Adolf Ogi

De Adolf Ogi (* 18. Juli 1942 ) us Chanderschtag im Berner Oberland ( Schwiiz ) isch fur d SVP wahrend 13 Jahr Mitgliid vo dr Schwiizer Landesregierig ( Bundesrat ) gsii. Vo 2001 bis 2006 isch er Sonderberater fur "Schport im Dienscht vo Entwicklig und Friide" im Uuftrag vo dr UNO gsi.

Familie [ andere | Qualltaxt bearbeite ]

Siini Eltere sind de Adolf und d Anna Ogi, geboreni Wenger. Siin Vater Adolf isch Forschter und Bergfuehrer, sowie Gmeindrat, Prasident vo dr Schuelkommission, Gmeindsprasident und Gmeindskassierer in Kanderschteeg gsii. Am 12. Mai 1972 hat er siini hutigi Frau Katrin, geboreni Marti ghuurate. Zame hands zwei Chind, de Matthias Adolf und d Caroline.

Brueflichi Karriere [ andere | Qualltaxt bearbeite ]

Nach siinere obligatorische Schuelziit in dr Primarschuel und Oberschtuefe hat de Adolf Ogi fur drei Jahr in La Neuveville d Handelsschuel bsuecht. Denaa isch er uf London und hat deet en sechsmonatige Kurs a dr Swiss Mercantile School bsuecht. In Formby , i dr Nachi vo Liverpool , hat er fur es Praktikum i dr Textilfirma vom duutsche Induschtrielle S. Konnemann gschaffet.

De Ogi hat dann fur zwei Jahre d Leitig vom Verchehrsburo Meiringe ubernaah. 1964 hat er zum Schwiizerische Ski-Verband (SSV) gwachslet. Deet hat er als Assischtent vo de Elsa Roth gschaffet und isch 1975 als Direktor vom Ski-Verband gwahlt worde. Wahrend siinere Arbet im Verband hat er de Ski-Fahrer a de Olympische Winterschpiil 1972 zu grossem Erfolg verhulfe.

Per Juli 1981 isch de Adolf Ogi vo siinere Funktion als Prasident vom SSV zruggtrate und hat bi dr Intersport Schwiiz de Poschte als Generaldirektor ubernaah. Er isch bi dr Intersport zruggtrate, woner 1987 in Bundesrat gwahlt worde isch.

Siini fehlendi akademischi Uusbildung isch scho oft als Grund gnaah worde, um uber ihn z scherze. Es wird z. B. gseit, er schriibi uf siine Visitencharte hinder siim Name s Churzel PSK , was fur Primarschuel Kanderschteeg schtaht.

Politischi Karriere [ andere | Qualltaxt bearbeite ]

Vor dr Wahl in Bundesrat [ andere | Qualltaxt bearbeite ]

Dur siini Arbet im Ski-Verband isch de Ogi schwiizwiit bekannt worde. Drum hand verschiedeni Parteie versuecht, ihn fur e Nationalratskandidatur z gwunne. Siini Schwiigereltere sind Mitgliid vo dr Schwiizerische Volkspartei SVP gsii, dere isch er 1978 au biitrate. Fur d Nationalratswahle 1979 hat er dann fur die Partei kandidiert und isch mit eme sehr guete Ergebnis gwahlt worde. Er hat 56'235 Schtimme gunne und hat vo deet aa de Kanton Bern i dr grosse Chammere vertrate.

Im Jahr 1984 isch de Ogi zum Prasident vo dr SVP Schwiiz gwahlt worde.

Fur d Bundesratswahle vo 1987 hat sich de Adolf Ogi parteiintern im Zentralvorschtand gege de Regierigsrat Peter Schmid , de Brueder vom schpatere Bundesrat Samuel Schmid , duresetze chonne und isch vo dr Partei als Kandidat nominiert worde. Im erschte Wahlgang vo de Wahle vom 9. Dezember 1987 hat de Ogi 114 Stimme berchoo, wo furs absolute Mehr 121 notwendig gsi si. Einigi burgerlichi Politiker hand de Ogi nod im erschte Wahlgang gwahlt, um ihn fur siis Verhalte bi dr Wahl vom Otto Stich z beschtrafe. Damals hat er sich fur d Kandidatin Lilian Uchtenhagen iigsetzt ghaa. Einigi vo siine Kontrahente sind au dr Meinig gsii, nur 8 Jahr Politik seied zchurz, um grad Bundesrat z werde. Im zweite Wahlgang isch de Ogi dann mit 132 Schtimme zum Nachfolger vom Leon Schlumpf gwahlt worde.

