in Wikipedia, die vrye ensiklopedie
Prins Karl Emich van Leiningen
(
Duits
: Karl Emich Nikolaus Friedrich Hermann Prinz zu Leiningen;
Russies
: Карл Эмих Николаус Фридрих Герман цу Лейнинген; gebore op 12 Junie 1952), is die oudste seun van Emich, die 7de Prins van Leiningen, and sy vrou, hertogin Eilika van Oldenburg, en is die oudste broer van Andreas, die 8ste Prins van Leiningen.
[1]
Hy is ook bekend onder sy Russies-Ortodokse naam,
Nikolai Kirillowitsj Romanof
(Николай Кириллович Романов), en as
keiser Nikolaas III
onder lede van die
Monargisteparty
, wat ondersteuners van die keiserlike troon van Rusland is.
Hy is 'n aanspraakmaker op die hoofskap van die afgesette monargie van die
Russiese Ryk
, wat tot in 1917 deur die
Huis van Romanof
regeer is, omdat hy 'n kleinseun is van groothertog Maria Kirillowna (1907-1951), die oudste kind van
groothertog Kirill Wladimirowitsj van Rusland
, wat sedert sy verbanning in 1924 aanspraak op die Russiese troon gemaak het. Hy is 'n agter-agterkleinseun van keiser
Aleksander II van Rusland
, en sy pa se oom was
groothertog Wladimir Kirillowitsj van Rusland
. In 2013 het Rusland se nuwe Monargisteparty hom verklaar tot die enigste erfgenaam van die Russiese troon nadat hy die
Oosters-Ortodokse geloof
aangeneem het. In 2014 het die party die vorming aangekondig van die "
Romanofryk
", ook bekend as die "Keiserlike Troon", waarin Karl Emich ingestem het om "keiser Nikolaas III" te wees.
[2]
[3]
As aanspraakmaker bots hy egter met sy pa se niggie,
groothertogin Maria Wladimirowna van Rusland
, wat wyd aanvaar word as die aanspraakmaker op die troon. Maria word ook deur die
patriarg van Moskou
erken.
[4]
Karl Emich het in die verlede ook aanspraak gemaak op die hoofskap van die Huis van Leiningen.
Prins Karl Emich is in 1984 met prinses Margarita van Hohenlohe-Ohringen getroud. Sy is in 1989 in 'n motorongeluk dood
[1]
en die prins is in 1991 met Gabriele Renate Thyssen getroud.
[1]
Daar was onmin in sy familie oor die huwelik, omdat sy as benede sy stand beskou is, en hy het teruggestaan as erfgenaam van die familie ten gunste van sy jonger broer, Andreas. Hy en Gabriele is in 1998 geskei
[1]
en sy is daarna met die
Aga Khan IV
getroud.
Prins Karl Emich is in 2007 getroud met gravin Isabelle von und zu Egloffstein. In 2000 het hy die finale rond van 'n hofsaak begin om kastele, 'n eiland en ander eiendom van £100 miljoen te kry wat sy familie hom ontse het toe hy met Thyssen getrou het.
[5]
- ↑
1,0
1,1
1,2
1,3
Genealogisches Handbuch des Adels, Furstliche Hauser
XVII. "Hohenlohe". C.A. Starke Verlag, 2004, pp. 191, 249?251.
ISBN 3-7980-0833-7
.
- ↑
http://imperor.net/en/latest-news/anton-bakov-establishment-state-russian-empire/
Geargiveer
5 Maart 2016 op
Wayback Machine
,
http://imperor.net/en/latest-news/leynina-kingdom/
Geargiveer
18 Oktober 2016 op
Wayback Machine
- ↑
Die titelblad (in Russies)
http://russianempire.org/
van die dokument van die "Grondwet van die Romanofryk", geteken deur "Sy Keiserlike Majesteit Nikolaas III".
- ↑
(Gundyayev), Kirill.
"Patriarch of Moscow and All Russia"
.
imperialhouse.ru
. Besoek op
26 Oktober
2018
.
- ↑
Paterson, Tony (22 Junie 2000),
"A Pauper Prince's Palatial Quest"
,
The Guardian
(Berlyn)
,
https://www.theguardian.com/world/2000/jun/22/4
, besoek op 8 September 2010
Aanspraakmakers op die Russiese troon en hoofde van die
Huis van Romanof
sedert 1917
|
---|
Wladimirowitsji-lyn
| | |
---|
Nikolajewitsji- → Michailowitsji-lyn
| |
---|
Leiningen-lyn
| |
---|
|