cacho Blecua, Juan Manuel
:
El Gran Maestre Juan Fernandez de Heredia
. Zaragoza: CAI.
- 2008
:
Monesma, Eugenio
:
Juan Fernandez de Heredia
. Huesca: Pyrene P.V., D.L. 1 videodisco (DVD) (25 min.).
- 2009
:
Plutarco de Queronea
:
Vidas semblantes. Version aragonesa de las Vidas paralelas, patrocinada por Juan Fernandez de Heredia
. Edicion de Adelino Alvarez Rodriguez. Huesca-Zaragoza: Prensas Universitarias de Zaragoza, Instituto de Estudios Altoaragoneses, Instituto de Estudios Turolenses, Gobierno de Aragon (Departamento de Educacion, Cultura y Deporte), 2 vols.
- 1927
:
Vives, Jose
:
Juan Fernandez de Heredia. Gran Maestre de Rodas
. Barcelona: Balmes.