Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

O Banato ye una rechion historica d'Europa centro-oriental que dimpues d'a Primera Guerra Mundial y o Tractau de Trianon quedo dividida en la suya mayor part entre Rumania y Yugoslavia , quedando una minima parte en Hongria .

Toponimia [ editar | modificar o codigo ]

En o periodL' austrohongaro teneban categoria de Banato totas as provincias de muga, que yeran gobernadas por un Ban , pero dimpues esta denominacion quedo fosilizada en esta unica provincia.

Historia [ editar | modificar o codigo ]

Periodo romano [ editar | modificar o codigo ]

Os exercitos romanos ocuporon a rechion en 106 en ixas envueltas d'o Emperador Trachan , pero habioron de retirar-sen en l'anyo 275 dixando Dacia a os godos . En ixas 169 anyadas i habio una important romanizacion d'os dacos locals orichinando una poblacion daco-romana.

Anyadas escuras [ editar | modificar o codigo ]

A invasion hunna cambeo o mapa etnico d'Europa centro-oriental, empentando a bel pueblo arrastrando-ne con ellos d'atros como os eslaus , que s'establioron en a rechion en o sieglo VI. A zona tamien estio baixo dominio Avaro .

Periodo bulgaro [ editar | modificar o codigo ]

En o sieglo IX esta rechion facio parte d'o Primer Imperio Bulgaro . A cronica historica bulgara Gesta Hungarorum , con elementos de falordia parla d'un duque dito Glad , sobiran d'esta zona, que veniba de Vidina , y yera basallo d'o Zar Simeon I de Bulgaria . Os bulgaros teneban un control feble d'as zonas a lo norte d'o Danubio y empezipioron a perder-las seguntes bel autor cuan os bizantins clamoron a os hongaros pa fer una pinza a los bulgaros y los bulgaros clamoron a los pazinacos pa fer pinza a los hongaros .

Primer periodo hongaro [ editar | modificar o codigo ]

Os hongaros, talment empentaus por os pazinacos trescurzoron os Carpatos y rematoron sedentarizando-sen en Panonia fundando-ie un estau seguindo un modelo occidental. Dende o suyo nuevo nuclio empecipioron a conquerir tierras enta l'este conquerindo l'actual Banato en o sieglo XI, creyando-ie os condatos de Torontal , Temes , Krasso y Szoreny .

Periodo otoman [ editar | modificar o codigo ]

L' Imperio Otoman conquere a rechion en 1552 y en fa un elayet (provincia), ^[1] con o nombre de Temesvar . En o sieglo XVII bella zona d'o Banato ye conquiesta por Austria .

Periodo austriaco [ editar | modificar o codigo ]

En 1716 os austriacos conqueren ya de tot o Banato, y dimpues d'a paz de Passarowitz en 1718 se converte en una provincia independient d'a monarquia d'os Habsburgo , ^[1] baixo administracion civil, y se mantendra asinas dica 1778 .

A rechion quedo muito despoblada por as guerras y lo gubierno austrohongaro trayo poblacions cristianas de diferents nacionalidaz, alemans y eslaus sobretot. O conte Claudius Mercy , gubernador d'o Banato dende 1720 , prene mesuras pa rechenerar a rechion: drenoron as pauls d'a ribera d'o Danubio y Tisza , construyoron carreteras y canals , y trayoron colons, en especial artesans alemans. A repoblacion con diferents nacionalidaz tamien creyo d'isletas etnicas en meyo d'as zonas de mayoria serbia, rumana u hongara.

Tamien Maria Teresa s'intresa por a rechion y manda repoblar-la con campesins alemans, funda lumerosos pueblos y favoreixe a explotacion d'as riquezas minerals, profundizando en as reformas que ya heba empreso Mercy. Trayo muitos alemans que veniban por a ruta fluvial d'o Danubio dimpues d'haber embarcau en Ulm , un puerto de Suabia . Encara que yeran conoixius como " suabios " por haber embarcau en Suabia, estos alemans proveniban sobretot de Renania , pero tamien i heba alemans d'atros orichens como luxemburgueses . ^[1] Estos alemans formaran unos isletas etnicas significativas dica a Segunda Guerra Mundial . En o mesmo proceso migratorio plegoron francofonos d'a Lorena , que fundoron en 1771 tres lugars ( Saint Hubert , Charleville y Seultour , a on se conservo o frances dica 1850 ). ^[1] Entre os colonos eslaus i heba eslovacos , rutens , checos y bulgaros .

En o sieglo XVIII bi heba refuchiaus austracistas orichinarios d' Espanya . Os catalans fundoron Nova Barcelona en o termin de Zrenjanin , pero o establimiento no estio viable. A capital d'o Banato tenio un gobernador militar aragones , Chuan Batista Escoto y dimpues atro de catalan , Francesc de Vilana-Perles .

Segundo periodo hongaro [ editar | modificar o codigo ]

En 1779 una reestruturaccion en o Estau Austriaco facio que o Banato tornase a estar part d'Hongria. En 1848 o Banato occidental paso a fer part d'a Voibodina serbia .

En 1918 se proclamo en Timi?oara a Republica d'o Banato , reconoixida por Hongria, manimenos en pocos dias l'exercito serbio ocupo a rechion y abolioron ixa republica.

Periodo rumano y yugoslau [ editar | modificar o codigo ]

En 1918 , por o Tractau de Trianon a mayor part d'o Banato paso a fer part de Rumania , a partida sudoccidental y un tercio de Temes lo ocuporon os serbios y quedo administrau por Yugoslavia, nomas permaneixio en poder hongaro una chicota zona arredol de Szeged . A part de lugars a on no yeran mayoritarios ni os rumanos ni os serbios y os que yeran mayoritarios yeran os suabios u atras minorias, en a part rumana d'o Banato i heba lugars serbios y en a part serbia i heba lugars rumanos. ^[1]

Entre 1941 y 1944 o banato serbio yera baixo control d'os alemans locals. Cuan remataba a segunda Guerra Mundial muitos alemans fuyoron y dimpues de 1945 os que i quedaban fuoron forachitaus. ^[1]

Referencias [ editar | modificar o codigo ]