Als Bundesrat [ andere | Qualltaxt bearbeite ]

Nach siinere Wahl in Bundesrat sind fascht alli Attacke gege siini Person verschtummt. Vo 1988 bis 1995 isch er em Eidgenossische Verchehrs- und Energiewirtschaftsdepartement vorgschtande. Nach eigener Uussaag hat er die Uufgaab gliebt. Siini groschti Uufgaab i dem Departement isch d NEAT gsii, wo zu dem Ziitpunkt em Volch zur Abschtimmig vorgleit worde isch und fur die hat er mit grossem Elan gworbe. D Abschtimmig hat de Ogi klar gwunne, s Projekt isch aber dur d Choschte, wo demit verbundene gsi si, immer meeh i d Kritik choo. Vor allem dr Finanzminischter Otto Stich hat sich defur iigsetzt, dass d NEAT finanzierbar worde isch. Schliesslich hat de Ogi muesse zuegee, dass d Choschte bi dr Abschtimmig beschonigt worden seied.

Siini groschte Niderlaag isch wohl d Aanaahm vo dr Alpeinitiative am 20. Februar 1994 durs Volch gsii. D Initiative hat de Verlaad vom Verchehr uf d Schine und en Schtopp vom Uusbau vo Transitschtrasse gforderet. De Ogi hat sich nach dere Abschtimmig als schlechte Verluurer erwise. Drum hand immer meeh Luut en Rucktritt vom Ogi als Verchehrsminischter gforderet, vor allem au s Initiativkomitee.

Am 1. Oktober 1995 hat de Ogi dur en Beschluss vom Gsamtbundesrat gege sii Wille s Militardepartement muesse uberneeh, wo nach em Endi vom Chalte Chrieg nur no wenig prestigetrachtig gsii isch. Das Departement isch 1997 zu "Eidgenossisches Departement fur Verteidigung, Bevolkerungsschutz und Sport" (VBS) umbenannt worde. Er hat sich i dere Ziit verantwortlich zeichnet fur de Biitritt vo dr Schwiiz zum NATO -Programm ≪ Partnerschaft fur den Frieden ≫. Au sorgt er 1999 dass schwiizerischi Soldate (≪ Swisscoy ≫) in Kosovo gsendet werdet. I dere Aaglegeheit hat dr Bundesrat de Zorn vom Christoph Blocher und dem siinere Aktion fur eine unabhangige Schweiz (Auns) uf sich zoge. "Wollen Sie, dass Ihr Sohn im Sarg zuruck kommt", hats uf Werbeplakat vo de Blocher-Aahanger gheisse, erganzt durch grausami Chriegsbilder. De Ogi hat au e drastischi Reduzierig vom Armeebeschtand planet und hat siini Soldate oft fur Aktione wie d Besiitigung vo Unwetterschade oder Sicherig vo Kongress iigsetzt. Wahrend em Ogi siinere Ziit im VBS hand sich d Affare Nyffenegger und Bellasi ereignet.

1998 hat sich de Adolf Ogi zum Prasident vo dr Olympiakandidatur vo Sion 2006 wahle laa. Er hat viil Ziit und Elan fur die Kandidatur inveschtiert. Imene Entscheid, wo sehr schtarch kritisiert worde isch, hat dann aber Turin vor em Favorit Sion di Olympische Winterschpiil 2006 gwunne.

De Adolf Ogi isch Bundesprasident gsii i de Jahre 1993 und 2000 und Vizeprasident i de Jahre 1992 und 1999.

Nach dr Ziit als Bundesrat [ andere | Qualltaxt bearbeite ]

Am 18. Oktober 2000 hat de Adolf Ogi siin Rucktritt als Bundesrat per Endi Jahr bekannt geeh. Nach siim Rucktritt hat er bi dr UNO es Mandat als UNO-Sonderbotschafter fur "Schport im Dienscht vo Entwicklig und Friide" ubernaah. Er isch debii direkte Berater vom UNO-Generalsekretar Kofi Annan gsi. In dere Tatigkeit, wo mit eim symbolische Dollar pro Jahr entlohnt worde isch, het er sich schtarch fur s Internationale Jahr vom Schport engagiert, wo vo dr UNO fur 2005 uusgruefe worde isch. Ihm isch im Jahr 2005 vo de Universitat Bern de Ehrendoktor vo dr Philosophisch-humanistische Fakultat verliehe worde. De Ogi hat Aafangs 2006 aakundigt, nach em Uusscheide vom Kofi Annan us em Amt vom UNO-Generalsekretar Endi September 2006 numme als Sonderbotschafter fur Schport zur Verfuegig z schtah.

Literatur [ andere | Qualltaxt bearbeite ]

Josef Aufdemstroh (d. i. Walter Schwarz): Freude herrscht. Adolf-Ogi-Witze und Anekdoten. Verlag Moosegg, Lauperswil 1999, ISBN 3-9521927-1-6 .
Urs Zurlinden: Der Ogi. Werd-Verlag, Zurich 2001, ISBN 3-85932-352-0 .
Helmut Hubacher: Ogi ? Macht und Ohnmacht. Opinio-Verlag, Basel 2001, ISBN 3-03-999000-4 .
Andre Hafliger, Georges Wuthrich: Dolf Ogi ? So wa(h)r es! Weltbild, 2012, ISBN 978-3-03812-427-6 .
Adolf Ogi im Munzinger-Archiv (Artikelaafang frei abruefbar)