Inte el Web 2.0 un servisio de rete sociałe , de solito ciama in inglexe social network , che deriva da social network service , xe un servisio Internet , chel se pole doparar col browser o aplicasion mobili , poxandose so la so relativa piataforma , par la jestion dei raporti sociałi e che la permete la comunicasion traerso mesaji testuali , multimedia e ciamade, videociamade. I servisi de sto tipo qua, i l'e nati a la fin dei ani 1990 e divegnui un mucio popolari inte el dexenio dopo, andove i permete a le persone che i uxa de crearse un so profilo, organixar na lista dei contati, publicar un proprio fluso de ajornamenti (stati, stories e direte) e de vardare i flusi de ajornamento de che'altri. Ghe xe varie sorti de sti servisi, che i canbia a segonda del tipo de relasion (amicali, laoradive, publeghe) chel servisio rixerva a chi che lo dopara e anca al target de eta. El tipo de relasion che un servisio permete e el target de eta, el se pol capire da le so funsionalita, come par exenpio: testi curti, testi longhi o se no se se posa publicare foto o no.

Definision [ canbia | canbia el codaxe ]

Vardando la granda cuantita de reti sociali che ghe xe, tuti pi o men difarenti intra de lori, sta situasion complega mucio la creasion de na definision spesifega, paro tute ga un calcosa in comun. se pole definir social networks i servisi che:

• piataforme baxade sol Web 2.0
• che permete la creasion de un profilo publego o semi-publigo drento a un sistema vincola; (i jestori del servisio, decide le funsion)
• che permete l'interasion intra persone/grupi; (mesaji e ciamade (testo, audio e/o video), post, stories..)

Sorti de reti sociali [ canbia | canbia el codaxe ]

Ghe xe anca reti sociali anca masa specialixade par exenpio US Intelligence Community A-Space , pensada come spasio de laoro comun par analisti.
In pi, unco tantisimi sistemi de mesajistega istantania i ga algune funsionalida de le reti sociali, par exenpio WhatsApp , Telegram , QQ e altre.

Portałi : Modeło:Portałe informadega |