De
Twidde Gebrukersbyeenkomste
es deure gegoan up vrydag den
neegs'n moarte
2007
.
Gelyk ip iedere byeenkomste, wos de bedoelienge van deze byeenkomste voorol om de 'nieuwe' minsn te leern kenn. De pogieng'n om het Noord'n meer te betrekk'n by de wiki ein duudelyk udder vrucht'n ofgeworp'n, want het Noord'n wos goe verteegnwoordigd deur
Filibertus
,
Jonas
en
Zeisterre
. 't Gift de deelnemers de gelegeneid om elkoar beter te leern kenn, en elkoars interesses en gevoeligheedn te leern apprecieern.
Doarnoast wos't de bedoelienge om een poar discussiepunt'n van het SV te bespreek'n.
W'en dizze kee ofgesprook'n in e babbelcafe me ne symbolische noame
De Groote Stooringe
(zie
kartje
) up et Sint-Michielspling van
Roeseloare
. D'uutnodigienge stoat
ier
.
D'upkomste wos fenomenoal: twee kees zo vele lyk de vorige kee (stoan de kapkes goed D-rex?).
De Groote Stooringe
(me moet'n die gast'n olliek ne kee serieus SV leern schryvn) wist nie woa dan ze't add'n: moa liefst zes enthousiaste fanoat'n van d'n West-Vlamschn Wikipedia die ne heeln oavond over under dialect en d'inrichtiege van under web site zoat'n te kwebbeln. En d'r ad d'r ene woarempel eurn vint nog megepakt ook, en dien kwam nog goed van passe want m'en nog gin Roeseloarsche gebrukers.
Woarn present:
D-rex
,
Filibertus
,
Jonas
,
Patrick
,
Tbc
,
Zeisterre
+ eur ne vint.
Lyk da je ziet, 50?% kwam uut 't noord'n van de provinsje, wien a da gepeisd zeg. De zudelyke addn 't nie oessan gemakkelyk voo die gast'n goed te verstoan. Moa gauw, me zyn d'r uuteindelyk toch uutgerocht.
Up verschillende discuusjebladzyd'n bleek dat er nogol wa vroagn woarn over da regionoal patroon.
Gif et regionoal patroon lyk {{plat|Brugs}} an schryvers carte blanche vo de SV-spellienge lienks te loat'n liggen? Die discuusje wos idder gestart up
Discuusje_gebruker:D-rex#SV_versus_regionale_template
.
Bykan olleman vond da j'up e blad me et streektoalpatroon je gin SV moe volgn. Dat es juste d'enigste occoazje woa da je joen eigen dialect elegansn tot zyn recht kut loat'n komm'n. 't Es wel
wienschelyk
da 't SV gebruukt es up de streektoalbloadn, moa ge zyt vry vo da wel of nie te doen.
Voorstel:
- osan by steed'n en gemeent'n
- vo olle andere artikels zy je vry in 't gebruuk
- oeter twyfel es over wel of gin toepassienge van 't patroon, osan eest up et discuusjeblad d'rover babbeln me 'n auteur van 't artikel. Kwestje van nie te kort te zyn in 'n ommegank me d'andere gebrukers.
Sommigste vondn dat SV-y nie van toepassienge zoe moet'n zyn up de
finale ie
, dus:
brouwerie, partie, gie, mie
.
Want die ie es osan lyk 'ie' uutgespook'n, over de uutsproake es d'r dus gin twyfel meugelyk.
D'r et nogol gediscussieerd gewist over de spellienge van finoale -en en 't gebruuk van de glottisslag. Uutendelyk kost'n m'uus ollemoale erkenn in e voorstel van Tbc:
- Olgemene regel
: doffe e wegloat'n
- leezn, spriengn, volln
(AN lezen, springen, vallen)
- ook:
bindn, ondn, verzendn, oudn
(AN binden, honden, verzenden, houden)
- Uutzonderiengn
:
- werkwoordn woavan de stam endigt op p,t,k: doffe e vervangn deur glottisslag:
klapp'n, buut'n, drukk'n
(AN klappen, buiten, drukken)
- wordn die in 't AN endigen up
-(n)nen
: ollene -nn overoudn, lyk in:
binn, weunn, keunn, kenn
(AN binnen, wonen, kunnen, kennen)
De motivoasje vo
bindn, ondn...
te schryvn es da we gin glottisslag oorn, dus schryvn m'em ook nie (de latste lettergrepe spreek'n de meeste om zeggens elegansn nie me uut), moa toch 'dn' overoud'n vo 't leesboar 't oudn.
