Microsoft , c' est ene societe d' comiece ki vent des programes po les copiutreces .

Il est cnoxhou long et ladje di caze di s' sistinme d' operance "Windows", ki fwait roter 90 acint des copiutreces di majhon so Daegn etire. C' est l' sistinme d' operance "Windows" k' a spardou li tecnike des purneas .

L' askepieu et lontins prezidint d' Microsoft, Bill Gates est ene des pus ritches djins do monde.

On-z a rprotchi a Microsoft di n' nen dner li scret di s' sistinme d' operance, ey insi espaitchi les programeus a leu bousse d' etcherpeter des programes ki vont avou "Windows".

Li margaye di Microsoft et l' Comission uropeyinne [ candji | candji l’?code wiki ]

Dispu 2004, li Comission Uropeyinne est e margaye avou Microsoft, pask’ i spotchet tos les otes fijheus d' sistinmes d' operance eyet d' programes.

Ca fwait ki, li 24 di mass 2004, Microsoft a sti gadji po 497 miyons d’ uros .

Li 8 di djun 2004, Microsoft ala-st en apel al Cou uropeyinne di djustice a Lussimbork. Ci-cial oblidje Microsoft a payi l' aminde divant l' djudjmint d' apel. Mins zels, i n’ schoutet nen. Ca fwait ki, li 15 di decimbe 2005, li Cou d’ Lussimbork ricodane Microsoft a payi ene astrinte d' 1 miyon et dmey d’ € par djou pask’ i n’ ont nen aplike l’ djudjmint di 2004.

Microsoft ni paye todi nen. Et, pitchote a midjote, a 12 di djulete 2006, li desse avind les 280 miyons d’ uros.

Li 17 di setimbe 2007, li Cou d’ Lussimbork rind s’ djudjmint, tot dnant tos les toirts a Microsoft.

Li 22 d’ octobe 2007, Microsoft anonce k’ i n’ ire nen en apel.

Si vont i accepter :

1. di drovi les lokets di si sistinme d’ operance Windows. Dabord, les programeus a leu bousse poront vni ovrer dsu.
2. di clawer li montant des abondroets ridvous a Microsoft po bouter a parti d’ leu tcherpinte informatike a 10.000 uros, on cop l' an, po tchaeke diswalpeu d’ programes.
3. di baxhet crandimint les abondroets pol sistinme ≪ Windows ≫ : di 5,95 %, i pasnut a 0,4 acint des vindaedjes. ^[1]

Sourdants [ candji | candji l’?code wiki ]

1. ↑ Lucyin Mahin , Li Rantoele , ivier 2007-2008.

I gn a so les cmons Wikipedia des imadjes ou fitchis son a vey avou Microsoft .