Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Iste articlo tracta sobre a edificacion . Ta a casa como institucion se veiga casa (institucion)

Una casa ^[1] , chenericament, ye un edificio u a parti d'un edificio que sirve de cambra ta os humans . A casa, formata por o teito y as paretz que zarran un recinto . Sirve ta refuchiar-se d'a plevia , o viento , a fredor y a calor u atras inclemencias meteorolochicas y de posibles intrusos humans u animals .

Actualment y mas que mas en o nuestro ambito cultural a casa familiar ideyal ye un edificio solo ta una sola familia, ye decir una casa familiar, que puet estar aislata u adosata a atras casas similars compartindo bellas paretz u formando ringleras mas u menos luengas en as carreras d'a mayor parti d'as villas y lugars .

O paradigma mas estendillato d'a casa urbana actual, corresponde a la tipolochia de casas adosatas que proliferan en as nuevas promocions immobiliarias. Se composa de dos ambitos : o de dia , con a sala d'estar como espacio u cambra principal que, a soben fa las funcions de minchador constituindo una pieza polifuncional dita minchador-estar, a on que se reunen y fan diversas actividaz os diferents miembros d'a familia. L'ambito nocturno , u de descanso lo forman as diferents cambras, a principal ye a d'os capezas de familia y as atras son las d'os fillos y fillas , que pueden compartir-la con atros habitadors d'a casa como bel lolo u atros familiars u amigos .

Iste paradigma ideyal que forma la casa urbana d'entre 70 u 100 metros cuadratos de superficie con o minchador-estar, a cocina y dos, tres u, dica cuatre dormitorios , un u dos banyos , en una casa adosata u, con mayor frequencia, en un piso aintro d'un edificio plurifamiliar lo trobamos en a base de l' urbanismo actual, como un index estatistico fundamental ta la planificacion d'o creiximiento urban.

Ditos y mazadas [ editar | modificar o codigo ]

• ≪fila, fila y feras casa≫
• ≪os callos y as crebazas fan subir as casas≫
• ≪en malas anyadas as casas amortadas≫
• ≪casa empenyada nunca buena anyada≫ ^[2]
• ≪en casa pobre, to son goteras≫
• ≪casa sin grano y sin guerto, a fambre p'alimento≫ ^[3]

Bibliografia [ editar | modificar o codigo ]

• Rapoport, Amos. Englewood Cliffs ≪ House Form and Culture ≫, N.J.: Prentice-Hall, 1969.

Referencias [ editar | modificar o codigo ]

Vinclos externos [ editar | modificar o codigo ]

• Se veigan as imachens de Commons sobre as casas .