Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Mainframe ye una mena d' ordinador que ye emplegada prencipalment por grans organizacions pa aplicacions criticas ^[1] ; procesamiento grans cantidaz de datos como que censos, estatisticas d'a industria y d'o consumidor, y planificacion de recursos empresarials; y procesamiento de transaccions. Son mas grans y tienen mas potencia de procesamiento que atras menas d'ordinadors: miniordinadors , servidors , estacions de treballo y ordinadors personals .

O disenyo d'o mainframe se carauteriza menos por a velocidat computacional en bruto (a o contrario que os superordinadors ) y mas por a suya alta estabilidat y fiabilidat que permiten que istas maquinas funcionen sin interrupcions entre periodos de tiempo muit largos, con tiempo meyo entre fallas (en angles mean time between failures u MTBF ) mediu en decenias d'anyadas y cheneralment s'emplegan en aplicacions an o tiempo d'inactividat seria costoso u catastrofico.

Historia [ editar | modificar o codigo ]

Os ordinadors Mainframe naixioron en zaguerias d'as anyadas 1950. Alavez a industria yera dominada por una serie d'interpresas denominadas popularment como IBM y os siet nanos ya que yera dominada por IBM seguida por os suyos rivals Burroughs , UNIVAC , NCR , Control Data , Honeywell , Cheneral Electric y RCA . ^[2] L' IBM System/360 se convirtio en un cuasi estandar por aquellas envueltas. L'aparicion de l' ordinador personal y o desembolique d'os servidors en primerias d'as anyadas 1980 suposo una baixada en la demanda de mainframes por parti d'as interpresas. O mainframe pareixeba abocau a la suya desaparicion. Beluns investors como Stewart Alsop u analistas como que Cheryl Currid prenosticaron que a desaparicion d'ista mena d'ordinador ocurriria en 1996 u a lo mas tardar en 1999. Manimenos a plegada de Linux a o mainframe y a explosion en o desembolique d'o e-business producio un cambeo de tendencia y ista mena de maquinas estioron de nuevo demandadas. En 2000 , IBM introducio a clamada z/Architecture que actualizaba os mainframe a os requerimientos d'a edat d'internet dando puesto a la present serie IBM System z (u IBM Z ).

Sistemas operativos [ editar | modificar o codigo ]

• MVS .
• Linux .
• z/OS .

Videochuegos [ editar | modificar o codigo ]

Entre os anyadas 1960 y 1970, cualques estudiants y emplegaus que teneban acceso a os mainframe d'universidaz y interpresas creyoron os primers videochuegos d'a historia. cualques eixemplos son: Colossal Cave Adventure , Zork u Star Trek .

Se veiga tamien [ editar | modificar o codigo ]

• JCL .
• CICS .
• COBOL .
• Hercules , un emulador de mainframe.

Referencias [ editar | modificar o codigo ]