Nogol wa gebrukers vondn de spellienge
ik ei, mei, ein
(AN ik heb, met, hebben) nie dudelyk. Surtout by de gast'n dien dat anders uutspreek'n want zyders peinzn da't e tweeklank es.
't Voorstel wos vo ier de Fransche letter
e
te schryvn (lyk Fr. el
e
ve), wuk da overeenkomt me die uutsproake:
ik e, me, en
.
Woord'n lyk AN
paard, staart, hebben, graag
: oe ommegoan me de streekafankelyke uutsproake?
- zudelyk; peerd, steert, een
- noordelyk: peerd, steert, een → de
ee
stoat ier vo de
e
in
pet
moa lank uutgesprook'n
Moe oe goan me da schryvn? D'r zyn twee voorstelln gewist.
- we schryvn ollemoale
peerd, steert, geerne
(klankneutroale spellienge)
- we schryvn lyk of da m'et uutspreek'n:
- noordelyk:
peerd
, die
ee
stoat vo de
e
in
pet
moa lank uutgesprook'n
- zudelyk:
peird
of
peerd
???
Ook woord'n lyk
zee, een (getal 1)
volln binn die categorie.
Wuk doen me me
greit'n, bleit'n
? Best de
ei
oudn?
Die discuusje es nie me en dudelyk voorstel geeindigd.
De SV-spellienge es nie echt en probleem:
keunienk, veranderienge
.
D'uutsproak'n verschilln nogol:
- conversoatie
of
conversoasje
?
- traditie
of
tradisje
?
Me vondn da de SV-regel (osan -tie schryvn) nog 't best van ol es.
In artikels me e regionoal patroon meug je vaneigens wel schryvn lyk of da j'et uutsprikt.
Ook ier verschilln in uutsproake:
- ook, oge, klene, zee
(AN ook, oog, klein, zee)
- wok, woge, kljene, zjee/zjee/zee
D-rex vond da je osan da kapke moe zett'n. Wien da gin tweeklank oort, moe ton moa gin uutspreek'n.
't Probleem es ollene da je nie up olle ee's en oo's zuk kapke meugt zett'n (
veel
moe blykboar gin kapke en). Voor gastn die gin tweeklank oorn, es da dus niet te doene zonder te missn.
Ook ier vond'n me de SV-regel (zet e kapke oe j't oort en anders nie) nog 't best van ol.
SV zegt nu: persoonsnoamn nie verwestvlamsn.
De meeste vond'n da me doa nie te strieng meugn in zyn:
Koarel d'n Stout'n, Boudewyn van Vloandern
moe kunn.
Me moet'n wel nie overdryvn, concreet: bynoamn meug je niet deur andere woord'n goan vervangn.
Dus gin
Koarel de Kletse, Koarel n' Kletsekop, Koarel de Pleite
of zukke toestand'n, moa meug wel:
Koarel d'n Koaln
.
Da verwestvlamsn es gin verplichtienge, moa zoe wel moet'n kunn.
Oe schryvn me 't achtervoegsel
-lijk
: lyk
lyk
of lyk
lik
?
Zie
Discuusje_gebruker:Foroa#-lyk_in_SV_1.1a
D'r wos bykan niemand te vindn vo
-lik
te schryvn, kwestje van consequent te bluuvn en 't nie onnodig te compliceern.
Tbc stelt voorn vo e gebrukersportoal te begunn lyk da olle serieuze wiki's ol en.
Da gebrukersportoal kut goan over:
- overzicht en gebruuk van (meest courante) patroonn
- lyste van de moderatoorn, sysops...
- lyste me peiliengn dien an 't loop'n zyn
- lyste me gebrukers en under erkomste
- overzicht van de bereikte
mylpoaln
(wuk es 't schoo Vlams word eigentlyk?)
- vaste rubriek'n lyk:
trekzakartikel van de weke
woaby da olleman uutgenodigd es om zyn leenn te zett'n achtern en onnozel artikeltje vo d'r etwod schoons van te moak'n. En lat uus eerlyk zyn: d'r zyn nog genoeg trekzakartikels up uuzn wiki.
