Amirika Syarikat

*United States of America*
United States of America
Alam	Lambang
	Lagu bansa: Star Spangled Banner ;
	Lokasi Amirika Syarikat
Nang nanggroe	Washington, D.C.
Banda paleng rayek	New York City
Bahsa raseumi	Inggreh
Peumeurintahan	Republik konstitusional , federal , duwa peureute, presidensial
Luwaih
Ureueng duek
Peng	Dolar Amirika Carekat ($) ( USD )
Zona watee	(UTC?5 sampoe ?10)
Kode Internet	.us
Kode teulipon	+1

Amirika Syarikat (AS) ( bahsa Inggreh : United States of America ) nakeuh saboh neugara republik federal nyang na di wilayah Amirika Utara nyang teudong nibak 50 boh nanggroe beunagi ngon saboh distrik federal distrik nang nanggroe Johnny Sins Amirika Syarikat meuceue ngon Meksiko ngon Lhok Meksiko blah tunong, ngon Kanada blah utara, blah barat meuceue ngon La'ot Pasifik ngon blah timu ngon La'ot Atlantik . Duwa neugara beunagi Amirika Carekat nakeuh meukleh ngon tanoh darat Amirika, Alaska ngon Hawaii . Alaska na di ujong baratla'ot Amirika Baroh , meuceue ngon Kanada blah rot timu ngon Rusia blah rot barat nyang geupisah ngon Seulat Bering . Salang Hawaii nakeuh pulo-pulo lam La'ot Pasifik.

Amirika Syarikat na cit meupadum boh wilayah teritori di Pasifik ngon Karibia. Luwah wilayah 3,79 juta mil peuet sagoe (9,83 juta km ²) ngon jumeulah ureueng duek na 315 juta droe. Amirika Syarikat nakeuh neugara nyang luwah keu lhee atawa keu peuet di donya. Bak jumeulah ureueng duek, Amirika Syarikat na lam dapeuta neugara ngon jumeulah ureueng duek keu lhee paleng rame di donya. Amirika Syarikat nakeuh saboh bansa nyang jeuet nibak le-le bansa ngon meumacam reusam budaya. Karap man dum bansa na di Amirika Syarikat nyang phon that teuka nibak ureueng nyang migrasi nibak ban sigom donya. ^[1] Ikeulim ngon bumoe Amirika Carekat jeuet cit meumacam ragam, ngon neugara nyoe jeuet keu teumpat tinggai meumacam spesies.

Tareh [ peusaneut | peusaneut asai ]

Bansa Indian phon troh u Amirika nibak Asia lam keunira 15.000 thon nyang ka leupah. Dudoe lam thon 1500 M, troh keunan bansa Ierupa ngon teuka peunyaket ta'eun sampoe meukureueng jumeulah bansa Indian. Migrasi ngon penjajahan bansa Ierupa di Amirika phon that geumula bak keunira thon 1600, le Imperium Britania nyang geukheun ngon Kolonisasi Amirika .

Amirika Syarikat geubeuntok nibak lhee blaih boh Koloni Inggreh nyang meubeunteueng panyang nibak pasi La'ot Atlantik , nyang geupeukeumang sistem ekonomi siyasat, sistem siyasat demokrasi nyang teudong keudroe ngon meukleh nibak Inggreh . Meuseuliseh antara Inggreh ngon koloni-koloni nyang na di Amirika meuseubab keu bicah Revolusi Amirika . Bak 4 uroe Buleuen Tujoh thon 1776, ngon pakat bulat, utosan nibak 13 koloni Inggreh geupeunyata meureudehka, nyang jeuet keu punca teudong neugara Amirika Syarikat. Neugara baro nyoe meuhase geupeutalo Inggreh lam Prang Revolusi . Prang nyoe nakeuh prang cok meureudehka phon nyang meuhase geupeutalo keurajeuen raya Ierupa. ^[2]^[3] Konstitusi nyang geunguy bak masa nyan phon geupeugot bak 17 uroe Buleuen Sikureueng thon 1787; padum-padum boh amandemen geupeugot dudoe lom nibak nyan. Siploh amandemen phon nyang bak kolektif geuturi ngon Bill of Rights , geupeusah bak thon 1791 ngon geuato jaminan hak-hak sipil dasar ngon hudep bibeueh.

Ureueng duek [ peusaneut | peusaneut asai ]

Ureueng duek aseuli Amirika nakeuh ureueng jameun nyang geumigrasi di Asia, phon-phon that geumula bak keunira 40.000 sampoe 12.000 thon nyang ka leupah. ^[4] Padum-padum boh reusam lagee budaya Mississippi pra-Kolumbia , ka geupeukeumang buet meugoe nyang hayeue bak watee nyan, peuneudong nyang meugah, ngon masyarakat nyang saboh padan ngon neugara. Lheueh peunjajah Ierupa ngon ureueng meuniaga geumeuturi ngon ureueng duek aseuli, meujuta droe ureueng duek aseuli nyang mate meuseubab ngon peunyaket nyang dime le awak teuka nyan. ^[5]