Jean-Leon Huens
(
Melsbroek
(
Vlams-Broabant
),
1 december
1921
- Benissa (Alicante
Spanje
),
24 meie
1982
) was 'n
Belgischn
illustrateur.
De noame Huens zegt de meeste menschn nie vele, moa vele Belgn die ipgroeidn in de joarn 1950-1960 kenn wel d'illustroasjes die Jean-Leon Huens gemakt het vo de reekse '
s Lands Glorie
. Huens makte bykan 550 werksjes ip postkoartformoat over d'hoogtepuntn en belangrykste figeurn uut de Belgische geschiedenisse. Vele jounges in dien tyd kregen de gouste te pakkn vo meer te weetn over geschiedenisse deur te fantaseern over Huens zyn romantische, realistisch getekende prentjes. Tusschn 1949 en 1961 kwoamn der zes boekdeeln uut by uutgeverye Historia, ipgericht in 1946 deur Jean-Leon Huens en zyn broere Etienne. In iedern album kostn der 80 toet 100 zantjes worden geplakt die spoarders van Historiapuntn kostn inwisseln. Ounder de prentjes stound er e kortn tekst van historicus Jean Schoonjans, professor an de
Facultes Universitaires Saint-Louis
in
Brussel
. D'historische ipvattiengn kwoamn van de
Gentsche
historicus Henri Pirenne.
De geschiedenisse van Belgie van Huens en Schoonjans was ingedeeld in drie grote periodes over elk twee boekn:
- 't Belgisch Volk: Van 't begun toet de 15e eeuwe
- De Belgische Stoat: Van de 15e toet de 18e eeuwe
- 't Keunienkryk Belgie
Jean-Leon Huens het ook illustroasjes gemakt vo d'uutgeveryen Casterman,
Marabout, Desclee De Brouwer en Durendal. J'he covers getekend vo 't weekblad Tintin
(Kuifje) en wenskoartn en kalenders, uutgegeevn deur bekende drukkeryen lik De Schutter in
Antwerpn
.
Vanof 1962 het 'n hem gericht ip den Amerikoansche markt, deur gebrek an interesse in eign land. Werk van hem is gepubliceerd in de Saturday Evening Post, Readers' Digest en National Geographic Magazine.
Den 20stn juni 2002, twientig joar achter zyn dood, kreeg Jean-Leon Huens de Hall of Fame Award, deur de Society of Illustrators in New York. Doadeure ist 'n ipgenoomn in de internationale eregalerye van illustrateurs.
Den 1stn september 2005 opende 't Keunienklik Legermuseum in Brussel de tentoonstellienge "'s Lands Glorie. (De geschiedenis van Belgie doorheen de prenten van Jean-Leon Huens)", toet 31 moarte 2006 in 't kader van "175 joar Belgie".