De vroage wos ollene: wien kut/wil an da portoal begunn?
Me woarn ollemoale van 't gedacht da Tbc da styf goed zoe kunn?:-)
Deureverwyzingn die nie in 't SV zyn
[
brontekst bewerken
]
Oed'n of wegsmyt'n?
Wuk moet er gebeurn oe ne toevallige surfer up internet, die uuzn wiki andoet, intikt:
Izegem, Kortrik, Iper...
Dat es ginne SV-spellienge, die artikels noemn nu
Yzegem, Kortryk, Yper
. Moa wien wit er da?
Tbc vindt da we nie te strieng meugn zyn en ook deurverwyziengn moet'n toeloat'n (en voorziene) die meer kanse moak'n vo ingetikt te zyn dan de SV-variant.
Moa we verstoan ook d'upmerkienge van Foroa (up discuusjebloadn) da we gin verkeerde spellienge meugn ankweek'n. Die extra deurverwyziengn moet'n dus binn de perk'n bluuvn.
De latste moand'n en me styf vele andacht gekreegn. M'en ol meer of vieroenderd gebrukers, moa oe keun je da nog veroogn?
Volgens D-rex moet'n me d'r rekenienge me oudn dat et de komende tyd wel ne kee stiller zoedt kunn zyn up uuzn wiki. In e joar tyd meer of 1300 artikels, dat es gin kleen bier. We moet'n uus realiseern dat we verzekers niet zo goan keun bluuvn groein.
Dat es nie meer dan normoal, olle wiki's en ofwisselend goeie maand'n en kalmere periodes.
Tbc vroeg om d'r up te lett'n da me by peiliengn in 't vervolg d'r osan by zeggn:
- wanneer da de peilienge juste stopt
- oeveel gebrukers d'r minstens e menienge moet'n gegeevn en vo geldig te zyn
- oeveel?% van die gebrukers vo en alternatief moe gekoozn en vooraleer da voorstel anveird gerakt
Typische West-Vlamsche spreekgewent'n
[
brontekst bewerken
]
Da zoe meer moet'n gedocumenteerd zyn. En poar voorbeeld'n:
- dubbel gebruuk van 't persoonlyk voornamwoord:
e
je gy
my geziene?
me
weet'n
wyder
da nie,
ge
zyt
gy
zeker zot?
- dubbele negoasje:
'k e da nog
nooi nie
g'oord
- dubbel negoasje (bis):
Ik
en
en dat nog
noois
ezeid
- dubbel negoasje (tris):
Ge moet
nie
sloan
nie
Sterk anwezig in
Oarelbeke#Toale
en er bitje gedocumenteerd.
Meschiens etwodde vo in de
grammatica's
?
Nieuweliengn zyn nogol schuw van de uutgebreide SV-regels woa da't voorblad noa verwyst. 't Voorstel wos ier:
- om under dudelyk te moak'n dan ze fout'n meugn schryvn
- om up 't voroblad en up 't Ulp-blad nie me direct na de lange beschryvienge van 't SV te verwyzn, moa wel na de soamnvattienge
De doagn en week'n die kommn goan me die voorstelln an d'andere gebrukers presenteern. Zo keunn ze zyder ook under gedacht zeggn. Wuk dan ze vaneigens nu ol kun up et
discuusjeblad
.
W'addn nen vulln agenda, moa m'en em nog keun ofrond'n ook. Da wos nie osan styf gemakkelyk want die pint'n bleevn moa kommn, 't wos soms moeilyk vo te volgn. Rond 'n enen en me nog e slapmutske gepakt, en vondn toen dat tyd wos vo de boek'n te sluut'n.
En me goengn ollomoale akkoord mei d'upmerkienge van D-rex:
up na de 2500?!!!
'k En etwot emist enni! 't I mo t'oopn dakke der de noaste ke wel kun by zyn, mo ke zyn betoald voe me werk te doen en nie voen over 'n West-Vlamschn wikipedia te koutn. Spytig vaneigens (ol doe'ke me werk wel stief geirn wi?;)). Proficiat met junder werk, 'k gon't toene ollemoale ekir up me gemak bekykn en men upmerkiengn deure geevn.
Meuzel