Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

A divisa (d'o latin div?sus , part. pas. de divid?re , dividir) ye una unidat de cambeo que facilita a transferencia de biens y servicios. S'amuestra en forma de piezas metalicas, ditas monedas ? por un regular redondas ? u en forma de piezas de papel, ditas billez . Tambien se presenta como ≪ diners de plastico ≫ ( tarchetas de credito ), como talons, cheques u pagares, etc. O termin moneda u unidat monetaria fa referencia a la divisa propia d'o pais, u d'o mercau monetario a o que perteneixe o pais, ye decir, o metal u papel moneda emplegau pa obtener biens, productos u servicios adintro de l'ambito en que ha estau expediu por o suyo banco central .

Se le diz divisa , por contra, cuan se refiere a una moneda, u unidat de cuenta , forana ^[1] u baixo sobirania externa respecto a l'ambito con sobirania propia ^[2] por a on circula a moneda y que se fa servir mas que mas pa o intercambio de biens y servicios entre paises.

Seguntes s'expresa o Banco de Espanya ^[3] , y atras entidaz ^[4] , no han d'entibocar-sen con ello dos conceptos:

• un cambeo de moneda ye a compravenda d'a moneda diferent a la propia pa usar-la en l'ambito cheografico a on se regula y emplega de forma parellana a la propia. Por eixemplo, en o pais de destin, en caso d'un viache.
• un cambeo de divisa , d'atra man, no suposa un movimiento fisico d'os diners. Por eixemplo, una transferencia recibida en dolars s'ingresa en a cuenta personal en a moneda correspondient, seguntes o pais que siga ( euros , pesos , sols , etc).

Por un regular, cada pais tien establida, a o menos, una moneda oficial sobre o suyo territorio presentada baixo diferents medios de pago tamien de curso legal . Por contra, distintos paises pueden:

• fer servir a mesma moneda (como ye o caso de l' euro y os paises miembros d'a Union monetaria europea , u como Liechtenstein en union monetaria con Suiza ? con o franco suizo ) ;
• adoptar una divisa forana como unidat monetaria legal: como ye o caso de Panama y Ecuador (con o dolar americano ), u d'a Ciudat d'o Vaticano , de San Marino , de Monegue y d' Andorra , y, de facto , de Kosovo y de Montenegro (con l'euro).

Por motivos practicos, una divisa gosa tener subdivisions, legals u tradicionals : 1/1000 (os millimos d'o dinar tunecino), 1/100 (os eurocentimos de l'euro), 1/20, 1/10, 1/8, 1/4 (o cuarto de dolar nortamericano ), etc.

Historia [ editar | modificar o codigo ]

Os diners como moneda han teniu o suyo protagonismo en o desenvolique d'as civilizacions basadas en o comercio dende fa cuantos milenios.

A tradicion d'os cambistas va unida a la aparicion d'os diners y d'a banca unidas a o comercio , como verdadero propiciador d'a profesion. Seran aspectos que iran chuntos mientres muitos sieglos. En especial, talment, sera en a Europa medieval a on en a suya epoca d'explendor muitas ciudaz prencipien a cudir a suya propia moneda y asinas se prencipie a detectar una profesionalizacion d'iste treballo. ^[5]

Sera en o zaguer tercio d'o sieglo XIX , con l'aparicion d'o patron oro ^[6] y d'a Union Monetaria Latina ^[7] , cuan se estableixcan oficialment as primera paridaz reguladas entre as divisas de cada pais. O primero, en muitos casos, no seria de facto albandonau dica 1914 ^[8] .

En o periodo d'entreguerras ya no se pudo tornar a restaurar o sistema, entre muitas atras razons, por que muitas economias s'amuestraban fuertement desetabilizadas y porque a produccion d'oro yera escasa ^[9] . En a decada de 1920 , poco antis d'a Gran Depresion de 1929 , yeran treinta y cuatro paises os que heban adoptau o nuevo Patron Cambeos Oro ^{[10] [11]} . Con a crisi, mientres a decada de 1930 , as condicions en Europa no amillorarian fendo que cuantos paises albandonasen o Patron Oro ^[12] .

Caldria asperar a zaguerias d'a Segunda Guerra Mundial , a 1944 , pa que se sinyasen os Alcuerdos de Bretton Woods d'os que surtiran o Fundo Monetario Internacional y o Banco Mundial con a finalidat de lograr a estabilidat d'os cambeos de divisas ^[13] . Como consecuencia d'a Guerra de Vietnam , se crebaran os alcuerdos en 1971 . Dimpues de 1976 , y d'a desaparicion d'o sistema de cambeo fixo, o FMI prene un papel prencipal debant de paises en desenvolique y crisis financieras internacionals.

Divisas contemporaneas [ editar | modificar o codigo ]

As divisas fluctuan entre si adintro d'o mercau monetario mundial. D'ista traza, se pueden estableixer distintos tipos de cambeo entre divisas que varian constantement en funcion de cuantas variables economicas como o creiximiento economico , a inflacion , o consumo interno d'una nacion, etc.

A relacion d'o pre d'a moneda d'un pais con respecto a atras, tamien dita cotizacion , pende d'os fluxos comercials y financiers entre os residents d'a zona d'ixa moneda con respecto a los d'as atras. As importacions de biens y servicios y a inversion en o extranchero determinan a demanda en divisas extracheras, mientres que as exportacions de biens, servicios y a inversion forana determinan a oferta d'a divisa extranchera en o puesto a on se trobe.

As divisas mas comunas que circulan en os mercaus internacionals son: ^[14] o dolar estausunidense , l' euro , o yen , a libra esterlina , o dolar australiano , o franco suizo , o yuan chino y o dolar canadiense .

Se veiga tamien [ editar | modificar o codigo ]

• Historia d'os diners
• Simbolo monetario
• Cambista
• Cotizacion
• Mercau de divisas
• Tasa de cambeo
• Risgo de cambeo

Referencias [ editar | modificar o codigo ]