O
feno
u
fen
(d'o
latin
<
FENUM
), anque ye muit frecuent que se le diga simplament ≪
hierba
≫, ye a
mezcla
de
hierbas
secas con a cual s'alimenta a bels animals
herbivoros
domesticos, especialment cuan se tienen en condicions de reclusion y no pueden paixentar-se solos.
O feno actua como base de l'alimentacion de bels animals domesticos, como os
conillos
, que por estar fuyedizos no pueden deixar-se en puestos ubiertos a on que podrian consumir a hierba solos. Tamien ye la base d'alimentacion que tienen toz os grans herbivoros, dende
ovellas
y
crabas
dica
vacas
,
bueis
,
mulas
y
caballos
, en os meses fridos.
Manimenos, a toz os animals alimentaus con feno ye convenient que se les complemente a dieta con belatros alimentos, como
cerials
(principalment s'emplega l'
hordio
u o
cevau
) y/u
prensos
sinteticos.
O feno se composa de
hierbas
diversas, no siempre cautivadas, u d'una sola
especie
en funcion d'a on procede. Anque existe especies domesticadas principalment ta fer-ne feno, como l'
alfalz
, y cada vegada con mas frecuencia o feno se fa con ixas especies, tradicionalment tamien s'ha aprofitau o feno natural que dimana de
fenals
u extensions a on que a diversidat d'especies
herbacias
s'ha manteniu, de forma natural, porque se i feba pasturar os animals domesticos.
Por ixo, o feno de fenal tipico se forma d'una gran diversidat de hierbas d'entre as que predominan as
graminias
(especialment, as que se conoix de forma colectiva como
belluecas
) por estar mas resistents y adaptaderas a la
pastura
frecuent de o
ganau
. Iste tipo de feno s'asocia con expleitacions rurals, no mecanizadas, en as cuals a
siega
d'a ≪hierba≫ se fa en os propios
erials
a on que en os meses favorables s'ha feito paixentar a os animals.
Muit a soben, os fenals de feno natural son luent de o nuclio de poblacion y no son terrens
de cultura
, sino semi-silvestres que fan parte d'un paisache humanizau, a on que a pastura d'os animals durant anyos ha condicionau a formacion d'un
prau
herboso pero con especies silvestres. O feno d'iste tipo d'extensions se siega a mano, con o
dallo
, y se transporta ligau en
falciellos
con
bastes
y
samugas
sobre os
mastos
, u en
carro
.
A despoblacion d'o mundo rural, que ha deixau desamortizadas muitas fincas que enantes yeran precisas ta la produccion d'alimentos humans, en chunto con a mecanizacion de l'
agricultura
, ha favoreixiu o cautivo de l'alfalz como especie fenera. En l'actualidat, en paises de
clima mediterranio
(como o que tenemos en a
peninsula Iberica
) l'alfalz ye a principal especie que s'emplega como feno; y a demes se cautiva de propio ta ello, mientres que fa bellas decadas cuan no i heba tanta maquinaria en as fayenas de l'agricultura, os campos d'alfalz yeran una minoria.
As reservas de feno yeran cabals en a
ganaderia
tradicional, pus de l'acumulacion de hierba dependeba a supervivencia de o
ganau
en os periodos de carencia, como l'
hibierno
. Ta iste manester, cuasi todas as casas con reses de ganau segaban y guardaban hierba en
hierbers
u en
pallers
en o
verano
, y a cantidat que se podese guardar en istas dependencias yera muit a soben o factor limitant que determinaba o numero maximo de cabezas que podeba tener una casa.
A demes d'isto, o feno se podeba almagacenar apilau en
niedas
, arredol d'un niedil, anque como d'ista forma ye mas exposau a o tempero, gosa
calamonar-se
y tiene una vida menor.