Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Os hongaros estioron un pueblo nomada d'as estepas d'Europa Oriental que emigro ta l'ueste establindo-se en a Cuenca Panonica sozmetendo a los pueblos que i heba, a qui asimiloron convertindo-se en os actuals hongaros . Charraban hongaro , una luenga uralica con elementos turquicos . Se crei que teneban como relichion o tengrianismo .

En o sieglo IX yeran una federacion de 10 tribus que dondeyaban por as estepas a l'ueste d'o rio Don . Ye posible que hesen tenito una clase dirichent de luenga turquica. Por un tiempo yeran establitos en Ucraina occidental y Moldavia y debeban estar baixo a influencia d'os gazaros . Con motivo d'una guerra entre l' Imperio Romano d'Orient y Bulgaria en tiempos de Simeon I os bizantins clamoron a lo hongaros pa fer pinza a los bulgaros . En o " libro d'os emperadors " se'n parla:

Os bulgaros clamoron a los pacinacos pa que tamien fesen pinza a los hongaros, d'una traza que os hongaros fuoron empentatos ta l'ueste por ellos y rematoron establindo-sen en Panonia a fins d'o sieglo IX conducitos por o Khan Arpad .

Dende a suya base en Panonia adrezoron expedicions de saqueyo por Europa Central , Italia (a on o 12 de marzo de 924 ^[1] prenioron y espulloron Pavia , una d'as pocas ciudaz portificadas que podioron prener), Francia y dica una d'estas expedicions plego ta Uesca . Destruyoron o prencipau de Moravia la Gran . As expedicions de saqueyo rematoron cuan l'emperador Oton I los derroto en Lechfeld en l'anyo 955 . En l'anyo 925 o rei Tomislav de Croacia ya heba aturau a expansion hongara en o Sud de Panonia, fixando a muga entre croatas y hongaros en o rio Drava .

O reis hongaros con o tiempo formoron un estato monarquico cristiano imitando o modelo d'atras monarquias europeas, os hongaros se sedentarizoron y asimiloron a los eslaus y talment tamien a los vlacos y pueblos chermanicos que podeban quedar en Panonia orichinando un pueblo hongaro que fueras d'a luenga poco teneba que veyer con os hongaros nomadas orichinals. A formacion d'un estato hongaro fuerte en a Cuenca Panonica aturo a entrata d'os nomadas d'Europa Oriental esbarrando ixas migracions enta l' Imperio Romano d'Orient u Imperio Bizantin dica o sieglo XIII, cuan entroron os mongols .

O biznieto d'Arpad, Geza se convirtio a lo catolicismo en 975 , y lo suyo fillo, Esteban , fue declarato rei por o Papa de Roma en l'anyo 1000 . ^[2]

Se veiga tamien [ editar | modificar o codigo ]

• Hongaros .

Referencias [ editar | modificar o codigo ]